انا بقى
مش متابع معاكوا
شكلوا حتفضلوا متابعين كتير
بصراحه العربيه شيك جدا واى حاجه بتليق عليها
عرض للطباعة
انا بقى
مش متابع معاكوا
شكلوا حتفضلوا متابعين كتير
بصراحه العربيه شيك جدا واى حاجه بتليق عليها
طب مافيش حد يعرف نجيب الحاجات دي منين
طب يا جماعه رمضان قرب فا لازم ناخد خطوه :D:D:D انا بقول لو في حد عندو افكار للتعديل يحطها هنا انا مثلا عايز اعرف ال2 شكمان يتعملوا ولا يتباعوا ..انا عايزهم للشكل بس زي دي http://www.forteforums.com/forums/at...s-p1020264.jpg
حد عنده فكره طيب ممكن نلاقى الحجات دي عند سبير كار .. ؟
والله يا اخوانا أنا كنت متحمس جدا لموضوع النواكل دى أول ما جبت عربيتى (سيراتو 2010 - سوداء - الفئة الثانية أوتوماتيك - توكيل) ، ونزلت لفيت على كل بتوع الإكسسوارات المشهورين وهاقول لكم ملخص التجربة:-
سبير كار: ما عندوش غير نواكل الفوانيس الأمامية والخلفية وغطاء التنك والأكر وأطباق الأكر وغطاء المرايات النيكل بالفانوس والدلايات ، وكله صينى.
على رضا: من أفضل المحلات المتخصصة فى الإكسسوارات على الإطلاق وما بيشتغلش غير فى الكورى وما عندوش صينى وبالطبع فى فرق فى السعر ، على سبيل المثال طقم الأكر الصينى فى سبير كار 60 جنيه ، بينما طقم الأكر الكورى فى على رضا نفس الشكل ب 120 جنيه ، وعلى فكرة أنا جبت الكورى الأغلى فى السعر لأننى اهتم بالجودة ولا أثق على الإطلاق فى المنتج الصينى.
من ناحية تانية على رضا تنويع الإكسسوارات عنده أكتر بكتيييير من أى محل تانى ، بس لحدود معينة ، يعنى الإكسسوارات اللى حاطط صورها استحالة هتلاقيها عند أى حد ولازم تستوردها من برة
سبيدو وآرابكوم وغيرهم من الأسماء الشهيرة تقريبا زى سبير كار أو أفضل ولكن على رضا يتفوق عليهم جميعا.
أعتقد أن أفضل حل للحصول على هذه الإكسسوارات وغيرها هو الإستيراد المباشر ، وهذا يحتاج إلى اتفاق مجموعة كبيرة لأن المشكلة الرئيسية ليست فى السعر أو الجمارك والضرائب بل فى الشحن.
تقريبا و الله اعلم انا شفت الاعتاب الداخليه دى فى المعادى بس مش عار ف دى للسيراتو النيو شيب او الاولد شيب لانها تفرق فى المقاسات و كده
كمان فى عند الشيخ ابراهيم بتاع الاستيكر فى شارع دمشق بس لاى نوع غير السيراتو ههههههه انا سالته كذا مره و بردو مفيش للسيراتو و اعتقد انها قريب قوى هتلاقيها و بسعر حلو و ممكن تنزل التوفيقيه و تلف و تشوف لانها ارخص بكتير جدا من اى حته تانيه عن تجربه و هى هى نفس الخامه و كل حاجه و كده
عموما انتظر فى موضوع جديد هعمله عن التعديلات قريب هيعجبك قوى
و هو ان الاكسسوارات اللى مبلاقيهاش فى مصر بصممها و اعملها بنفسى و الله ههههههههه او بمساعده من زمايلى و الموضوع فعلا متعب جدا و بياخد وقت بس النتيجه زى الاصلى بالظبط و عملت الموضوع ده فى كذا حاجه و النتيجه ممتازه و اقل من نصف التمن كمان بتاع الحاجه اللى كنت عاوز اشتريها
طبعا انا بعمل الحجات دى لنفسى او اصحابى فقط لانها هوايه و روقان مش اكتر و مش ببيع اصلا و معنديش محل و لا غيره
مجرد افكر و انفذ و خلاص لمزاجى و حسابى الخاص و انا واخد الموضوع تحدى يعنى
لان مينفعش نشترى كل حاجه و بردو مينفعش نفتكس فى اى حاجه .
ممكن اعرف على رضا المحل بتاعة فين؟