سؤال غلس؟؟؟؟؟
عرض للطباعة
انا ممكن اعمل نفسى حقف ( الكلام دة على سرعة ) و اجى وراة و فجأة ادوس بنزين و بالرفرف الأمامى عندى اخبط ديل العربية ( طبعا العربية نص نقل يعنى اقل حاجة حتقوم لفة و تتقلب بقى ولا تتنيل انا مليش دعوة ) و بعدين طبعا حطير بس دية عاوزة محترف
او طبعا لو الموقف ميسمحش حقف و اديلة الى هوة عاوزة
انتو هتخوفوني ليه
ده انا مسافر السبت الجاي القاهره من علي الصحراوي وغالبا همشي بعد الفجر
يا رجالة خدوها من رسولنا الكريم 3 ادعية يحفظوك من اي شي باذن الله
اعوذ بكلمات الله التامات من شر ما خلق 3 مرات
بسم الله الذي لا يضر مع اسمة شي في الارض ولا في السماء وهو السميع العليم 3 مرات
اللهم انت ربي لا اله الا انت عليك توكلت وانت رب العرش العظيم ما شاء الله كان وما لم يشا لم يكن ولا حول ولا قوة الا بالله العلي العظيم اعلم ان الله علي كل شي قدير وان الله قد احاط بكل شي لما اللهم اني اعوذ بك من شر نفسي ومن شر كل دابة انت اخذ بناصيتها ان ربي علي صراط مستقيم.
من قالها لم تصيبة مصيبة قط في يومة ولا يضر شي باذن الله
ومفيش احسن من حراسة وحماية ربك وربك هو الحافظ
ربنا يسترها معانا كلنا يا رب
دة أنا كنت لسة ماشي عليه من 10 أيام أما كنت مسافر مطروح وكنت معادي البوابات الساعة 6 صباحاً ومرضيتش أخد طريق العلمين ورحت من طريق الساحل من عند كرير
ولو حصلي الموقف دة كنت هقول لزوجتي انزلي فالدواسة وخدي الواد معاكي وكيكاية ودوس يا معلم وربنا يستر
لو أنا حا اسافر بصراحة فى ميت حاجة حا أفكر فيها ابسطها روح عند أى موان و اشترى كيلو مسامير تشكيلة كدة رفيعة ((( أسمها مسامير شيشة ))) زى الى بتبقى فى الانترية كدة صغيرة و حادة جدا و ابدر على الطريق بالكبشة لو حد جرى وراك و دوس بنزين يا باشا
الطريقة دى ممكن تسميها فخ القنفد و جرب الاربع عجلات بتوع العربيات الى على الطريق حا يتدمرو
يا جماعة انا حكيت الموضوع وقلت انه كان من 3اسابيع تقريباً يعنى ان شاء الله مفيش قلق دلوقتى و الستار هو الله
على فكرة حلوة جداً فكرة المسامير بس لازم اللى يرميها يكون قاعد ورا مينفعش يبقى اللى سايق لان العجلة الورانية ممكن تلطش فى المسامير وتيجى تصيده يصيدك