الموضوع: تغيير مجموعه الدبرياج في السويفت (حازم خضر)

المشاركة الأصلية كتبت بواسطة hazem_khidr

من كام شهر الدبرياج عندي كان تقيل و انا مطنش
العربيه بتترجرج في الطلعه و انا برضه مطنش و بسايسها
بطلع صوت صفره من البليه و انا برضه مطنش:p
المهم امبارح كنت واخد معاد من الكهربائي علشان طنبوره الدينامو عاوزه تتغير روحت لقيت الكهربائي قافل فطلعت علي الميكانيكي:D.
قولتله عاوز اغير الاسطوانه و البليه
فسمع صوت الفتيس و هو بيزعق و انا بركنها فقالي الديسك كمان عاوز يتغير
قوولتله مفيش مشاكل.
المهم الفتيس علي ما اتحل كان فيها ساعه و نص لانه مزنوق جدا و فكه غلس.\
و كما توقعت الاسطوانه خلصانه و البليه تعبانه و الديسك مكسور منه تلات اربع ريش كده
و اخدت الفتيس علي المشحمه و غسلته بالبنزين و الميه لحد ما خليته بيلمع تاني زي ما يكون جديد.
و اشتريت لاتي
بليه دبرياج ياباني 60 جنيه
اسطوانه دبرياج ياباني 95 جنيه
ديسك دبرياج ياباني 175 جنيه
و بالمره بقي طالما فكيت قولت اغير سلك الدبرياج بالمره ب 40 جنيه .
المهم ركبنا الكلام دا كله و اشتريت 3 لتر زيت فتيس اسو خفيف ب 33 جنيه.
و كمان كوعه ردياتير كانت ناشفه قولت اغيرها بدل ما تشقق و تعمل مشاكل ب 8 جنيه
المهم الدبرياج بقي خفيــــــــف جــــــــــــــــــــــدا
و قولت بالمره ارجلش علي الفرامل الخلفيه و اخد الهوا بتاعها ماهي وقفه بوقفه بقي :o
المهم مشيت من عنده الساعه 5 كده يعني وقفت حوالي 5 ساعات
بس اللي لاحظته بقي
كان عندي رعشه في العربيه من سرعه 20كم الي سرعه 40 كم و زهقت منها و كان اخر احتمال في دماغي الديسك و فعلا الرعشه اختفت نهائي.
سحب العربيه اتحسن بشكل معقول بس السرعه القصوي لكل نقله زي ما هي .
طبعا كل الاصوات الناتجه عن البليه و ما شابه ذلك اصبحت من الذكريات :).
لما اهدي علي المطب كنت الاول ابقي مضطر اني ادوس دبرياج و انا بهدي لكن دلوقتي مش شرط ممكن اهدي و اطلع تاني من غير العربيه لا تترجرج و لا تزرجن .

ارجو ان اكون افدت الاخوه بخصوص اسعار قطع غيار المجموعه و اعراض ظهور الامراض في الدبرياج :)

.

السلام عليكم

استاذي العزيز / استاذ حازم

والله حضرتك دايما بتتحفنا بكلامك الجميل وبخبراتك الرائعه وانا علي طول بسجل كلامك وبنقل اسعار قطع الغيار والمشكلات الي انته بتقولها

ربنا يبارك فيك وفهمت برضك من كلامك ان السويفت حماله اسيه قووووووووووي
دانت ياراجل سبتها لما كانت هتعيطت منك علي الاخر

يلا المهم انك ظبطت العربيه وبقت تمام وان شاء الله متتعبكش تاني قريب غير لما تصفر منك برضك

والف شكر علي الخبرات الجميله دي

السلام عليكم

استاذي العزيز / استاذ حازم

والله حضرتك دايما بتتحفنا بكلامك الجميل وبخبراتك الرائعه وانا علي طول بسجل كلامك وبنقل اسعار قطع الغيار والمشكلات الي انته بتقولها

ربنا يبارك فيك وفهمت برضك من كلامك ان السويفت حماله اسيه قووووووووووي
دانت ياراجل سبتها لما كانت هتعيطت منك علي الاخر

الله يبارك فيك يا باشا
انا ببقي عارف ايه البايظ عندي و ممكن استني عليه لحد امتي
بس اخر مرحله اهملت شويه لاني كنت مكسل بس خلاص بقي حسيت ان ممكن تعمل معايا حركه نقص فقولت لازم اهتم شويه .

و اي سؤال انا تحت امرك.:)
مبروك يا مان - بس دة وجع دماغ ولية ناسة - معانا أحنا أستحالة :)

ماهو وجع دماغ فعلا يا هندسه بس حتعمل ايه اسيبها لحد ما توقع.
غير كده انا ناوي ابيع قريب فبعمل فيها كل حاجه علشان ربناا يكرمني في العربيه الجيه و علشان للي يشتري ما يدعيش عليا .
يعني الحمد لله عندي حاليا العفشه كلها من مقصات و بيض و مساعدين و كبالن مجددها بالكامل و كل قطع الغيار جديده ما عدا المقصات .
الاسبراتير كان محتاج اتوماتيك روحت جايب اسبراتير جديد .
و اتوماتيك مارش و اكصدامات و فوانيس و بطاريه و كل حاجه علي وضع بلادها.
تيل فرامل جديد و ما رضتش املي التيل و اخرط الطنابير و الكلام دا
يعني لما بعمل حاجه فيها بعملها صح علشان تريحني و اللي حيشتري مني ما يدعيش عليا

مبروك يازعيم قسم السويفت بس لما تبيعها حنبقى نسال مين خليها احسن علشان الغلابة اللى زيى يستفيدوا منك:)

الله يبرك فيك يا ابو بودي
و بعدين حتي لو بعت العربيه مش حبيع معلوماتي معاها :)
انت اسأل بس و انا تحت امرك

إية يا خواتى مهندس ميكانيكا معانا - أنت هتفشى أسرار الصنعة ولا أية :p

احم احم
اخجلتم تواضعنا