تشهد سماء مصر والوطن العربي في الـ 13 من رجب الموافق 15-6-2011 المقبل خسوفا كليا نادرا للقمر لم يرصد مثله في سماء مصر منذ 40 عاما ويستمر 100 دقيقة وتتكرر مشاهدته بعد 65 عاما طيب ايه المطلوب مننا نعمله ؟ نفرح و نهيص بالخسوف .... ... تعالوا نعمل زي ما النبي عليه الصلاة و السلام ما كان بيعمل كان بالنسبة له الخسوف و الكسوف مش فرصة للتنزه لكنه انذار من ربنا سبحانه و تعالي و تذكير لينا بيوم مهم اوي في حياة اي انسان و هو يوم القيامة يوم هتتبدل فيه الارض و السماء و الشمس تدنو من الرؤوس و اهوال كتيرة جدا عشان كده كان النبي صلي الله عليه و سلم بيصلي في الوقت ده صلاة الخسوف و هي سنة مؤكدة عن النبي صلي الله عليه و سلم و هي فرض كفاية و الصلاة دي ليها هيئة خاصة بيها غير باقي الصلوات ده ملخص لكيفية الصلاة
اول ركعه: قراءه الفاتحه ...ثم قراءه سورة طويلة ...ثم الركوع لمده طويله ...ثم الاعتدال من الركوع ...ثم قراءه سوره طويله مختلفه ثم الركوع لمده طويله ثم الاعتدال من الركوع ثم السجود لمده طويله ثم الاعتدال ثم السجود مره ثانيه لمد طويله ثم النهوض
للركعه الثانيه. الركعه الثانيه: تكرار ما تم فى الركعه الاولى. "الصلاه عباره عن ركعتين، كل ركعه لها قراءتين سوره طويله بينهم ركوعين ثم السجود والقيام للركعه الثانيه بفس خطوات الركعه الاولى... ................* و برضه سؤال مهم : الخسوف في بعض الاوقات جاي في وسطه صلاة العشاء نصلي ساعتها الخسوف و لا العشاء ؟؟؟!! سألت شيخ من الازهر عن وقت الخسوف مع العشاء في مصر فاجاب ان الخسوف فرض كفاية و ان العشاء فرض عين فنصلي العشاء ثم نصلي الخسوف بعدها ....................* و حاول تنشر بين اللي تعرفهم و تعرفهم بالصلاة دي و تحيي سنة و مش محتاج اقول انه الدال علي الخير كفاعله و ربنا سبحانه و تعالي قال في سورة العصر : وَالْعَصْرِ (1) إِنَّ الْإِنْسَانَ لَفِي خُسْرٍ (2) إِلَّا الَّذِينَ آَمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ (3) فايه المانع اننا نبقي من الناس دي اللي بتستغل كل لحظة في حياتها و نتواصي بالحق.
منقول
