إستفسار عن ضغط الإطارات ...

**Boshy911** · 16-06-2011 04:21 PM

ألف ألف ألف ألف ألف ألف ميليون مليون شكر ليك يا أبو تافا ,,, هو ده الكلام ولا بلاش ,,, هي دي المعلومات الكامله ولا بلاش ,,,
ياريت لو عرفت تجبلي الرابط بتاع الكتيب بتاع المكنه , يبقي كسبت فيا ثواب ...
وأرجو برده إنك تديني رقمك علي الخاص ,,, عشان عايز أكلمك وأتعرف عليك
ولكم جميعاً جزيل الشكر .

**johnghaly** · 16-06-2011 05:02 PM

المشاركة الأصلية كتبت بواسطة tafa17

ضغط الاطارات الامامي حوالي 28 هاتأكد لما اروح البيت علشان دلوقت في الشغل
والخلفي حسب المانيوال بتاع الموتوسيكل 29 بس بعمله 30
بالنسبة للزيت انا بحط زيت شل اصفر ب 105 وبيتغير كل 5000 كيلو بس انا هانزله قبل كده
وفيه برده نوع نضيف اسمه كاسترول ب 140 جنيه واحد صاحبي جربه وهو صناعة اماراتي بتوكيل طبعا
بس انا مش عارف ده اللي قال عليه دياب ولا لأ والفلتر النظيف الاصلي بحوالي 100 وممكن تجيبه ب 90 جنيه والموتوسيكل بياخد حوالي 2.75 بالفلتر ومن غير فلتر حوالي 2.50 حسب ما قريت في المانيوال بتاعه
بالنسبة للتانك بص بقه وركز معايا
في المانويال بتاع الموتوسيكل المفروض بياخد حوالي 11.50 لتر بالاحتياطي
يعني حضرتك في مفتاح تحت التانك عند رجلك الشمال مكتوب عليه on و reserv و off
المفروض وانتا بتحط بنزين يكون كلمة on لفوق والتانك هاياخد حوالي 7 لتر
وبيكون فيه حوالي 3 لتر وشوية في الاحتياطي اللي هو reserv وده بتحتاج تشغله لما البنزين يخلص
يعني بتفضل ماشي علي ال on وال 7 لتر دول هايمشوك حوالي من 120 كم الي 140 كم حسب الطريق والزحمة والسفر
وبعدين لو حسيت ان البنزين قرب يخلص او الموتوسيكل طفا منك علشان البنزين
اقلب المفتاه علي كلمة reserv وتكون لفوق وتستني حوالي دقيقة وتحاول تضغط حوالي كذا ضغطة علي اليد اليمين بتاعة البنزين كأنك بتكرك بنزين وبعدين تدور ان شاء الله هايدور يبقي انتا كده ماشي علي التانك الاحتياطياللي فيه حوالي 3.50 لتر ولو قطع منك وانتا ماشي مش لازم تقف نزل ايدك الشمال وانتا سايق واقلب المفتاح والدنيا هاتظبط معاك من غير ما تقف
ودول يمشوك حوالي 60 كيلو
وكلمة off تستخدم فقط عند ازالة التانك علشان البنزين ماينزلش لما تيجي تعمل حاجة في الموتوسيكل والتانك يتفك

طقم البوجيهات انا جبته ب 90 جنيه ngk
وخد بالك السوق فيه كتير بوجيهات ngk صيني
نصيحة لما تيجي تشتري قطع غيار ماتستخصرش هات من مكان نضيف
بالنسبة لمصر الجديدة
عندك تامركو في جسر السويس و تامر في شارع المرغني عند كلية البنات عنده زيت كاسترول وبوجيهات نضيفة
ومدينة نصر في ايمن في مصطفي النحاس وواحد تاني في رابعة العدوية

هاحاول ابعتلك رابط المانيوال بتاع الجهاز
مهم جدا لازم تقراه

يا تافا يااا جامد جامد اوووى :)

**tafa17** · 16-06-2011 06:27 PM

المشاركة الأصلية كتبت بواسطة boshy911

ألف ألف ألف ألف ألف ألف ميليون مليون شكر ليك يا أبو تافا ,,, هو ده الكلام ولا بلاش ,,, هي دي المعلومات الكامله ولا بلاش ,,,
ياريت لو عرفت تجبلي الرابط بتاع الكتيب بتاع المكنه , يبقي كسبت فيا ثواب ...
وأرجو برده إنك تديني رقمك علي الخاص ,,, عشان عايز أكلمك وأتعرف عليك
ولكم جميعاً جزيل الشكر .

شكرا ليك انا ماستهالش كل الشكر ده
للعلم المانيوال كان في احد الاعضاء عامل موضوع بخصوص كتيبات الصيانة وهو اللي جابه ليه وجاب الرابط يعني في الاصل انا واخده من المنتدي
والمعلومات اللي قلتها لحضرتك برده معظمها من الاعضاء القدامي في المنتدي وبعضها احتكاك فعلي بس بسيط انا بس بقالي شهرين بسوق و سنة ونصف بطبق نظري بسيط
وطريقة العرض والاسلوب اكتسبته برده من الاعضاء
الفضل لله تعالي ثم الاعضاء
وانا بحاول اشرح كل الجوانب زي ما مريت بيها وبحاول اكتب انجليزي علي شوية عربي علشان ارضي جميع الاذواق
والموضوع كله شبه تجميع من الاعضاء المميزين
ورقمي علي العام كمان لأي حد
0166690391
حاول تشوف الروابط القديمة هاتلاقي موضوع كتيب الصيانة وهو للعلم بالانجليزي لغاية لما احاول ابعتلك الرابط

**tafa17** · 16-06-2011 06:38 PM

بص يا سيدي من واقع كتيب الصيانة
1 - تانك البنزين
11 لتر فول تانك بالاحتياطي
3.40 لتر الاحتياطي
يعني انتا بتمشي بحوالي 7.60 لتر زي ماقلت قبل كده يمشوك متوسط 130 كم
ضغط الهواء حسب الكتيب
بالنسبة للأمامي لو وزنك 90 كيلوجرام يبقي 29
ولو وزنك اكتر من 90 كيلوجرام برده 29
بالنسبة للخلفي
لو وزنك 90 كيلوجرام يبقي 29
ولو وزنك اكتر من 90 كيلو جرام يبقي 36
للعلم وزن الموتوسيكل 200 كيلو جرام
طبعا هاحاول ان شاء الله اعمل بعض المواضيع المهمة من الكتيب

**tafa17** · 16-06-2011 06:40 PM

نسيت اقولك علي مياه الريداتير
في مياه في علبة كنز امريكي الصنع ب 15 جنيه من محطة موبيل وبتتزود علي مياه عادية وتتحط في الريداتير بعد لما تفضيه تماما

**tafa17** · 17-06-2011 10:20 PM

المشاركة الأصلية كتبت بواسطة tafa17

بص يا سيدي من واقع كتيب الصيانة
1 - تانك البنزين
11 لتر فول تانك بالاحتياطي
3.40 لتر الاحتياطي
يعني انتا بتمشي بحوالي 7.60 لتر زي ماقلت قبل كده يمشوك متوسط 130 كم
ضغط الهواء حسب الكتيب
بالنسبة للأمامي لو وزنك 90 كيلوجرام يبقي 29
ولو وزنك اكتر من 90 كيلوجرام برده 29
بالنسبة للخلفي
لو وزنك 90 كيلوجرام يبقي 29
ولو وزنك اكتر من 90 كيلو جرام يبقي 36
للعلم وزن الموتوسيكل 200 كيلو جرام
طبعا هاحاول ان شاء الله اعمل بعض المواضيع المهمة من الكتيب

وده من واقع كتيب الصيانة بالنسبة لضغط الاطارات

وده بالنسبة للزيت

وده بالنسبة للتانك

**nktis** · 17-06-2011 11:10 PM

لا حول ولا قوه الا بالله الفلوس المضروبه رجعت تاني....
واحد مصر افكله 200 مشكوك في امرها ولما قلتله معنديش كان هيضربني وبصلي بصه والعياذ بالله....
انا اسف انا عارف ان كلامي ملهوش علاقه بالموضوع بس هو دخل وانا بقرا الموضوع...........

**tafa17** · 18-06-2011 01:14 AM

وده رابط موضوع كتيبات الصيانة (المانيوال) وكان عامله العضو Ducati
وده رابط الموضوع
http://www.nilemotors.net/Nile/215563-a.html

**zoom2zoom** · 18-06-2011 02:15 AM

المشاركة الأصلية كتبت بواسطة nktis

لا حول ولا قوه الا بالله الفلوس المضروبه رجعت تاني....
واحد مصر افكله 200 مشكوك في امرها ولما قلتله معنديش كان هيضربني وبصلي بصه والعياذ بالله....
انا اسف انا عارف ان كلامي ملهوش علاقه بالموضوع بس هو دخل وانا بقرا الموضوع...........

انتا يانوح عليك حاجات غريبه فاكر الاستفندي( اليوسفي)

**Boshy911** · 18-06-2011 11:59 AM

الحمد لله رب العالمين أولاً ,,, وبسبب و بمساعدة وإرشادات الأعضاء الأفاضل وخصوصاً العضو tafa قمت بعمل الصيانه للبايك بتاعي ,
تغير زيت الموتور بزيت شيل الأصفر 115 جنيه
تغير فلتر زيت n&k النيكل : 120 جنيه
طقم بوجيهات ngk الأصلي : 60 جنيه
مياه ريداتير مركزه أمريكي الصنع : 12 جنيه
تنظيف تيل فرامل أمامي - تنظيف فلتر الهوا ( كان متنيل بستين نيله وكان جواه طينه مش تراب والله ) - ضبط زيت الباكم - تشحيم وشد الكاتينا - ضبط ضغط الإطارات ( 28 أمامي - 30 خلفي ) - غسيل كامل للمكنه = الميكانيكي خد مصنعيه 50 جنيه
إيه رأيكم في الأسعار دي ؟؟؟
ولو حد شايف إن في حاجه تانيه لازم تتعمل يقولي ,