ممكن اسعار مرايات ضم الصني برة التوكيل و هل ممكن اي كهربائي يركبهم مع العلم ان عربيتي نيسان صني 2008
عرض للطباعة
ممكن اسعار مرايات ضم الصني برة التوكيل و هل ممكن اي كهربائي يركبهم مع العلم ان عربيتي نيسان صني 2008
اسال عليهم فى الحرفين
فى محلات لقطع غيار نيسان لو مستعجل
او لما انزل يوم السبت الحرفين حبقا اسالك
تحياتى
misho 2381
اللي انا فاهمه انك مراياتك مانيوال و عايز تخليهم ضم.
لو انا فهمت صح أنصحك تسيب المرايات الفبريكة بتاعتك زي ما هي و تشتري بس الموتور بتاع كل مرايا (استيراد) دور عليه في الحرفيين هتلاقيه عند بتوع المرايات (هتشيل القلب المانيوال بتاع المرايا و تركب بداله الموتور) و دي يعملهالك اللي هتشتري منه الموتور
هتجيب الزرار بتاع المرايات الضم برضه استيراد و تطلع بالمرايات و الزرار علي الكهربائي
الموضوع ده كله علي بعضه الموتورين و الزرار و التركيب يدخلوا في حسبة 700 جنيه تقريبا (كلفتني انا كده)
المرايات الضم خارج التوكيل بتعمل حوالي 350 جنيه المرايا و بتكون طبعا مش اصليه و انا مجربتهاش بس سمعت انها ممكن تبوظ بسرعة. ده غير الزرار طبعا. يعني انت بنفس الفلوس و اقل هتخلي نفس المرايات الاصلية اللي احسن بكتير و تركبلها موتور و خلاص.
ليه بقي انا بقولك تسيب المرايات زي ما هي عشان كل المرايات اللي موجودة في الحرفيين استيراد و انت عارف ان الدركسيون برة يمين و زوايا الرؤية و قواعد المرايات بتاعة العربية سواق يمين تختلف تماما عن السواق الشمال.
الكلام ده كله انا مجربة و انا دلوقتي مركب موتورين للمرايات بتاعتي زي ما بقولك و الزرار و بس كده.
الموضوع ده انا كنت عملته عند واحد في شارع دمشق مش فاكر اسمه بس هو بعد بيروت بتاع الفولكس يعني تخلي بيروت علي ايدك اليمين و تكمل ادام شويه اسأل هناك بس انا مش فاكر اسم المحل.
:B4_388:ابن حلال اكيد هتقدر تفيدني لاني عاوز حد فعلا جرب....
ياريت تقولي او لو ممكن شرح :-
1- لعملية التركيب ( ايه الحاجات الى بتتفك ) .
2-وهل بيعمل حاجه في ضفيرة العربيه.
3-الزرار بتاعها بيركب فبن.
4-سعر الواحده كام والتركيب كام ولو بيتجاب اي حاجه زياده يبقي كتر خيرك لو اعرف.
5-هي ياباني ولا تايواني ولا صيني
6-تنصحني اخذ بالي من ايه
معلش اسئله كتير بس من العشم
والف شكر :x1[1]:
متابع باهتمام
في انتظار ردك الكريم
انت seashark
وانا ضابط بحري
يعني معرفه.....
انا برده رأيي من رأي seashark انك تجيب الماتوريين و تركبهم في المرايات الاصلي بتوعك و كمان لو لاقيت وحدة غلق استيراد يبقي كده 100% بحيث انها تغلق اوتوماتيك اول ما تبطل العربية و تفتح اول ما تدور العربية
و اوعي اوعي تشتري مرايات استيراد لأن بعد التركيب هتلاقي المرايات صورتها ضاربة في ابواب العربية نظرا لأن الدريكسيون يمين و ليهم ابعاد تانيه خالص زي ما قال SeaShark
شكرا الف شكر علي ردك الوافي وان شاء الله الكل يستفيد ولو كان في فرصه واتصورت جنبهم ياريت تحط الصور وخصوصا المفتاح ...
شكرا جزيل الشكر علي ذوقك......
طيب يا جماعة هو انا معايا سكودا اوكتافيا a5 ينفع اركب مواتير للمرايات واخليها مرايات ضم
اخي seashark
مش عارف اوصل للمحل فهل تقدر تفتكر مكانه.
وهل موجود للتيدا مرايات ضم لاني عايز اعمل للاتنين ( لو مر امامك لما كنت بتدور) والتيدا مرايات كهرباء
وتنصحني بايه واخبارهم معاك ايه بعد التجربه.....
معلش تعبك معي....
شكرا اخي الكريم
بالنسبة للمحل
هتروح شارع دمشق و تسأل علي محل اسمه بيروت ده مشهور اوي هناك بتاع قطع غيار الماني
تخلي بيروت ده علي ايدك اليمين و تمشي حوالي 100 متر هتلاقي المحل
انا مش فاكر اسمه ايه بس انت اسال في المكان هناك عند كل المحلات هتلاقيه ان شاء الله
المرايات شغالة معايا كويس مفيهاش اي مشاكل
معرفش التيدا مجهزة يكون ليها مرايات ضم ولا لا بس لو فيه موديل منها بينزل بمرايات ضم يبءي اكيد هتلاقي ليها موتور يركب عندك بس طبعا التيدا اقل من الصني بكتير و انك تلاقي الموتور بتاع مراياتها هيكون صعب شوية
شكرا علي اهتمامك وسرعة الرد
شكرا
انا نفسى اعرف نظامها ايه يا محمد لانها ممكن تركب للتيدا
هى التيدا اصلا مش بينزلها بس انا شوفت فيديو لتيدا بره مصر , وكنت نزلته فى القسم
ان واحد عامل مع ريموت العربية المرايات تتقفل وتتفتح
فمش عارف مولف عليها وحدة الغلق دى ازاى
انا حسال على العموم فى التوكيل على ماتور الغلق بتاع الصنى ينفع على التيدا ولالا
وحروح العنوان اللى قولت عليه واسالهم هناك بردوا
تسلم على الشرح