فكرة فوق الممتازة و أقل خطورة من البنزين و الجاز :16::16:
الواحد يجبلوه كيلو و في كيس و جوه درج التابلوه
و ربنا يحمينا
عرض للطباعة
حلى و حلك و حله
هو دا الهدف من الموضوع
المهم انه بقي كويس و مكنش المفروض يسافر في الوقت ده
و قبل ما اقول حاجة احب اقولك الضرورة تبيح المحظورات خاصة في الحالة ديه
بالنسبة لتصرف صديقك هو تصرف كويس عشان يخلص
و فكرة الطفاية مش وحشة لأنها هطلع زي دخان ابيض نتيجة المواد الكيمياوية و بالتالي هتغميهم و ممكن يهدوا شوية تكون انت جريت
طبعا اللي معاه مسدس صوت هيكون مصلحة لأنه يضرب في اتجاههم لكن كأنه مش عارف ينشن بسبب ان العربية بتروح و تيجي و هو يصطنع الموضوع يمثل يعني عليهم عشان ميتقفش انه صوت و بالتالي ممكن يهدوا
الا بقي لو هم صايعين اوي و يقدروا يفرقوا بين الحي و الصوت من الصوت
فكرة المسامير مش وحشة و اينعم ممكن ليها اثار سليبة لكن لاحظ اننا قولنا الضرورة تبيح المحظورات و انت هتبقي يا قاتل يا مقتول و نسبة الاولانية مش كبيرة و كمان انت بعد ما تهرب هتبلغ عنهم
في فكرة تانية لكن للاسف متنفعش و هي انك تكون قبل ما تطلع تجهز مولوتف بس لو اتقفشت بيه مصيبة و ممكن تحط ازايز معاك فاضية عشان ترميها عليهم
فكرة تالتة لو انت متمكن من السواقة صح قول للمعاك ينزلوا في الدواسة و وطي راسك شوية و اقلبها لمطاردة افلام اجنبي و يا سلام لو معاك اي حاجة مساعدة ترميها عليهم
فكرة رابعة بقي انك تجري تجري تجري تجري تجري
لكن لكن لكن لو هم مسلحين اوعي اوعي اوعي تمشي في خط مستقيم خليه خط متعرج بحيث محدش يقدر يضرب ع الكاوتش او ينشن في مكان صح لحد ما الذخيرة تخلص لأن دول اغلبهم سلاحهم الناري بيبقي محدود و كذلك الذخيرة مش كتيير
الفكرة الاخيرة بقي و اللي فكرت فيها بقالي مدة و هي الزينون ورا .... طبعا هتقولي انت بتهرج ....هقولك لأ
الموضوع انهم جايين ورا تركب كشاف ورا الازاز زينون و لو جايين وراك افتحه في عينهم مش هيشوفوا اساسا و ممكن يلبسوا
فانت ممكن تحطه ورا الازاز اتنين جنب لمبة الاستوب بطريقة شيك كده
و الفكرة جاتلي لما شوفت عربيات نقل بتحط كشافات ورا عشان لو حد فاتح نور عالي في عينهم يقلبوله بالنور ورا عشان يطفي
اخيرا بقي انك تقلب عربيتك زي عربيات اونكل جيمس بوند و مستر باتمان
مواسير ورا تطلع ترش مية و زيت و دخان و ماسورة ترش نار
و علبة تتفتح تنزل مسامير و رشاشيين ورا تنشن بيهم عن طريق شاشة زي الطيارة و اهم حاجة التنشين يكون ريد دوت هههه
و ترمي قنابل و حركات بقي و اهم حاجة جناحات تطلع من الجناب و مروحة فوق و تطير و فيميه بقي و اوعي وشك
بس اهم حاجة متنساش تاخد تصريح من المرور عشان تعمل الحاجات ديه و تحط فيميه
هههههههههههههههههه
و عامة يا ريس الموضوع يعتمد ع حسب تصرف كل فرد و سرعة البديهة
و طبعا ع حسب تجهيزاته
و مفيش اهم من اننا قبل ما نتحرك نتوكل ع الله و الحامي هو الله و كل واحد بياخد نصيبة " قل لن يصيبنا الا ما كتب الله لنا "
يبقي لازم تعمل استعدادك
زجاجه اسبراي صغبره فاضيه حط كحول + فلفل + شطه + ماء واديها
مع فكرة المسامير بس كده الضرر هيبقي لكتير
او شوية فلوس فكه من بتوع زمان بس ورق وارميهم ....هينسوك
حد شاف الموضوع دة
http://www.nilemotors.net/Nile/226821-a.html
لا انا مش قصدي اي واحد يعمل خناقة انزل بي منجاه امنجه علي رائي احمد زكي الله يرحمة في فيلم الأمبراطور بس هو كان بيقول بهجاجة :grin54::grin54: والله لو كل واحد مسك حرامي او مجرم وقتلة ومسلمهوش للشرطة هو ده الي هيضمن لينا الأمان يعني انتا بتقول اسفلت ومش عارف ايه عشماوي طيب انتا سمعت خبر عند حد اتقبض عليه من المجرمين دول ولا العيال الي ضربت زميلي في الشغل الي اضرب علي دماغة وجالة كسر ونزيف وفقد عربيتة ويعالم هيفقد ايه في جسمة الشرطة مسكتة انسا بقا الشرطة سيبها مولد انقذ نفسك بنفسك اسمع الي بقولك عليه الدنيا دراع دلوقتي
والله انا نفسي الناس كلها تجتمع علي الحل ده والله احنا محدش هينقذنا غير نفسنا لا جيش ولا شرطة بينفع
والله انا شغال في مكان من غير ذكر اسمه فضلنا نتصل بي الجيش تيجي تلم البلطجية الي وقفين في المكان من برة
عارفين عاملة ايه ؟؟؟؟ اتصلة ي القسم بعتة اتنين امناء شرطة حلو جم وقالة امضة علي المحضر اننا جينا
طيب العيال دي هتمشوها ازاي قالك احنا حولنا بعدنهم بس عن المكان يا أخي أ ....ا
يبقا لزم كلنا لما نشوف حد علي الطريق بيحاول يثت حد ننزل ونساعده محدش يقول يلا احنا مالنا انزل اقتلة لو معاك طبنجة اجري وشوطة بي العربية والله عند ربنا انتا عملت شيئ يدخلك الجنة الي زي دول لا رحمة ولا شفقة معاهم
عجبتني فكرة الزينون الخلفي بالزات ان عندي فوجات خلفيه ليها زرار منفصل في دراع المساحات بفكر احولها زينون وربنا يحفظنا!
ياترى طريق العلمين أخباره ايه
طاب لو الموضوع دة الساعة 3 و نص العصر؟