شخصيه روعه
تقدميه
متدين
ذكى
منفتح
شاب
ملىء بالطاقه والرغبه فى عمل الخير.
يحل مشكله الاستقطاب .
لو اترشح للرئاسه هنتخبه من غير خوف على البلد او على دينى.
عرض للطباعة
شخصيه روعه
تقدميه
متدين
ذكى
منفتح
شاب
ملىء بالطاقه والرغبه فى عمل الخير.
يحل مشكله الاستقطاب .
لو اترشح للرئاسه هنتخبه من غير خوف على البلد او على دينى.
عندة قدرات إدارية ، مٌلهم ، بيشتغل فى مؤسسات مش فردي ، بيعرف يجمع الناس ، بيعرف يتواصل مع الغرب بدون تفريط أو خشونة ، عندة رؤية لمصر
والأهم أنه فعلا عمل ولة تجارب سابقة ، والأنشطة المجتمعية اللى عملها فى مصر أكبر دليل
وبلاش حد يقول ده داعية وإحنا مش هنختار داعية والكلام ده ، أنا بتكلم عن شخص عندة أمكانيات ، بصراحة الوحيد فى جيلة اللى يقدر يقود وكفاية أوي عواجيز يحكمونا
هو ليه كل حد كويس لازم يبقي رئيس
الرئيس وظيفته تنسقبيه اولا واخيرا
ليه ميبقاش وزير الشباب مثلا
هيبدع اكتر وينتج اكتر
الكلام ده برده يبطبق علي الدكتور العوا مثلا
انسب له بكتير يبقي وزير العدل
او وزير الاوقاف
ايمن نور
محافظ القاهره
وهلم جر
ممكن ...بس المعضله ان احنا عايزين واحد وسطى عشان يحل مشكله الاستقطاب ...وفى رأيى المتواضع عمرو خالد هوا هذا الرجل.
يعنى البرادعى ..ايمن نور...حمدين..عمرو موسى..كلهم حلوين بس المشكله انهم بيمثلوا كلهم اتجاه واحد فقط...ومش عجبين الطرف التانى.واحنا فى وضع خطير وعيزين البلد تتجمع مش تنفرط.
انا هاسكت عشان الموضوع ما يقلبش بخناقة
يعني أنا أحسب عمرو خالد على خير و لا ازكي على الله أحداً
أنا مراتي قبل الجواز كانت من صناع الحياه ..... و هي والدها و والدتها طلعو الحج في نفس السنة إلي عمرو خالد طلع فيها مع صناع الحياه
و كانوا قريبين منه جداً ...... شخصية رائعة ربنا يباركله و مثال و نموذج حقيقي للمسلم الوسطي التقدمي بدون إفراط أو تفريط
دة غير إنه عنده رؤية ...... و صاحب قدره على العمل و الإلهام
بس أنا شايفه أكتر في وزير الشباب عن رئيس جمهورية :))))))
عمرو خالد الاصلح من وجهة نظرى لاى منصب سياسى لكن مش فى التوقيت ده يمكن بعد دورة او اتنين تانيين من الانتخابات
الراجل ده المفضل عندى من سنوات واحترمه احترام كبير وهو قدوتى فى كثير من الامور رغم ان فرق السن بينا مش كبير لكن كان له فضل كبير بعد ربنا سبحانه وتعالى عليا وعلى حياتى
مبادره عدم الصدام مبادره جميله جدا يا ريت تتعمم فى كل المنتدى الاجتماعى.
أن شاء الله ليه لأ من حقه ومن حق أي مواطن يترشح
طب الناس اللى بتيجى جنب بعض دى
ماتفضفضوا كده متجمعين على جنب ليه :ma:
من ناحيتي انا
انتهى أمره بعد رده على مهاجميه في موضوع ندوة عبد السلام المحجوب
كنت باقول يمكن يكون فيه مبرر او سبب , لكن بعد ما دافع عن نفسه كان دفاعه عن نفسه بالنسبة لي كلام فاضي
اتنسف خالص بقى بعد مكالمته مع قناة الجزيرة اثناء الثورة اللي فيها رفض يهاجم النظام بربع كلمة لدرجة ان المذيع اتنقط و هو بيسأله ( انت هناك بتعمل ايه , و هو يقول له انا مع الشباب, معاهم و هما بيعملوا ايه , معاهم و خلاص)
بعد الحادثتين دول , و ارجو محبيه ما يزعلوش مني , بس ده اللي انا شايفه دلوقت , بالنسبة لي عمرو خالد رجل يلعب على كل الحبال ولا يهتم مع من يتحالف سواء كان حقا ام باطلا
لا يصلح مع انى بحبه جداااااااااااااااا ومشترك فى موقعه من سنين ولكن لا يصلح اطلاقا
بغض النظر عن اني لا احبه ، الا انه صاحب مجهود رائع وملموس وانا شخصيا رأيت تغيير حقيقي في سلوكيات افراض هذا غير من اسلموا من احاديثه وانا اعرفهم معرفة شخصية ، انما الرئاسة تحتاج سياسي وليس داعية
لذلك لا زلت ارى انه لا يوجد من الاسماء المطروحة من هو خيرا من محمد سليم العوا
لا يصلح لكونه "سطحي" ولعبه على كل الحبال
ما هى صفات رئيس الجمهورية القادم؟
اذا حددنا ما نريد
حددنا من نريد
خالص تحيــــــــــــــــــــــ ـــــــــــــــــــــــــ ـــــــــــــــــــــــــ ـــاتى
لا حول ولا قوة الا بالله
ايه ده هوه عمرو خالد لسه موجود
مع احترامى الكامل لعمرو خالد وتقديرى له .ومع انى من محبيه .ومقدرة تماما للذى تعرض له سابقا فى عصر الرئيس السابق .
ولكنى ارى انه لا يصلح لوظيفة رئيس جمهورية .ينقصه الكثير والكثير .
مع احترامى لاراء الزملاء المؤيدين له.وعلى الرغم من انى من محبيه كما قلت سابقا .واشهد له فى كثير من الامور بالنشاط والكفاءة