الا صحيح, عرفتوا ان ضخ الغاز لإسرائيل رجع تاني ؟

**تامر.محمد** · 15-06-2011 09:47 PM

يا ترى الكل يعرف ولا لأ ؟
و حد عارف ليه ده حصل ؟
و حد شايف نعمل ايه , كشعب ؟

**أحمد كمال** · 15-06-2011 09:52 PM

نلطم بشقفتين سود عشان الاحمر فرايحي

**zago** · 15-06-2011 10:06 PM

يولعوا بيه انشاء الله
قولو امين

**زينة الله** · 15-06-2011 10:11 PM

"الأعلى للقوات المسلحة" يطلب من "كلينتون" دعم مصر اقتصادياً

الأربعاء، 16 مارس 2011 - 12:49

التقى المشير حسين طنطاوى، القائد العام للقوات المسلحة رئيس المجلس الأعلى للقوات المسلحة، اليوم الأربعاء، مع وزيرة الخارجية الأمريكية، هيلارى كلينتون، والوفد المرافق لها الذى يزور مصر حاليا.

تناول اللقاء، الذى حضره وزير الخارجية نبيل العربى وعدد من أعضاء المجلس الأعلى للقوات المسلحة، سبل تعزيز علاقات التعاون المشترك بين البلدين، وتبادل وجهات النظر بما يحقق الاستقرار للمنطقة.

وأعربت الوزيرة الأمريكية، خلال اللقاء، عن رغبة واشنطن فى التعاون ودعم التحول الديمقراطى، مع التأكيد على استمرار المساعدات للجانب المصرى كشريك استراتيجى فى المنطقة.

من جانبه طالب الجانب المصرى من الولايات المتحدة الأمريكية استمرار الدعم الاقتصادى، بالتعاون مع الاتحاد الأوروبى لإيجاد فرص عمل للشباب.

يمكن دا الاستقرار اللى جت الست كلينتون تأكده فى المنطقة بعد الثورة

**MOUSTAFA_SAAD** · 15-06-2011 10:16 PM

المشاركة الأصلية كتبت بواسطة تامر.محمد

يا ترى الكل يعرف ولا لأ ؟
و حد عارف ليه ده حصل ؟
و حد شايف نعمل ايه , كشعب ؟

حتعمل ايه يعنى ده عقد دولى ولازم تنفذه
هى العمليه ناقصه مشاكل دلوقتى يااستاذ تامر

انا عارف انك حتهاجمنى دلوقتى حالا لان كان ليا تجربه معاك فى موضوع سابق وطالما مختلف معاك فى الراى يبقى لازم ابقى عدوك مش عارف ليه وجهة النظر دية عندك

المشاركة الأصلية كتبت بواسطة أحمد كمال

نلطم بشقفتين سود عشان الاحمر فرايحي

ايه الشقفتين دول يااستاذ احمد
انا مش عارفهم بصراحه

المشاركة الأصلية كتبت بواسطة زينة الله

هو مش فيه حكم محكمة ببطلان عقد صفقة الغاز من قبل الثورة بسنة ؟؟ فين تنفيذ الحكم واحترام القضاء المصرى الشامخ!!

وكمان مش المفروض إن وزير البترول وحسين سالم والرئيس السابق بيتحقق معاهم بسبب الصفقة دى ؟؟

وبعدين اسرائيل بتهدد برفع قضية دولية علينا لو فسخنا العقد !!

ما ترفعها طالما اتفاقية مجحفة وباسعار أقل من العالمية يبقى الحق معانا :> مش كدا والا ايه ؟؟

لاطبعا الحق مش معانا
وكمان المجلس العسكرى اكد انه ملتزم بكل الاتفاقات الدوليه الموقعه
وهما لم يجبرونا اننا نصدر لهم الغاز ببلاش
نحاسب اللى عمل كده عندنا الاول الغلط مننا مش منهم

المشاركة الأصلية كتبت بواسطة otefa

الصبر جميل فيه قوانين وأتفاقيات دولية وموضوع الغاز مش أكبر مشاكلنا في الوقت الحالي
نظبط أمورنا ونستقر سياسيا وبعدين نواجه المحاكم الدولية ووجع القلب برواقة أنما نفتح جبهات جديدة في رئي مش وقته خالص

الله ينور عليك هو ده الكلام

**زينة الله** · 15-06-2011 10:26 PM

المشاركة الأصلية كتبت بواسطة moustafa_saad

لاطبعا الحق مش معانا
وكمان المجلس العسكرى اكد انه ملتزم بكل الاتفاقات الدوليه الموقعه
وهما لم يجبرونا اننا نصدر لهم الغاز ببلاش
نحاسب اللى عمل كده عندنا الاول الغلط مننا مش منهم

لو الحق مش معانا ::> طيب أزاى صدر حكم محكمة ببطلان العقد مرتين وأصبح حكم نهائى ؟؟

هو القضاء المصرى الشامخ اللى خاض معركة طابا فى المحكمة الدولية مش علم بالقوانين الدولية والا ايه ؟؟!!!