الموضوع: إستفسار عن ضغط الإطارات ...

المشاركة الأصلية كتبت بواسطة alandalusi

ضغط الاطار 28 للأمامي و30 للخلفي .

لا أعرف الاجابة لبقي الأ سئلة .

شكراً لك لإجابتك بخصوص جزئية الإطارات ,,, وأرجو من باقي الأعضاء تأكيد المعلومه و الإجابه عن باقي الإستفسارات

Repsol 10W50 4T Racing Synthetic وشل الاحمر برضه كويس جدا ومناسب
بتاخد 3.5 ليتر بالفلتر
بالنسبه للبوجيهات ngk مناسبه جدا الطقم ب 140 جنيه

شكرا لردودكم ... بس ياترا الزيت Repsol ده ألاقيه فين وبكام ؟؟؟

انا عايز اعرف بقي اشمعني اختارت 911 في النيم بتاعك؟؟؟؟؟؟؟؟؟؟؟؟؟؟؟؟ عشان الرقم ده تاريخه اسود معايا

المشاركة الأصلية كتبت بواسطة Boshy911

أنا والحمد لله جبت هوندا شادو 600 موديل 1994 ,,, وكان ليا كذا إستفسار كده علي الماشي ...

1 - ضغط الإطار الأمامي كام ؟ و الخلفي كام ؟

2 - أفضل نوع لزيت الموتور يكون مناسب للبايك دي ؟ والمكنه بتحتاج كام كيلو ؟ وسعره كام ؟ وبيتغير كل كام كيلو ؟

3 - التانك بتاعها كام ليتر بنزين بالظبط ؟؟؟

4 - طقم البوجيهات الجديد الأصلي بتاعها بكام ؟؟؟ ونوعها إيه ؟؟؟

وياريت كل اللي عنده معلومه في الأسئله دي يفدني بيها , بس أهم حاجه يكون متأكد منها عشان الغلطه بفوره ...

ضغط الاطارات الامامي حوالي 28 هاتأكد لما اروح البيت علشان دلوقت في الشغل
والخلفي حسب المانيوال بتاع الموتوسيكل 29 بس بعمله 30
بالنسبة للزيت انا بحط زيت شل اصفر ب 105 وبيتغير كل 5000 كيلو بس انا هانزله قبل كده
وفيه برده نوع نضيف اسمه كاسترول ب 140 جنيه واحد صاحبي جربه وهو صناعة اماراتي بتوكيل طبعا
بس انا مش عارف ده اللي قال عليه دياب ولا لأ والفلتر النظيف الاصلي بحوالي 100 وممكن تجيبه ب 90 جنيه والموتوسيكل بياخد حوالي 2.75 بالفلتر ومن غير فلتر حوالي 2.50 حسب ما قريت في المانيوال بتاعه
بالنسبة للتانك بص بقه وركز معايا
في المانويال بتاع الموتوسيكل المفروض بياخد حوالي 11.50 لتر بالاحتياطي
يعني حضرتك في مفتاح تحت التانك عند رجلك الشمال مكتوب عليه on و reserv و off
المفروض وانتا بتحط بنزين يكون كلمة on لفوق والتانك هاياخد حوالي 7 لتر
وبيكون فيه حوالي 3 لتر وشوية في الاحتياطي اللي هو reserv وده بتحتاج تشغله لما البنزين يخلص
يعني بتفضل ماشي علي ال on وال 7 لتر دول هايمشوك حوالي من 120 كم الي 140 كم حسب الطريق والزحمة والسفر
وبعدين لو حسيت ان البنزين قرب يخلص او الموتوسيكل طفا منك علشان البنزين
اقلب المفتاه علي كلمة reserv وتكون لفوق وتستني حوالي دقيقة وتحاول تضغط حوالي كذا ضغطة علي اليد اليمين بتاعة البنزين كأنك بتكرك بنزين وبعدين تدور ان شاء الله هايدور يبقي انتا كده ماشي علي التانك الاحتياطياللي فيه حوالي 3.50 لتر ولو قطع منك وانتا ماشي مش لازم تقف نزل ايدك الشمال وانتا سايق واقلب المفتاح والدنيا هاتظبط معاك من غير ما تقف
ودول يمشوك حوالي 60 كيلو
وكلمة off تستخدم فقط عند ازالة التانك علشان البنزين ماينزلش لما تيجي تعمل حاجة في الموتوسيكل والتانك يتفك

طقم البوجيهات انا جبته ب 90 جنيه ngk
وخد بالك السوق فيه كتير بوجيهات ngk صيني
نصيحة لما تيجي تشتري قطع غيار ماتستخصرش هات من مكان نضيف
بالنسبة لمصر الجديدة
عندك تامركو في جسر السويس و تامر في شارع المرغني عند كلية البنات عنده زيت كاسترول وبوجيهات نضيفة
ومدينة نصر في ايمن في مصطفي النحاس وواحد تاني في رابعة العدوية

هاحاول ابعتلك رابط المانيوال بتاع الجهاز
مهم جدا لازم تقراه

تمام يا تافا كنت مستنيك ترد الله ينور