تقييم الجين 2 (انطباعات سبعاوي )
سيارة جاااااااااااااااااااااااا مدة
من احلى العربيات اللى تركبها لو سنك من 18 لحد 35 سنة (انا طبعا بتكلم عن الإستعمال والقيادة وليس عن المشاكل والعمر الإفتراضى والصيانى لأن تجربتى معاها انحصرت فى تجربة قيادة)
أول إنطباع ان الصاج الخارجى قوى الى حد بعيد جدا
أول ما تفتح الباب لازم تنبهر بشدة من التصميم الثورى لصالون السيارة، الفرش الداخلى شبابى جدا، التابلوه ثورى، اللعب بلون النيكل مع الإسود اكثر من رأئع
المحرك صوته عالى بدرجة ملحوظة لكنه علو ينتمى الى نوعية الزئير وليس الانين
يعنى برغم ان صوته عالى أوى لكن تحب تسمعه
العربية سحبها ممتاز وإن كان طبعا مصحوب بزئير المحرك الذى يستمتع به طبعا الشباب من محبى السرعة ولكن قد لا يكون محببا للعواجيز اللى زى حالاتى (35 سنة)
حركات عصا نقل السرعة غريبة شوية ، مسافاتها ضيقة ولازم تكون متعود عيها، بس العصا نفسها مريحة جدا ومسكتها ممتازة
مدى دوران طارة الديريكسيون أقل من السيارات الاخرى(على ما أذكر كان لفة ونص فى كل ناحية فقط) والباور بتاعها تقيل شوية عامل زى باورالنيسان صانى، مش خفيف زى الكورولا مثلا
ثبات العربة على الأرض حدث ولا حرج، اصحاب العربية كانوا مصرين انى احرق عليها واخد لفة على السريع وانا عملت كدة بأقصى ما يسمح به جبنى المتوارث، بس بصراحة كنت بلف لفة ضيقة جدا على 80 تقريبا وحسيت كأن السيارة ماشية على 20 كم ساعة
شنطة العربية كذلك واسعة جدا لا تقل عن 400 لتر وغالبا أكتر برغم ما يوحى به الشكل الخارجى الخادع للسيارة
انا بصراحة شايفها(من وجهة نظر الأداء- حل مناسب وممتاز لمن يبحث عن سيارة شبابية بتصميم ثورى ولا يستطيع تحمل تكلفة سيارة ألمانية قد تصل الى ضعف ثمن الجين 2
سبعاوى
