هل حساسات الركن كفاءتها بتضعف مع الوقت يعني مثلا عندي مبقتش تشتغل وتدي صوت زي الاول والغريبه اني بعد مبقف وادوس فرامل تقوم شغاله فهل ممكن يكون في حاجه فيها وعاوزه تنضف مثلا ولا تتغير
عرض للطباعة
هل حساسات الركن كفاءتها بتضعف مع الوقت يعني مثلا عندي مبقتش تشتغل وتدي صوت زي الاول والغريبه اني بعد مبقف وادوس فرامل تقوم شغاله فهل ممكن يكون في حاجه فيها وعاوزه تنضف مثلا ولا تتغير
لا اعتقد بس الى اعرفه انها بتتأثر بالعوامل الجوية يعنى لو فى تراب او غبار فى الحساسات نفسها او مياه امطار او حاجة زي كدة فلازم تبقى واخد بالك انها نظيفة
انا قريت في الكتالوج انك ممنوع تنظف اي حاجه في العربيه بمواد كيميائيه
في الغسلة :)
مية وصابون وحتة نظيفة واتوصي :))) بس كدة
محدش بيستظرف الناس بتقولك نظفهم !!
نعم ؟ تصدق اننا غلطانين و نساهل .... روح شوف حد تاني تساله عشان اصلنا احنا بنستظرف ...
بقله في الغسلة لما يروح المغسلة يقلي غسالة شكله مبيغسلش عربيات ....
يا استاذ حضرتك بلاش بس كلام ملوش لازمة لناس بتساعد حضرتك عشان متزعلش حد منك ...
و انا اسف حقك عليا اوعد مش حضايق معاليك يا بيه :)
معلش لما تعرف تحترم الناس القدام الي بذات كلمتهم مبتتقلش قي اي وقت و بيقلوا كلام مفيد و بيساعدوا الناس و كتر الف خيرهم انهم فتحوا موضوعك و ردوا عليك رد مظبوط ميه الميه تبقى تشارك
معلش يا عتريس باشا :) ولا تزعل نفسك :)
اولا انا غسلت العربيه كتير ومازلت الحساسات زي ما هي ضعيفه في اداءها فانا كنت عاوز رد موضوعي يعني مكلنا بنغسل عربياتنا عشان كده افتكرتهم بيستظرفو سوري يعني لو فهمت غلط بس -----------------------
----------------------------------------------
لقد تحول الحوار القائم إلى شخصنه وصراع شخصي وقد خالفتم بذلك قوانين المنتدى
تم الاكتفاء بالتنبيه .....فى حالة تكرار المخالفة سيتم تطبيق قوانين المنتدى التى تحتم ايقافك اسبوع من الدخول الى المنتدى
الرجاء مراجعة قوانين المنتدى
مشرف 7ب
16/6/2011
1.45 am
[QUOTE=qau;3873582854] والحاجه التانيه مالواحد في مجاله عنده معلومات كتيره وعمره مبيبخل علي حد انما الاسلوب الاستفزازي بتاع الردود خلي الواحد يرد كده عالعموم انا اسف اني دخلت اصلا والمصيبه الاداره بتتكلم معايا انا
[QUOTE=qau;3873582875] يا باشا مافيش استفزاز ولاحاجه:B4_611:
متزعلش نفسك
ده سوء تفاهم بسيط جدا:oops1:
وعلي فكره احنا روح الدعابه مبينا في المنتدي كده
محدش قصده يضايقك:grin54:
والناس اللي بترد عليك انت متعرفهاش كويس
دي ناس قمه في الرجوله مثل باقي الاعضاء بس ممكن تكون بدايه الحوار مشيت في اتجاه خطأ
ومنتدي كيا تربطهم علاقات جيده واي حد بينضم للاسره بيحس انه واحد منهم علي طول
ربنا يخلصك من المشكله ديه وانشاء الله بسيطه وممكن تسأل التوكيل او اقرب مركز صيانه
وابقي قلنا عملت ايه عشان الكل يستفيد:16:
[QUOTE=revel_sony;3873582912] متشكر علي ردك وكلامك تمام كل القصه اني لقيت رد بيقولي في الغسله والتاني بيقولي صابون وحته نضيفه واتوصي فانا حسيت ان ده اسلوب استهزاء حتي لو ده هزار هم ميعرفونيش عشان يهزرو معايا عالعموم حصل خير هقولك عملت ايه جبت شامبو السيارات armor all وقعدت انضفهم كويس وبعدين ميه وقعدت اجففهم بفوطه وسبت العربيه ساعه كده وقولت اجرب لقيت انهم ابتدو يتحسنو عن الاول بس برده اعتقد ان في حاجه في اسلاكهم او كهربتهم انت عارف الاول كنت لو تقف علي مسافه كبيره تلاقيهم علطول يطلعو انذار دلوقتي لما تقرب اوي يطلعو الانذار ويكاد يكون هتخبط كمان ويمكن اروح التوكيل اصل التوكيل زهق مني الصراحه عشان عربيتي دي حاسس فيها عفريت لانها بتسقف كمان علي بنزين 92 وبقيت احطلها 95 والله ومبقتش عارف اعملها ايه
[QUOTE=qau;3873583016] اولا التوكيل ده معمول عشان اي حاجه مش مريحاك تروح وتستفسر
ولو مش عاجبهم قدم شكوي في كيا كوريا علي الموقع الرسمي
عشان ناس كتير اوي بتشتكي من التوكيل:untitled 1:
موضوع الحساسات لازم تكشف عليهم من ناحيه الكهرباء وكمان انت ممكن تعمل حاجه ظريفه
بس لازم يكون حد معاك وارجع مرشدير وخلي واحد واقف ورا العربيه وارجع واحده واحده وشوف اول ميبدأ يصفر
اول صفاره قيس المسافه بمتر وبعد كده قرب واحده واحده وكل مصفاره تزيد قيس المسافه لحد متصفر اخر صفاره
وقيس برده وشوف هيها ماشيه صح ولا لأ
لانك ممكن اول مجبت العربيه كنت بترجع بيها واحده واحده فسنسور بيلحق يلقط
ولما عرفت ابعاد عربيتك كويس بقيت بترجع بسرعه فبتحس السنسور كفأته او استجابته قلت
ولكن في الحقيقه مبيكونش لاحق يلقط فتلاقي تتابع صوت الصفاره سريع
جرب كده وقولي الاخبار:16:
وموضوع التسقيف ده شيك علي دوره البنزين كلها من اول محطه البنزين اللي بتحت منها:grin54: لحد الفلتر نفسه
وبقي طمنا عليك
ايه يا رجالة كيا ....العضو لسه جديد معانا وميعرفش اننا هنا كلنا بنساعد بعض
فى اى استفسار ميعرفش طباعنا مكنش فيه داعى اننا نهرج معاه لان ممكن يفهم الكلام غلط
وده اللى حصل
العضو الفاضل لاازم تعرف ان المنتدى هنا وخصوصا قسم كيا جميع اعضائه والحمد لله ناس
نحسيهم على الله خير مش بنتاخر ابدا فى مساعدة اى عضو عنده اى استفسار
وراجع جميع المواضيع اللى موجوده هتلاقى كلامى ده صحيح
اذا كان هناك عضو او اخر حسيت ان كلامه معاك فيه نوع من السخرية فانا اعتذار بالنيابة عنهم
جميعا ......لاننا جميعا هنا اخوة واصدقاء وليس زملاء فى منتدى ...
اتمنى ان يزول سوء التفاهم واهلا بيك معانا نمر جديد من نمور كيا
باشا ممكن افهم انا هرجت معاه ازاي ؟ يعني انا قلت لحضرته بكل ادب ووضوع في الغسلة ! انا لما بغسل اعربيتي بيتنضفوا في الغسلة بالمسدس و عتريس لما قله ميه و صبون و اتوصى الراجل مغلطش على اساسا انوا معجبوش ردي انوا لما يروح يغسل فقال ممكن الراجل بيحب يغسل بنفسه :)
عموما حصل خير بس انا شايف انوا الواحد مغلطش لما قالة الطريقة الي ماشية صح !
لما واحد يقلك العربية تقيلة و تلاقيه مغسلش شاسية بقالة سنة و تلاقي كمية الطينة الي على المقصات و العفشة و يقلك العربية تقيلة ليه تروح ازاي ديه في التوكيل برضه ؟ ولا في الغسلة :)
[QUOTE=revel_sony;3873583106] هو الحساسات الخلفيين تمام ومفهمش مشكله انما الجنب اليمين والشمال تحس انهم بيقطعو بالذات لما تيجي تركن وبعدين تعدل نفسك لو دوست فرامل عشان اعدل وبعدين كملت رجوع الاقيهم فصلو معرفش ازاي بالنسبه بقي للتسقيف انا غيرت تقريبا 4 محطات بنزين حتي مهندس التوكيل استغرب وقالي اظاهر 2011 دي حساساتها قويه لانو نضفلي الحساسات والتسقيف راح وبعديها باسبوعين رجع تاني
اصل حكايه غسل العربيه دي اي حد ممكن يعملها مش جديده يعني فانا كنت فاكر ان في رد موضوعي حاجه في الكهربا مثلا او اسلاك عاوزه تتغير انما انا اصلا بغسل العربيه مره كل اسبوع والحاجه التانيه انك بتقول كتر الف خيرهم انهم ردو عليك بتحسسني اني بشحت منهم والحمد لله الواحد طبيب وبيخدم الناس وعمره مقال لحد كتر الف خيري اني بخدمكو عالعموم حصل خير
باشا بالنسبة للتسقيف حط 92 من بانزينة محترمة نضيفة و مكنها نضيفة و غالبا الرشاشات تكون مش نضيفة !
هات منظف دورة بانزين الغالي في حدود 40 - 70 جنيه و حطة مع تفويلة و العربية حتبقى رهوان ولا 16000 سي سي :)
وربنا معاكم و يحميك و خصل خير
بالنسبة للمنظف عندي الحج مقتنع انوا المنظف ده بيقلب اي عربية جاجور رهوان :) و معاه حق والله :) تحس العربية حطير :)
جربت والله وجبت abro full system cleaner وكمان ده تقريبا كان ب32 وجبت abro injector cleaner
وده تقريبا كان ب17 ولا حسيت باي فرق روحت التوكيل ونضفت رشاشات وحساسات اسبوعين ورجعت تسقف غيرت 4 محطات بنزين منهم وطنيه الي كل الناس بتشكر فيها واخر مره لما غلبت حطتلها 95 لان في عضو بس في قسم الهيونداي قال نوع الماتور ده مبيستحكلش غير 95 وفعلا لما تيجي تقرا الكتالوج بتاعها بس بالانجليزي هتلاقي حاجه عجيبه كاتبين لاوروبا ينصح ببنزين 95 اما للشرق الاوسط 91
95 ده خراب بيوت يا باشا و في ناس ماشيا بيها 90 و زي الفل ! الواحد بيحط 92 عشان مفيش فرق في السعر بينه و بين ال 90 مع انها تمشي 90 و توفر عشان حيخنقها :)
اكيد عندك حاجة في الكهرباء ولا حساس الهوا ( الاكسجين ولا حاجة بسيطة انتا مش واخد بالك منها ) شوف التوكيل .. حط بانزين 92 و روح وريهم التسقيفة ... غريبة والله :( ربنا معاك
ال بي ام الي هيا 6 سلندر و 6 مراحل فلتر بانزين بتمشي ب 92 فله رهوان بتحرقه و قابلت ناس بيحطلها 80 و بتمشي و بتسافر من غير ما تسقف بس استعفنتهم !!! :) يعني راكب بي ام بيحط 80 يعني بقي 128 بي ام :) مع احترامي لل 128 و ملاكها عشان هما ناس فله و البانزين 80 بتاعهم بس :) مينفعش يجي حد تاني يحطه :)
فعلا صاحب توكيل كيا صديق ليا وبيقولي بيحطلها 90 وزي الفل بس بتاعتها موديل 2010 هو بيقولي يمكن 2011 حساستها اقوي شويه فبتتاثر بسرعه بس هي مش مشكله كهربا لانهم نضفو قبل كده الحساسات والرشاشات وراح التسقيف بس اسبوعين ورجع ولما روحتلو تاني قالي في 3 غيرك موديل 2011 وبتسقف معاهم برده بس في ملحوظه التسقيف مبيتسمعش غير لما تكون قافل الشبابيك ومش فاتح التكييف او الكاسيت هتسمع الصوت لو فتحت التكييف او الكاسيت او فتحت الشبابيك عمرك مهتسمع صوت التسقيف يعني بيبقي خفيف بس بيدايق وبيبقي عالسرعات البطيءه بس يعني مثلا مطب بتعديه وبتطلع منه او كنت بتجري وهديت سرعتك وبعدين طلعت تاني يعني عالغيار الاول بس وعلي فكره العربيه اتوماتك عشان في ناس قالولي يمكن يكون العيب في سواقتك
باشا ال 2011 نفس ال 2010 بالملي! ميغركش المرايات و كدة ديه كان معمول حسابها من ساعت ما العربية نزلت حتى الكاميرا و كدة
بس هيا تسويق مش اكتر عشان لما ينزلوا 2011 متضربش ال 2010 و كدة بس مش اكتر يعني كل واحد يبقى في اختلاف فتفرق في السوق :)
شوف فرع توكيل تاني يا باشا :)
حبيبي :)))) والله انت راجل ذوق وكلامك دة يخلي الواحد مكسوف منك :)
عموما احنا كلنا هنا اخوات ومفيش عضو قديم وجديد - كلنا بنساعد واللي عندو معلومة بيقولها وكلنا بتنتعلم من بعض - محدش يعني خبير فينا :)
الفكرة بس ان الموضوع بسيط ومش محتاج نخض الراجل ونعقدها - موضوع الحساسات مشكلتة حاجة من اتنين
يا اما وساخة ومحتاج تنظيف - يا اما لا قدر الله قطعت كهرباء او خبطة فصلت الحساسات
وبما انها شغالة - بيقي تنظيف
وعشان هو عضو جديد ردينا علية باللي عندنا و باسلوب بسيط محاولة مننا لكسر الجليد زي ما بيقولوا ونرحب بالعضو الجديد
لقينا قفش و رد جاف حبتين - لكن لا هو موقع اسظراف ولا غيرة والاعضاء انت عارفهم كلهم - مفيش حد منهم غير وانسان محترم وخدوم
كبيرنا بقي ابو ليلي - واحشني جدا جداااااا - معلش اصلي كنت موقوف اسبوع كدة في قسم الدراجات النارية :( حطيت فيديو مكنش ظريف واتلسعت اسبوع كدة بامر النائب العام ) ههههه
ليه بس عتاب عليك - مالوش لازمة تعتذر بالنيابة عننا لسببين - اولا انت مش مطالب بالاعتذار عن خطا الغير :))))) - ثانيا احنا مغلطناش اصلا
ولصديقنا صاحب الموضوع
احنا بنخدم اي حد يسال عن معلومة - ومالناش دعوه بالشخص نفسة - لما تعرفنا كويس - صدقني حتلاقي نفسك ظلمتنا قوي
انا مكنتش ناوي ارد تاني علي الموضوع - بس انا شايف ان الموضوع ابسط من كدة واهلا بيك في قسم كيا
Atrees
باشا والله انتا الي ذوق و نشيلك فوق دماغنى كسوف ايه :) ياراجل عيب عليك :)
انا كمان اتلسعت اسبوع عشان فيديوا ايام الثورة :) ياخي النائب العام ده كل الي عنده ضرب ضرب مفيش شتيمه خالص هههههههههههههه :) يلا حمدلله على السلامة و منور :)
اهلا وسهلا انا بقى نفسى اعرف ايه حكايتك معانا 4 مقابلات تتم فى القسم وتقول جى ولا نشوفك
بجد زعلت منك جدا ...بس لما اشوفك
يعنى انت دلوقتى بقيت خريج سجون .....يبنى بقولها دايما ..من خرج من داره اتقل مقداره ....مالك انت بالدرجات
البخارية ....ما انت هنا وسط اخواتك
عارف انا اعتذرت ليه شوف اول كلمة انت قلتها ليا كانت ايه ...
الاعتذار من شيم الكبار