تسارع الساجا 0-100كم/س مش 14.5 ثانية

مين اللي قال أن تسارع الساجا الأوتو 14.5 ثانية من 0-100 كم/س ؟؟؟؟ هو اللي جربها مبيعرفش يسوق؟؟؟ طب أنا مستعد أشتغل في بروتون أجربلهم عربيات :Ka_che1[1]:
أنا جربت التسارع من 0-100 و حققت 13.95 ثانية.

كنت ماشي على طريق السخنة و لقيت ساجا تانية راكب فيها 4 و ماشية 160 كم/س رحت شديت معاه و مشيت ييجي ربع السكة على 160 و أنا مشغل التكييف و بسم الله ما شاء الله حاجة لوز العنب :16: .كنت عاوز أروح العين وصلت قبل ما أقول السخنة :glasses12: . بعد كده مبقتش عارف أمشي أقل من 140.
المهم قلت أجرب التسارع و آدي الفيديو. بداية الحساب عند الثانية 3.739 و نهاية الحساب عند 17.688 بإجمالي 13.949 ثانية.
رقم قياسي جديد :B4_611:

[youtube]http://www.youtube.com/watch?v=3PHaRi6VKsw[/youtube]

YouTube - ‪Saga Accel.mp4‬‏


ملحوظة: تم قياس زمن البدء و زمن النهاية على أساس أول frame و آخر frame من برنامج avidemux

بسم الله ما شاء الله , ربنا يبارك لك فيها و يكفيك شر الطريق

قشطة
كنا عايزين نشوف الكيك داون بتاعها لو مصورة

ممكن الهوا كان في ضهرك أو الطريق نازل...

وعموماً الساجا بنت أصل ومن عيلة... مش غريب عليها .. :)

انا عايز احيي حضرتك على الفكرة والتجربة الجرئية وربنا يسترها معانا ومعاك يا رب ولكن ليا بعض الإستفسارات !!
حضرتك المسافة كنت مسافر توتال على كام ؟ لاحظت تغير في مؤشر ردجة الحرارة ؟ اختلاف في رصة بساتم المحرك بعد الرحلة دي ؟ بمعنى الصوت بعد الرحلة دي للمحرك اهدئ ؟ حضرتك حطيت زيت 5000 ولا 10 في صيانة الـ 1000 ؟ حضرتك انتا عملت زيي لأني انا عملت اول 500 وتاني 500 كنت بنقل على نفس الأر بي ام :d
ولكن هقولك على حاجة ها تجربها وها تدعيلي !!! انا والأستاذ لبيد اكتشفنا فكرة في الساجا ها تلاقي الأكسليريشن بتاعك اعلى من الطبيعي كمان !! وانتا حاطط العربية على الدي !! وعايز تصور فيديو زي ده !!! اكبس الدواسة لحد الأرض وشوف التايم معاك ها يبقى كام جميل ؟
جرب بقى تاني برضوا حط الـ دي ومن الثبات انطلق !!
وبعدين خليك رجلك على الأرض !! لحد مثلا ار بي ام 5.5 متخليش العربية هيا اللي تنقل اتحكم انتا في النقلة ازاي بقى عن طريق انك تروح رافع رجلك وكابس تاني بسرعة ها تلاقي العربية غيرت كأنها مانيوال بالزبط وبشكل اسرع كمان من انك تفضل دايس عليها !! بمعنى آخر !!
انا ها ادوس بنزين !! انا بعملها على طول مش ضروري حتى اكون بجيب سرعة عاليا ولكن بكون عايز انقل لدولتقي مجرد ارفع رجلك واكبس تاني ها تلاقي الغيار اللي بعده جه فورا !! وهكذا بقى جرب وقولي حصل ايه مع حضرتك !! ولكن انا متأكد انها ها تسجل تسارع اعلى كمان مع حضرتك ..

اقتباس:

---

المشاركة الأصلية كتبت بواسطة م.محمد مختار

ممكن الهوا كان في ضهرك أو الطريق نازل...

وعموماً الساجا بنت أصل ومن عيلة... مش غريب عليها .. :)

---

احنا ليه بنفترض دايما الشك؟؟؟ أنا لما رحت المانيا كان الأصل في التعامل هو الصدق. محدش بيكدب حد ألا لو عنده دليل و هي دي أخلاق الإسلام (للأسف عندهم و مش عندنا) :untitled 1:

الهوا كان جاي من اليمين قدام و مكانش منزل و الدليل أني كنت كابس الدواسة على آخرها و العربية مش عاوزة تعدي ال150. على العكس، و أنا رايح كنت ماشي على 165. يعني لو كنت جربت ساعتها كنت ممكن أحقق رقم أفضل.

اقتباس:

---

المشاركة الأصلية كتبت بواسطة kimotop

قشطة
كنا عايزين نشوف الكيك داون بتاعها لو مصورة

---

Sooooooooooooooooooooooooooon

اقتباس:

---

المشاركة الأصلية كتبت بواسطة sayed911

انا عايز احيي حضرتك على الفكرة والتجربة الجرئية وربنا يسترها معانا ومعاك يا رب ولكن ليا بعض الإستفسارات !!
حضرتك المسافة كنت مسافر توتال على كام ؟ لاحظت تغير في مؤشر ردجة الحرارة ؟ اختلاف في رصة بساتم المحرك بعد الرحلة دي ؟ بمعنى الصوت بعد الرحلة دي للمحرك اهدئ ؟ حضرتك حطيت زيت 5000 ولا 10 في صيانة الـ 1000 ؟ حضرتك انتا عملت زيي لأني انا عملت اول 500 وتاني 500 كنت بنقل على نفس الأر بي ام :d
ولكن هقولك على حاجة ها تجربها وها تدعيلي !!! انا والأستاذ لبيد اكتشفنا فكرة في الساجا ها تلاقي الأكسليريشن بتاعك اعلى من الطبيعي كمان !! وانتا حاطط العربية على الدي !! وعايز تصور فيديو زي ده !!! اكبس الدواسة لحد الأرض وشوف التايم معاك ها يبقى كام جميل ؟
جرب بقى تاني برضوا حط الـ دي ومن الثبات انطلق !!
وبعدين خليك رجلك على الأرض !! لحد مثلا ار بي ام 5.5 متخليش العربية هيا اللي تنقل اتحكم انتا في النقلة ازاي بقى عن طريق انك تروح رافع رجلك وكابس تاني بسرعة ها تلاقي العربية غيرت كأنها مانيوال بالزبط وبشكل اسرع كمان من انك تفضل دايس عليها !! بمعنى آخر !!
انا ها ادوس بنزين !! انا بعملها على طول مش ضروري حتى اكون بجيب سرعة عاليا ولكن بكون عايز انقل لدولتقي مجرد ارفع رجلك واكبس تاني ها تلاقي الغيار اللي بعده جه فورا !! وهكذا بقى جرب وقولي حصل ايه مع حضرتك !! ولكن انا متأكد انها ها تسجل تسارع اعلى كمان مع حضرتك ..

---

يا سيد انت بتسأل أسئلة صعبة أوي :ilikeit:
المسافة من القاهرة للعين السخنة كانت حوالي 170 كيلو. الأول كنت ماشي على 120 زي ما الكتاب بيقول بعد كده خليتها 140 و لما شفت الساجا التانية بقيت 150 - 165 و ده كان آخرها. و مقللتش السرعة عن كده (معرفتش).
الحمد لله مؤشر الحرارة ثابت على 3 شرط.
مش عرف يعني ايه رصة البساتم لكن المحرك صوته زي ما هو. أنا كنت فعلا متوقع أنه يهدى لكن محصلش. على العموم صوته مش مضايقني من الأول خالص. بالعكس صوته على السرعات جميل جدا جدا جدا.
أنا كنت حاطط زيت ال5000 في صيانة ال1000.

أنا الأول جربتها على الD لكن النتيجة كانت أقل. قفلت أتحكم من الفتيس و فعلا كانت النتيجة اللي حصلت.
أنا فعلا بتحكم في النقلات زي ما أنت قلت :16: خصوصا لما أكون بسوق سواقة هادية و حابب أريح الموتور فبجيب النقلة الأعلى.
علشان تحقق وقت قليل في الDrag (يعني الوصول لأقصى سرعة في أقل وقت) مينفعش تنقل على 5.5 . لازم تحرق على الغيار علشان تجيب آخره من غير ما تدخل المنطقة الحمرا علشان لما تنقل للغيار الأعلى تكون واخد كل العزم بتاع الغيار اللي قبله. و لحظة لنقل دي بتبقى لحظة حرجة و قصيرة محتاجة حساسية.
علشان كده أنا كنت بنقل من الفتيس و زي ما أنت شايف جبت ال100 يادوب على أول التالت. مكانش ينفع أعملها على الD علشان العربية مفيهاش Overdrive أو Sports Mode

:7_6_5v[1]:

http://www.nileup.com//uploads/image...c59381582f.jpg

جامد ...
انتظروا قريبا زى ماورتكوا وانا جايب بها 200 بس للاسف على ما اتصورت كانت 180 المرة الجاية هاجيب معايا واحد قلبه جامد شوية واصورها وهى على ال 200 بظبط
وقريبا برضه هاصور التسارع بتاعها بس افوق من الشغل واطلع على طريق مرسى مطروح تانى

يا جماعه العربية دى بسم الله ماشاء الله عليها ... انا عمرى ما بحب الجرى واخاف منه جدا جدا خصوصا عشان اطفالى اللى معايا واما كام معايا عربيتى القديمة كنت بالكتير امشى 90 كم/س لكن من ساعه ماجبت ساجتى حبيبتى وانا مستحيل اعرف امشى على اقل من 130 كم/ س لكن فى مشكله .....

عشان امشى على السرعه دى بلاقى عداد الر بى إم بيعدى الثلاثه وساعات بيوصل لاربعه وشاكك ان ده ممكن يكون غلط ويقصر من عمر المحرك...

انا عارف ان الخطر او القرص يبتدى من عند 6200 لفه لكن عاوز النصيحه ... لو عديت 4000 لفه غلط ويقصر عمر المحرك ولا عادى ؟؟؟؟!!!

افتكر انها ممكن تعمل اقل من كدة في التسارع
محتاجة تتفتح شوية لان العربية اعتقد لسة جديدة
انا عربيتي اول ماجبتها كانت بتعمل 15 ثانية من 0 - 100
دلوقتي 12 ثانية

اقتباس:

---

المشاركة الأصلية كتبت بواسطة eng f3lix

افتكر انها ممكن تعمل اقل من كدة في التسارع
محتاجة تتفتح شوية لان العربية اعتقد لسة جديدة
انا عربيتي اول ماجبتها كانت بتعمل 15 ثانية من 0 - 100
دلوقتي 12 ثانية

---

:B4_388: :018A1D~146: :auto:

بس مفيش احتمال أن ممكن الهوا كان في ضهرك أو الطريق نازل... ؟؟؟؟؟؟؟؟؟؟ :oops2:

اقتباس:

---

المشاركة الأصلية كتبت بواسطة megarekab

يا جماعه العربية دى بسم الله ماشاء الله عليها ... انا عمرى ما بحب الجرى واخاف منه جدا جدا خصوصا عشان اطفالى اللى معايا واما كام معايا عربيتى القديمة كنت بالكتير امشى 90 كم/س لكن من ساعه ماجبت ساجتى حبيبتى وانا مستحيل اعرف امشى على اقل من 130 كم/ س لكن فى مشكله .....

عشان امشى على السرعه دى بلاقى عداد الر بى إم بيعدى الثلاثه وساعات بيوصل لاربعه وشاكك ان ده ممكن يكون غلط ويقصر من عمر المحرك...

انا عارف ان الخطر او القرص يبتدى من عند 6200 لفه لكن عاوز النصيحه ... لو عديت 4000 لفه غلط ويقصر عمر المحرك ولا عادى ؟؟؟؟!!!

---

انا حاسس انك عندك حق في كلامك انا استغربت برده من الصورة اللي حاطتها البشمهندس احمد اني السرعة جانت تقريبا 165 و العداد كان تقريبا علي 5000 مش عارف هو كان ساعتها دايس علي اخر الدواسة ولا دا الطبيعي بتاع العربية
اعتقد ممكن كده يكون الار بي ام عالي شوية ولا ايه ؟؟؟

العربية يا جماعة ما تزال في مرحلة الـ 2000 كيلو يعني اتفرج عليها دي لما تخلص اول 50 ويا حبذا لو اول 10 كمان ها تتفرج عليها بعد كده يعني طبيعي انها كده !! + مثلا انا كنت مسافر الساحل بالعربية التانية وانا رايح كنت جايب الـ 160 بالعافية ومع جهاد كمان !! وانا راجع الـ 200 جية على طريق العلمين زي السكينة في الحلاوة !! الهواء له مردود قوي جدا ولكن مش في التاسرع بيفرق في السرعة !! لأنه انا من صفر لـ 100 الإير ريزيستننس ها تفرق آه ولكن مش الفرق اللي يوديني من ثانيتين لـ خمسة مثلا !
بجد اتفرجوا على نفس الفيديو ان شاء الله بعد الـ 5000 الآف وبعد تغير الزيت لتاني مرة

اقتباس:

---

المشاركة الأصلية كتبت بواسطة amazingahmed

:b4_388: :018a1d~146: :auto:

بس مفيش احتمال أن ممكن الهوا كان في ضهرك أو الطريق نازل... ؟؟؟؟؟؟؟؟؟؟ :oops2:

---

لا انا جربت في شارع عمومي بيسمح بالسرعة دي كان فاضي بليل
وجربتها كذة مرة وكانت 12 تقريبا مع زياردة بسيطة

ده الطبيعي بتاع الساجا يا جماعه و زي ما قال سيد لما تحس ان صوت الموتور علي شيل رجلك و حطها تاني هتلاقيها بتنقل لوحدها علي غيار اعلي و ده هيديلك تسارع افضل كمان من لما تحرق علي الغيار انا لحد دلوقتي بصراحه اقصي سرعه جبتها بيها 180 و كان معايا 3 افراد في العربيه كنت رايح اسكندريه بس والله العظيم كنت حاسس انها عاوزه تجيب تاني بس طبعا مرضيتش علشان كان معايا الحاج و الحاجه و طبعا انتوا عارفين الناس الكبيره بس عاوز اقولكم علي حاجه والله كنت قافل الزجاج و مشغل التكييف و محستش اني علي 180 ابدا كنت مفكر نفسي ماشي مثلا علي 140 بالكتير والله مخدتش بالي غير ايلا لما لقيت نفسي عمال اعدي من عربيات و محدش بيعديني علي الطريق و كمان بعدي من جمبيهم بسرعه ببص علي العداد لقيت نفسي 180 بعديها نزلت شويه سرعتي و فضلت ماشي 150 لحد ما وصلت اسكندريه الحمد لله بسم الله ما شاء الله عربيه تحفه و كل شويه بيزيد اعجابي بيها عن الاول و عاوز اقولكم علي حاجه كمان هتفرق معاكم في التسارع و في صوت الموتور جربوا زيت شيل الترا 10 الاف رهيييب بجد و احلي كتير من توتال فعلا

اقتباس:

---

المشاركة الأصلية كتبت بواسطة amazingahmed

احنا ليه بنفترض دايما الشك؟؟؟ أنا لما رحت المانيا كان الأصل في التعامل هو الصدق. محدش بيكدب حد ألا لو عنده دليل و هي دي أخلاق الإسلام (للأسف عندهم و مش عندنا) :untitled 1:

الهوا كان جاي من اليمين قدام و مكانش منزل و الدليل أني كنت كابس الدواسة على آخرها و العربية مش عاوزة تعدي ال150. على العكس، و أنا رايح كنت ماشي على 165. يعني لو كنت جربت ساعتها كنت ممكن أحقق رقم أفضل.

---

:T_thum1[1]:
واحنا برضه ليه بنقدم سوء الظن؟؟؟؟؟ هو ده اللي علمهولك في ألمانيا؟؟؟؟
أنا لا كدبتك ولا كدبت حد غيرك... ولو حضرتك حاولت تشغل مخك و تفكر في كلامي ثواني قبل ما تتسرع بالهجوم غير المبرر ده حتفهم ان كلامي بيناقش "ظروف تحقيق الرقم" وليس "تحقيق الرقم من عدمه"....

وآســــــــــــف جداً جداً على الدخول على موضوع معاليك... وآخر مرة ان شاء الله...

اقتباس:

---

المشاركة الأصلية كتبت بواسطة م.محمد مختار

:T_thum1[1]:
واحنا برضه ليه بنقدم سوء الظن؟؟؟؟؟ هو ده اللي علمهولك في ألمانيا؟؟؟؟
أنا لا كدبتك ولا كدبت حد غيرك... ولو حضرتك حاولت تشغل مخك و تفكر في كلامي ثواني قبل ما تتسرع بالهجوم غير المبرر ده حتفهم ان كلامي بيناقش "ظروف تحقيق الرقم" وليس "تحقيق الرقم من عدمه"....

وآســــــــــــف جداً جداً على الدخول على موضوع معاليك... وآخر مرة ان شاء الله...

---

أولا ده مش سوء ظن، أنت اللي كلامك كان واضح زيادة عن اللزوم و اسأل أي حد من اللي قرأ ردك.
ثانيا أسلوب "هو ده اللي علمهولك في المانيا" و "لو حاولت تشغل مخك" يخليني أرد عليك و أقولك "هو ده اللي علمهولك في هندسة؟ لو عندك دليل يبقى عندك حق، لو معندكش يبقى يا تصدق يا تشغل مخك و تجيب دليل. هي دي هندسة. الهندسة مش تشكيك في كلام الناس أو افتراضات من غير دليل يا بشمهندس"
ثالثا أمال لو كنت عاوز تكدبني كنت قلت ايه أكتر من كده؟؟؟؟؟؟؟؟؟ :angry06:
رابعا راجع كلامك يا بشمهندس و عيب كده. إحنا مش عيال على التهريج ده. ايه مش هخش على موضوعك و بعد كده هيبقى متخشش على موضوعي و سيب صفحتي و مش هتفرج على الصور بتاعتك؟؟؟؟؟؟؟ المفروض المنتدى ده لتبادل الخبرات و لإفادة الزملاء. المفروض يكون فيه بيننا احترام و أنا مليش هدف غير كده. أمال ايه اللي هيخليني آخد من وقتي لمحاولة مساعدة الزملاء و الرد عليهم لو في استطاعتي؟؟؟؟؟ علشان برد الجميل للناس اللي ياما ساعدتني و مكانتش مستنية مقابل........ هو يا إما تخبط فيا يا ماتدخلش؟؟؟؟؟!!!!!!!!!!!!!

أنا مستاء جدا :angry06:

بسسسسسسسسسس يا جدعان
يا عم احمد الاخ محمد مكنش بيكدبك ولا حاجة هو فعلا قالها بطريقة ممكن تتفهم غلط بس هو كان بيقولك ان دفع الهوا للعربية خلاها اسرع
يعني سوء تفاهم يا جميل
وانت يا عم محمد برضو اسلوبك في الي علمهولك في المانيا و شغل مخك ميصحش انا مش بنتقدك يمكن دا اسلوبك في التعامل بس مش كل الناس بتفهم كدا
اكبروا يا جماعة احنا هنا كلنا اخوات

محصلش حاجه لكل ده
ربنا يبارك لصاحب العربيه عربيه جميله ما شاء الله

الار بى ام عالى اوووووووووووووووووووووووو وى على 165 بس

ياجماعه انتو الاتنين مش صغيرين وانا شايف ان الراجل مكدبش كلامك خالص ياباشا وفعلا احنا هنا كلنا عشان نفيد ونستفيد فبلاش مواضيع الخناقات دي احنا مش كل ماهنطلع من خناقه نخش في التانيه والله البروتناويه مكانوش كده خالص ايه اللي جرلكم ياجماعه

عن أبي أيوب رضي الله عنه أن رسول الله صلى الله عليه وسلم قال :( لا يحل لمسلم أن يهجر أخاه فوق ثلاث ليال يلتقيان فيعرض هذا ويعرض هذا وخيرهما الذي يبدأ بالسلام ) رواه البخاري ومسلم

بعد ما افتكرت الحديث ده اتكسفت أقف قدام ربنا و قدام الرسول و أنا مش بسمع كلامهم.

أنا مسامح و حصل خير

:satelite:

بس برده الهوا مكانش في ظهري و مكانش منزل :tongue17:

الحمد لله
الصلح خير
اكيد اللي يخلي العربية تعمل 14 ثانية واخرها 160 يبقى الهوا في وش العربية

انا اعتقد الأر بي ام عالي قوي كده عشان العربية لسة ما تزال الى حد كبيير في فترة التلين يعني اعتقد انا ممكن اعمل ار بي ام اقل من كده على اساس انه المحرك متفتح اكتر من كده شوية بحكم الكليو متر ..

استاذ احمد انتا كنت الصبح في صلاح سالم ؟ وكنت معدي من جنب مساكن شيراتون ؟ وكان فيه جنبك ساجا سودا كمان على صلاح سالم قدام سور الكلية الحربية ؟

الفكره ان ده متوسط الزمن في الوصول من 0 الي 100

اقتباس:

---

المشاركة الأصلية كتبت بواسطة sayed911

انا اعتقد الأر بي ام عالي قوي كده عشان العربية لسة ما تزال الى حد كبيير في فترة التلين يعني اعتقد انا ممكن اعمل ار بي ام اقل من كده على اساس انه المحرك متفتح اكتر من كده شوية بحكم الكليو متر ..

استاذ احمد انتا كنت الصبح في صلاح سالم ؟ وكنت معدي من جنب مساكن شيراتون ؟ وكان فيه جنبك ساجا سودا كمان على صلاح سالم قدام سور الكلية الحربية ؟

---

للأسف مش أنا