السيارة بتاكل زيت

**shesho** · 15-06-2011 04:26 PM

السلام عليكم
السيارة موديل 2001 اتوماتيك -نوبيرا - عاملة 100000ك
باختصار عديت مبعاد تغيير الزيت موبيل ( 3000 ك) عملت بية 4500 ك جيت اقيس الزيت لقيت الزيت اقل من العلامة ( يدوب لامس طرف القياس ) حطيت 1ك موبيل وروحت الى ميكانيكى قالى باختصار عايزة طقم شمبر + جوانات
روحت الى ميكانيكى اخر قالى غير الزيت وحط زيت تانى ونشوف -حطيت موبيل 3000 ك ويادوب بعد مرور حوالى 1000ك لقيت العلامة تحت النصف قالى احتمال طقم شنبر لكن عشان نتأكد امشى لحد ما الزيت ينقص وغيرة وحط بدالة زيت شل عشان كثافتة اعلى ولو الزيت قل برضة يبقى نفك ونشوف بس قالى غالبا طقم شنبر .

ملحوظة للايضاح
منذ حوالى سنة غيرت جونات كلها ومنها جوان وش السلندر ولما الميانيكى فك الموتور قالى ان الوش اتخرط قبل كدة وقال ان السيارة جابت صبابات عشان سير الكاتينة من الواضح انة اتقطع من صاحب السيارة السابق

السؤال هل قبل ما اغير الزيت اروح للميكانيكى واغير طقم الشنبر ولا عشان موضوع الصبابات اللى اتكسرت قبل كدة اجيب موتور استيراد جديد مع العلم ان سحب السيارة كويس والغيار بيتم فى الطبيعى الار بى ام ما بيعلاش وصوت الموتور كويس
وحرارة الموتور طبيعية .
واسف على الاطالة افيدونا افادكم الله

**shesho** · 16-06-2011 05:40 PM

اية يا جماعة السؤال صعب ولا اية

**m0hsen** · 16-06-2011 07:49 PM

متابع معاك ماتقلقش ان شاء الله خير

**romieh** · 16-06-2011 08:25 PM

الاول بس غير نوع الزيت لأن زيت موبيل xhp ده خفيف وبيطير بسرعه وعن تجربه

انصحك غير زيت وفلتر وحط شل الاحمر

ده زيت ممتاز والطبيعى بتاعه انه مش بينقص

لو فيه نقص برضه بعد تغيير الزيت يبقى للأسف طقم شمبر

أما لو الزيت مانقصش يبقى هو الزيت القديم اللى كان مش كويس

**moko_2004** · 16-06-2011 08:47 PM

شوف هل فية دخنة بيضا من الشكمان لو فية يبقي طقم شنبر من غير كلام
تكلفة طقم الشنابر بالخرط 1200 جنية و متتوقعش العربية هترجع زي الأول لأن شغل الخواجة غير
ولكن هناك حل
هتشوف موتور استيراد هيعمل في حدود 1800 وتبيع الموتور بتاع هيجيب 1000 جنية هيبقي اوفر واحسن واسرع وافضل
ولو عاوز تزود القوة زي ما عملت هات موتور ليجانزا ب 2200 جنية وهتفجر طاقات عربيتك و الله عربيتي اوتو وجبت بيها 210 ك /س وطبعا مستحيل تعملها بموتور 1600 الا عليي فتيس مانيوال

**moko_2004** · 16-06-2011 08:48 PM

المشاركة الأصلية كتبت بواسطة shesho

اية يا جماعة السؤال صعب ولا اية

لاحضرتك اللي مستعجل

**m0hsen** · 16-06-2011 10:25 PM

هو علشان العربية تبقى عايزة طقم شمبر يبقى لازم تكون بتجيب دخنة بيضا من الشكمان

**ahmedaliaeg** · 16-06-2011 10:26 PM

بس على لون العادم لو ازرق وشوف البوجيهات معرقه زيت ؟
ممكن يكون كاوتش صباب بس ده مابيبنش غير بعد الفك
ومن رائي الشخصى ان خرط الوش فاشل
ولو طلع كاوتش صباب هات وش استيراد كامل وريح دماغك
والله اعلم وفى انتظار راى الاعضاء الافاضل