تسارع الساجا 0-100كم/س مش 14.5 ثانية

**MEGAREKAB** · 16-06-2011 03:01 PM

يا جماعه العربية دى بسم الله ماشاء الله عليها ... انا عمرى ما بحب الجرى واخاف منه جدا جدا خصوصا عشان اطفالى اللى معايا واما كام معايا عربيتى القديمة كنت بالكتير امشى 90 كم/س لكن من ساعه ماجبت ساجتى حبيبتى وانا مستحيل اعرف امشى على اقل من 130 كم/ س لكن فى مشكله .....

عشان امشى على السرعه دى بلاقى عداد الر بى إم بيعدى الثلاثه وساعات بيوصل لاربعه وشاكك ان ده ممكن يكون غلط ويقصر من عمر المحرك...

انا عارف ان الخطر او القرص يبتدى من عند 6200 لفه لكن عاوز النصيحه ... لو عديت 4000 لفه غلط ويقصر عمر المحرك ولا عادى ؟؟؟؟!!!

**eng.m7md.ali** · 16-06-2011 04:52 PM

افتكر انها ممكن تعمل اقل من كدة في التسارع
محتاجة تتفتح شوية لان العربية اعتقد لسة جديدة
انا عربيتي اول ماجبتها كانت بتعمل 15 ثانية من 0 - 100
دلوقتي 12 ثانية

**amazingahmed** · 16-06-2011 05:21 PM

المشاركة الأصلية كتبت بواسطة eng f3lix

افتكر انها ممكن تعمل اقل من كدة في التسارع
محتاجة تتفتح شوية لان العربية اعتقد لسة جديدة
انا عربيتي اول ماجبتها كانت بتعمل 15 ثانية من 0 - 100
دلوقتي 12 ثانية

بس مفيش احتمال أن ممكن الهوا كان في ضهرك أو الطريق نازل... ؟؟؟؟؟؟؟؟؟؟

**BlackEagle1985** · 16-06-2011 07:34 PM

المشاركة الأصلية كتبت بواسطة megarekab

يا جماعه العربية دى بسم الله ماشاء الله عليها ... انا عمرى ما بحب الجرى واخاف منه جدا جدا خصوصا عشان اطفالى اللى معايا واما كام معايا عربيتى القديمة كنت بالكتير امشى 90 كم/س لكن من ساعه ماجبت ساجتى حبيبتى وانا مستحيل اعرف امشى على اقل من 130 كم/ س لكن فى مشكله .....

عشان امشى على السرعه دى بلاقى عداد الر بى إم بيعدى الثلاثه وساعات بيوصل لاربعه وشاكك ان ده ممكن يكون غلط ويقصر من عمر المحرك...

انا عارف ان الخطر او القرص يبتدى من عند 6200 لفه لكن عاوز النصيحه ... لو عديت 4000 لفه غلط ويقصر عمر المحرك ولا عادى ؟؟؟؟!!!

انا حاسس انك عندك حق في كلامك انا استغربت برده من الصورة اللي حاطتها البشمهندس احمد اني السرعة جانت تقريبا 165 و العداد كان تقريبا علي 5000 مش عارف هو كان ساعتها دايس علي اخر الدواسة ولا دا الطبيعي بتاع العربية
اعتقد ممكن كده يكون الار بي ام عالي شوية ولا ايه ؟؟؟

**sayed911** · 16-06-2011 08:16 PM

العربية يا جماعة ما تزال في مرحلة الـ 2000 كيلو يعني اتفرج عليها دي لما تخلص اول 50 ويا حبذا لو اول 10 كمان ها تتفرج عليها بعد كده يعني طبيعي انها كده !! + مثلا انا كنت مسافر الساحل بالعربية التانية وانا رايح كنت جايب الـ 160 بالعافية ومع جهاد كمان !! وانا راجع الـ 200 جية على طريق العلمين زي السكينة في الحلاوة !! الهواء له مردود قوي جدا ولكن مش في التاسرع بيفرق في السرعة !! لأنه انا من صفر لـ 100 الإير ريزيستننس ها تفرق آه ولكن مش الفرق اللي يوديني من ثانيتين لـ خمسة مثلا !
بجد اتفرجوا على نفس الفيديو ان شاء الله بعد الـ 5000 الآف وبعد تغير الزيت لتاني مرة

**eng.m7md.ali** · 16-06-2011 08:17 PM

المشاركة الأصلية كتبت بواسطة amazingahmed

:b4_388: :018a1d~146:

بس مفيش احتمال أن ممكن الهوا كان في ضهرك أو الطريق نازل... ؟؟؟؟؟؟؟؟؟؟

لا انا جربت في شارع عمومي بيسمح بالسرعة دي كان فاضي بليل
وجربتها كذة مرة وكانت 12 تقريبا مع زياردة بسيطة

**spiderloking** · 17-06-2011 12:39 AM

ده الطبيعي بتاع الساجا يا جماعه و زي ما قال سيد لما تحس ان صوت الموتور علي شيل رجلك و حطها تاني هتلاقيها بتنقل لوحدها علي غيار اعلي و ده هيديلك تسارع افضل كمان من لما تحرق علي الغيار انا لحد دلوقتي بصراحه اقصي سرعه جبتها بيها 180 و كان معايا 3 افراد في العربيه كنت رايح اسكندريه بس والله العظيم كنت حاسس انها عاوزه تجيب تاني بس طبعا مرضيتش علشان كان معايا الحاج و الحاجه و طبعا انتوا عارفين الناس الكبيره بس عاوز اقولكم علي حاجه والله كنت قافل الزجاج و مشغل التكييف و محستش اني علي 180 ابدا كنت مفكر نفسي ماشي مثلا علي 140 بالكتير والله مخدتش بالي غير ايلا لما لقيت نفسي عمال اعدي من عربيات و محدش بيعديني علي الطريق و كمان بعدي من جمبيهم بسرعه ببص علي العداد لقيت نفسي 180 بعديها نزلت شويه سرعتي و فضلت ماشي 150 لحد ما وصلت اسكندريه الحمد لله بسم الله ما شاء الله عربيه تحفه و كل شويه بيزيد اعجابي بيها عن الاول و عاوز اقولكم علي حاجه كمان هتفرق معاكم في التسارع و في صوت الموتور جربوا زيت شيل الترا 10 الاف رهيييب بجد و احلي كتير من توتال فعلا

**م.محمد مختار** · 17-06-2011 04:40 PM

المشاركة الأصلية كتبت بواسطة amazingahmed

احنا ليه بنفترض دايما الشك؟؟؟ أنا لما رحت المانيا كان الأصل في التعامل هو الصدق. محدش بيكدب حد ألا لو عنده دليل و هي دي أخلاق الإسلام (للأسف عندهم و مش عندنا)

الهوا كان جاي من اليمين قدام و مكانش منزل و الدليل أني كنت كابس الدواسة على آخرها و العربية مش عاوزة تعدي ال150. على العكس، و أنا رايح كنت ماشي على 165. يعني لو كنت جربت ساعتها كنت ممكن أحقق رقم أفضل.

واحنا برضه ليه بنقدم سوء الظن؟؟؟؟؟ هو ده اللي علمهولك في ألمانيا؟؟؟؟
أنا لا كدبتك ولا كدبت حد غيرك... ولو حضرتك حاولت تشغل مخك و تفكر في كلامي ثواني قبل ما تتسرع بالهجوم غير المبرر ده حتفهم ان كلامي بيناقش "ظروف تحقيق الرقم" وليس "تحقيق الرقم من عدمه"....

وآســــــــــــف جداً جداً على الدخول على موضوع معاليك... وآخر مرة ان شاء الله...

**amazingahmed** · 17-06-2011 05:41 PM

المشاركة الأصلية كتبت بواسطة م.محمد مختار

واحنا برضه ليه بنقدم سوء الظن؟؟؟؟؟ هو ده اللي علمهولك في ألمانيا؟؟؟؟
أنا لا كدبتك ولا كدبت حد غيرك... ولو حضرتك حاولت تشغل مخك و تفكر في كلامي ثواني قبل ما تتسرع بالهجوم غير المبرر ده حتفهم ان كلامي بيناقش "ظروف تحقيق الرقم" وليس "تحقيق الرقم من عدمه"....

وآســــــــــــف جداً جداً على الدخول على موضوع معاليك... وآخر مرة ان شاء الله...

أولا ده مش سوء ظن، أنت اللي كلامك كان واضح زيادة عن اللزوم و اسأل أي حد من اللي قرأ ردك.
ثانيا أسلوب "هو ده اللي علمهولك في المانيا" و "لو حاولت تشغل مخك" يخليني أرد عليك و أقولك "هو ده اللي علمهولك في هندسة؟ لو عندك دليل يبقى عندك حق، لو معندكش يبقى يا تصدق يا تشغل مخك و تجيب دليل. هي دي هندسة. الهندسة مش تشكيك في كلام الناس أو افتراضات من غير دليل يا بشمهندس"
ثالثا أمال لو كنت عاوز تكدبني كنت قلت ايه أكتر من كده؟؟؟؟؟؟؟؟؟

رابعا راجع كلامك يا بشمهندس و عيب كده. إحنا مش عيال على التهريج ده. ايه مش هخش على موضوعك و بعد كده هيبقى متخشش على موضوعي و سيب صفحتي و مش هتفرج على الصور بتاعتك؟؟؟؟؟؟؟ المفروض المنتدى ده لتبادل الخبرات و لإفادة الزملاء. المفروض يكون فيه بيننا احترام و أنا مليش هدف غير كده. أمال ايه اللي هيخليني آخد من وقتي لمحاولة مساعدة الزملاء و الرد عليهم لو في استطاعتي؟؟؟؟؟ علشان برد الجميل للناس اللي ياما ساعدتني و مكانتش مستنية مقابل........ هو يا إما تخبط فيا يا ماتدخلش؟؟؟؟؟!!!!!!!!!!!!!

أنا مستاء جدا

**kimotop** · 17-06-2011 07:13 PM

بسسسسسسسسسس يا جدعان
يا عم احمد الاخ محمد مكنش بيكدبك ولا حاجة هو فعلا قالها بطريقة ممكن تتفهم غلط بس هو كان بيقولك ان دفع الهوا للعربية خلاها اسرع
يعني سوء تفاهم يا جميل
وانت يا عم محمد برضو اسلوبك في الي علمهولك في المانيا و شغل مخك ميصحش انا مش بنتقدك يمكن دا اسلوبك في التعامل بس مش كل الناس بتفهم كدا
اكبروا يا جماعة احنا هنا كلنا اخوات

الموضوع: تسارع الساجا 0-100كم/س مش 14.5 ثانية

LinkBack

أدوات الموضوع

عرض

-

-

-

-

-

-

-

-

المواضيع المتشابهه

هل الدركسيون بيخف بعد 100كم

[فيديو] تسارع ياريستي من 0-100 = 12 ثانية !

اقصى تسارع لعربيتك فكام ثانية ؟

نيو أكسنت فوق سرعة 100كم/س

صوت الهواء بعد 100كم -صواريخ

الكلمات الدلالية لهذا الموضوع

المفضلات

المفضلات

ضوابط المشاركة