سيراتو وكيل و لا خليجي ؟؟؟ أرجو المساعدة العاجلة

**nesso** · 21-06-2011 10:04 AM

السلام عليكم ورحمة الله وبركاتة
انا معايا الوكيل المحلي بس انا لو هشتري هفكر اشتري خليجي للمواصفات الزيادة وكمان ممكن اعمل الصيانة في اي مركز صيانة محترم برا بس هتحمل عملية لو في عيوب صناعة او ماشابة

**Donzi** · 21-06-2011 10:16 AM

المشاركة الأصلية كتبت بواسطة ahmed_122

انا ابن عمى معاه خليجى 2010 والتكيف عطل اليومين الحلر اللى فاتو وبعدين روحنا بيها عند محمد زكى مركز الخدمة قالو ان الكباس ضرب ومش متوفر ولو متوفر يبقى ب 5000 جنية ادى او حاجة هتتدفع بعد مرور 25000كيلو بس يبقى انا برشح الوكيل طبعا لان مفيش حاجة مضمونة

المشاركة الأصلية كتبت بواسطة mido1900

انا راي الوكيل اى نعم الخليجى احسن بس افرض انى فى احتمال واحد فى المليون وده بيحصل جات العربية فيها مشكله كبيرة يبقى مين يحل هتلبس طبعا صدقنى الاوبشن مش ارق كتير وبالتوفيق ان شاء الله

الوكيل فعلا اضمن لأنك ماتضمنش العربية ممكن تيجي فيها ايه ولا لا قدر الله اثناء الاستخدام ممكن يحصلها ايه و فرق الاوبشنز اللي انت بتتكلم فيه مش مستاهل و كلها اضافات انت ممكن تعملها على مزاجك

اما موضوع التكييف و الدهان فامفيش حد من اللي معاهم سيراتو محلي قالو ان التكييف ضعيف اوي ولا اشتكوا منه جامد

استخير كدا و ربنا يكرمك

**taswos** · 21-06-2011 05:34 PM

طيب الموديل 2012 يفرق ايه عن 2011

**sherioking** · 22-06-2011 04:45 AM

المشاركة الأصلية كتبت بواسطة taswos

طيب الموديل 2012 يفرق ايه عن 2011

تفرق انها هتترخص 2012 لكن الأوبشنز مفيش فرق كبير غير بلوتوث و مفتاح بصمة و 2 ريموت

متهيالي دول بس مفيش تاني

**Hesham_91** · 22-06-2011 10:38 AM

يا باشا لا في فرق تكييف ولا دهان ولا كاوتش ولا الكلام العجيب ده .. طبعا اللي تستريحله اعمله بس انا لو مكانك هجيب الخليجي بدون تفكير .. الحاجة الوحيدة اللي خلتني اجيب وكيل انني جايبها شهر 6 2009 يعني تقريبا اول ما نزلت و ماكانتش انتشرت فساعتها التوكيل كان اضمن بالنسبالي بس دلوقتي الوضع اتغير !!