البرنامج الانتخابي للمرشح و ما ينوي عمله في ما سيواجهه من تحديات مختلفة هي اللي هتحدد هختار مين أرشحه للرئاسة....في انتظار برنامج د. العوا
عرض للطباعة
البرنامج الانتخابي للمرشح و ما ينوي عمله في ما سيواجهه من تحديات مختلفة هي اللي هتحدد هختار مين أرشحه للرئاسة....في انتظار برنامج د. العوا
دكتور العوا من أكثر الناس احتراما ومرجعية محترمة جدا يعني أنا طبعا بحب الشيخ حازم أبواسماعيل بس يعني أنا شايف إن العوا ك خبرة دولية وكده مناسب جدا ان شاء الله أنا حرشح دكتور العوا
سأدعم العوا
سيبك من البرامج الانتخابية ، البرامج دي حاجةبيضحكوا بيها على الناخبين لحد ما يخدوا اصواتهم وبعد كده محدش بيحاسب حد، وده بيحصل في اتخن الدول الديموقراطية والتي تمتلك القدرات فما بالك ببلد في حوسة زي بلدنا ، اقرب مثال جميع الانتخابات الاميريكية حد نفذ حاجة?
انا المهم عندي راجل في المشكلة يتخذ القرار اللي لو كنت مكانه كنت ححب اخده ، والعوا راجل طول عمره بيقول الكلمة اللي نفسي اقولها بس انا صوتي مش مسموع ، فبالنسبة لي الراجل ده لو حكم ححس اني انا اللي بحكم وحيعمل في الازمات اللي نفسي يتعمل ومش حيخذلني زي اللي قبله ، في كل أزمة
فاكر لما مبارك منع المعونات تدخل للفلسطينين تحت الحصار من نويبع ولففهم الدنيا لحد العريش واخر المعونات اسبوعين لحد لما الفلسطينين طلعوا في الروح? فاكر العار ده?
انا مش عاوزه يحصل تاني بصراحة
مرشح اخر محترم ولو اني حدي صوتي لمرشح تاني انما حفرح لو كسب برضه لاني بحترمه
البرنامج الانتخابي لما ييجي من شخص محترم ليه قبول مبدئي عندي زي د.العوا أو الشيخ حازم غير لما ييجي من واحد بتاع بط ووز زي توفيق عكاشة
يعني أنا بالنسبالي عندي استعداد ارشح د.العوا أو الشيخ حازم لكن الفيصل هو البرنامج الانتخابي وهختلف مع حضرتك في إن البرنامج الانتخابي مهم ولازم نطالب الرئيس الجديد بتنفيذ وعوده مش عايزين نعيد الفيلم بتاع حسني تاني بقى
صدقني البرنامج الانتخابي ده وهم كبير لانه رجما بالغيب والي بيحطه راجل ايديه في المية لكن ساعت الجد حيتصدم ان امكانات الدولى ما تسمحش ،العوا او غيره حنى لو انت حتحط في البرنامج القضاء على البطالة وحل مشكلة الاسكان تعالى بقه ساعة الجد الخزانة فاضية ومديونين لطوب الارض طبعا مش حتعرف تطبق البرنامج وحتطلع كذاب قدام شعبك، مع انك مالكش ذنب
صدقني البرنامج عامل زي النوايا الحسنة ، وليس في استطاعتك دائما تنفيذ ما في نيتك
كلامك منطقي
وانا احترمت الرئيس البرادعي لما سألوه عن برنامجه الانتخابي قال ما معناه (لما اعرف موارد الدولة واجرد الخزانة العامة الاول)
علشان كده تلاقيه يتكلم على اللي يقدر عليه زي الحريات العامة واستقلال القضاء الخ الخ
علشان كده اللي يقول هحل مشكلة البطالة واشغل الشباب والدنيا هتبقى ورد يبقى انسان منافق لانه كاذب الوعد
سؤال مهم ....هي المعلومات بتاعة الميزانية و الموازنة و العجز والديون دي مش معروفة ؟ يعني اللي هيمسك الرئاسة دا مش هيبقى عارف ادق تفاصيل احوال البلد؟
انا مش بطالب ببرنامج انتخابي سحري ولا وعود براقة بس البرنامج الانتخابي هيوضح طريقة تفكير كل مرشح و قدرته على مواجهة المشاكل اللي البلد فيها .... عايزين نسمع من كل واحد بيفكر ازاي للبلد و ناوي بعمل ايه في جميع النواحي حتى لو قال ان مش هيبقى في تحسن الا بعد سنين مفيش مشكلة بس الخطة اللي هتتم خلال السنين دي اييييه؟
أمال يا أخوانا نقدر نحسم رأينا بين المرشحين على أي أساس؟