الموضوع: الحقيقة وراء قصة الجاسوس الاسرائيلي

المكان: مقر المخابرات الاسرائيلية الموساد مكتب مدير المخابرات الاسرائيلية:
مدير المخابرات: ازيك يا ياكوف انا بعتلك النهارده عشان مهمه خطيرة جدا لازم ننفذها بأقصي سرعة وانا مش هلاقي ظابط أكفأ منك يقدر ينفذها لانك أكفأ ظابط في الموساد اللي هو اقوي جهاز مخابرات في العالم.
ياكوف يحدث نفسه: ( ياعم انت هاتقرع عليا الكلام ده نضحك بيه علي العرب في الافلام مش علي بعضينا ده احنا دافنينه سوا ورفعت الجمال لسه معلم في قفانا الحد دلقتي)
مدير المخابرات: بتقول حاجه يا ياكوف؟؟؟؟
ياكوف : لا يافندم ده انا كنت بقول اني تحت امر اسرائيل ورقبتي سدادة يافندم
مدير المخابرات : سدادة طب هاتها اسد بيها البانيو احسن السدادة بتاعته ضاعت هاع هاع هاع لامؤاخذه ياحبيبي القافيه حكمت.
ياكوف : طول عمر حضرتك دمك خفيف وابن نكته يافندم.
مدير المخابرات: انت هاتصحابني ولا ايه امسك الملف ده.
ياكوف : ايه ده يافندم؟
المدير : ده ملف بتاع شخص خطير افتحه وشوفه
ياكوف يفتح الملف واول ما عينه تقع علي الصورة اللي فيه ايده ترتعش والملف يقع من ايده.
المدير : مالك يابني انت لحقت عارف مين اللي في الصورة ده.
ياكوف : طبعا يافندم عارفه وكل مواطن اسرائيلي يحفظ صورته عن ظهر قلب....... أوعي يافندم تكون المهمه متعلقه بيه!!!!!
المدير : فعلا هيا متعلقه بيه وفيه اوامر عليا جاتلنا اننا لازم نتخلص منه باقصي سرعة وبطريقة نضمن بيها انه ميسببلناش أي مشكلة تاني لأنه اصبح بيسبب خطر رهيب علي امن وطننا الغالي اسرائيل.
ياكوف : طب وانا هاعمل معاه ايه يافندم ده محدش يقدر عليه ابدااا وحضرتك عارف كده كويس.
المدير : مش مشكلتي بقا امال انا جبتك ليه وعمال انفخ فيك من الصبح واقولك اكفأ ظابط في الموساد واذكي جهاز مخابرات في العالم اتصرف ياحبيبي وخلصنا منه بأي شكل. انت فاهم أي شكل وبأقصي سرعة
ياكوف بصوت مرتعش : حاضر يافندم وهو ينظر الي صورة ذلك الشخص الرهيب الذي يجب عليه ان يتخلص منه في اصعب مهمه في حياته.......... صورة أيلان جرابيل اغبي واكثر شخص منحوس في أسرائيل كلها .. الشخص الذي فشل فشلا ذريعا في كل الوظائف التي اشتغل بها وكان السبب الرئيسي ورا هزيمة اسرائيل في حرب لبنان مع حزب الله وكاد ان يتسبب في هزيمة اسرائيل من حماس وبينما هو ينظر الي الصورة التمعت في رأسه فكرة خبيثه لا تخرج الا من عقل داهية مثل عقل ياكوف ليه منبعتهوش لألد اعداء اسرائيل ونبقي كده ضربنا عصفورين بحجر واحد ؟؟؟؟؟؟؟؟؟؟؟ وارتسمت علي شفتيه ابتسامه صغيره ثم اخذت تتسع الي ان تحولت الي ضحكات شيطانيه شرير متقطعه هاع هاع هاع هاع.

منقول للامانه