الموضوع: تعمل ايه لو وانت مسافر قابلت بلطجية

wasof بالراحة شوية العملية او كدا هتلاقى نص الناس فى السجن والنص التانى مرميين على الاسفلت
انا مرة كنت ماشى فى طريقى وفى تقاطع طريق لقيت تاكسي قديم غشيم كاسر وكان هيلبس في العربية من القايم اللى جنبى المهم انا فرملت وهو كمان وانا ولا بصيت له عادى خالص ابتديت ادى الاول وامشى اول ما العربية ابتدت تتحرك لقيته قام مزعق وقايل "مش عاجبك يعنى" قمت جايب مرشدير وكنت هلبس فيه من الجنب بس للاسف كان يادوب عدا قمت سايبه وماشى بعد ما شتمت الل جاب .........
وقفت بعد حوالى 100 متر اشترى حاجة من كشك وقعدت شوية فى العربية وفجأة لقيت تاكس وقف جنبى والسواق بيبصلى اوى فعرفت ان هو المهم سبحان من خلانى بالبرود اللى كنت فيه وقلت له من الاخر انا مش هتخانق بسبب مين اللى يعدى الاول بس للاسف كلامه كان جر شكل
على فكرة كل الحوار دا حصل فىمنطقتى يعنى لو كان كتر كان هيتعمل معاه الغلط كله

فلو كل واحد فى مشكلة بسيطة زى دى قام مطلع السلاح وطاخ طاخ طاخ طاخ
يبقى انا وانت يا اما على الاسفلت يا اما عند عشماوى وكل دا بسبب واحد ابن تيييييييييييييييييييييت

طبعاً الموقف دا مش زى اللى حصل لصاحبي دي خناقة عادية بس صاحبي كان قدام بلطجية

المشاركة الأصلية كتبت بواسطة elawany13

الفكرة ديه سيئة جدا

ممكن بيها تهرب منهم
بس للأسف هتضر كل اللى هيجى وراك
مش عربية البلطجيه وبس
كل العربيات اللى جايه على الطريق
وبكده هتقدم للبلطجيه زباين كتير على طبق من فضة
وهتعلمهم طريقه فعاله لسرقة الناس
وخد بالك طول ما انت مأمن نفسك
وواخد بالك وجاهز
مش هيحصل حاجه
الكوارث ديه بتيجى فجأة وربنا اللى بيسترها

+1111111111111111111111111111111111111111

المشاركة الأصلية كتبت بواسطة fahd_628

انا ممكن اعمل نفسى حقف ( الكلام دة على سرعة ) و اجى وراة و فجأة ادوس بنزين و بالرفرف الأمامى عندى اخبط ديل العربية ( طبعا العربية نص نقل يعنى اقل حاجة حتقوم لفة و تتقلب بقى ولا تتنيل انا مليش دعوة ) و بعدين طبعا حطير بس دية عاوزة محترف

او طبعا لو الموقف ميسمحش حقف و اديلة الى هوة عاوزة

لو ملاكي ماشي بس نص نقل ماينفعش معاها الكلام ده خالص

المشاركة الأصلية كتبت بواسطة elawany13

الفكرة ديه سيئة جدا
ممكن بيها تهرب منهم
بس للأسف هتضر كل اللى هيجى وراك
مش عربية البلطجيه وبس
كل العربيات اللى جايه على الطريق
وبكده هتقدم للبلطجيه زباين كتير على طبق من فضة
وهتعلمهم طريقه فعاله لسرقة الناس
وخد بالك طول ما انت مأمن نفسك
وواخد بالك وجاهز
مش هيحصل حاجه
الكوارث ديه بتيجى فجأة وربنا اللى بيسترها

الكوراث فعلا بتيجى فجأة بس أنت عارف أنك حا تسافر أكيد عندك وقت تفكر تأمن نفسك قبل السفر
الفكرة انك لازم تخلص من الموقف و بسرعة شديدة و مفيش وقت تستغيث بأى حد و لازم تطلع من الموقف بسرعة و بأقل الخسائر
الحالة الى بنتكلم عنها انى حا اكون عارف انى مسافر و بحاول أقلل نسبة الخطر بصورة ما يعنى عارف أنى مثلا مسافر بعد يومين حا أعمل أحتياطاتى
و على عربيتهم عطلت الى هيا أكيد مسروقة هما مش حا يفضلو على الطريق و حا يهربو لانهم أكيد حا يتوقعو أنك حا تبلغ أقرب نقطة جيش أو شرطة على الطريق
و ممكن برضو تبقى مالى شوية زجاجات من بتوع العصير الصغيرة جاز و لو لا قدر الله جرى وراك أبقى أرميها حا تقع على الاسفلت حا تتكسر حا تزحلق العربية و حا تبقى مشكلة الافكار دى كلها أفكار مهببة و سيئة بس الموقف الى أنت فية حا يبقى أسوأ لو ثبتك ووقفك لا تضمن أية الى ممكن يحصل مش شرط يسرقك و السلام و يسيبكو تمشو بأمان مش ممكن يفكر ياخد حد من العربية من الناس الى معاك

المشاركة الأصلية كتبت بواسطة seifmando

يا جماعة انا حكيت الموضوع وقلت انه كان من 3اسابيع تقريباً يعنى ان شاء الله مفيش قلق دلوقتى و الستار هو الله

على فكرة حلوة جداً فكرة المسامير بس لازم اللى يرميها يكون قاعد ورا مينفعش يبقى اللى سايق لان العجلة الورانية ممكن تلطش فى المسامير وتيجى تصيده يصيدك

المشاركة الأصلية كتبت بواسطة زينة الله

حلوة الفكرة دى ::> ذكية و بسيطة :)

الى بستر هو ربنا بس الفكرة أنى أفكر أقلل الخطر و ألاقى حاجة تنفع وقت الزنقة
أنت حا تسافر يعنى معاك وقت كافى تأمن نفسك و تفكر بهدوء لآن الموقف ما حصلش فجأة و أنت اتحطيت فى الموقف فى لحظة
الافكار الشريرة كتير بس أستعمالها فى أضيق الحدود
بالنسبة لرمى المسامير لو أنت الى سايق العربية و عاوز ترميها امسك شوية فى كف أيدك و طلع ايدك برة الشباك و ارميهم لفوق مش ممكن حا يجو فى العجلة الخلفية بتاعتك و ممكن زجاجات العصير الزجاج الصغيرة املاها جاز و لو حصل ان حد جرة وراك أرميها من الشباك حا تقع تتكسر و حا تزحلق العربية الى وراك

طيب ما بدل مارمى الجاز على الطريق اللى ممكن يزحلق اى عربية تانية ممكن ارمي بنزين على العربية بتاعتهم و اولع فيها كلها

المشاركة الأصلية كتبت بواسطة seifmando

اولاً ربنا يحفظ الجميع
بالنسبة لصاحبى هو اخد كل الدهب والفلوس اللى مع عيلته وقرب من عربية البلطجية وقام راميلهم كل حاجة
وسبحان الله البلطجية وقفوا و سابوه

سؤال يا ميدو انت لو هتسافر اسكندرية هتمشى الساعة الساعة كام

قول لصاحبك إللي عمله ده برأيي الشخصي عين العقل و التفكير السليم
العربية فيها زوجته و بناته
إنته عارف لو الكلاب دول نزل و وقفلهم هيعملو إيه ؟؟؟؟؟
لو قاعد لوحده أو معاه واحد صاحبه في حلول كتير أوي ادامه
إنما معاه زوجته و بناته مفبش غير حل واحد لو عايز يحافظ عليهم الحل إللي هوه عمله
الرجولة مش بس عضلات و ضرب و شومة و شتايم لا زود عليهم المخ و حسن التصرف
تحياتي لصاحبك
الله يحفظنا كلنا