الموضوع: وماذا بعد شراء السيارة ؟ نصائح

السلام عليكم ورحمة الله

اشتريت عربية جديدة ؟ مستعملة او زيرو ؟
الف الف مبروك وربنا يباركلك فيها ويرزقك خيرها كله ويكفيك شرها كله وتكون دايما مصدر سعادة ومتعة ليك ويبعد عنك الشر والعين والحرامية

لكن بعد ما اشتريتها شكرت ربنا سبحانه وتعالى انه رزقك العربية من غير حول ليك ولا قوة ؟

اه صحيح انت تعبت على ما جمعت تمن العربية او بتدفع اقساطها او حتى جاتلك هدية لكن لازم تعمل الخطوات دي بعد ما تشتري العربية لعل ان يبارك الله لك فيها ويحميك .
1 - ركعتين شكر لله و تدعي انه يحفظك لان العربية مجرد حديد ماشي على هوا وسبحان الله الي بيستر
2 - متنساش الفقراء بحاجة او بالصدقة ولو قادر توزع حاجة وزع ولا يهمك وقولهم دي حلاوة العربية الجديدة
3 - متشغلش فيها اغاني مش هقولك الاغاني حرام لكن هقولك مكروهة يا عم واكيد انت مترضاش انك تعمل حاجة ربنا بيكرهها
4 - شغل دايما قرأن ولو مش هتشغل قرأن وحكمت معاك شغل اناشيد جميلة تسليك طول الطريق والحمد لله الاناشيد دي بقت منتشرة جدا وبقى ليها شعبية كبيرة في اواسط الشباب
عموما الصوت العالي بيقلل التركيز اثناء القيادة ودا مش مستحب دا غير ولمو اخذة شغل الصوت العالي والبيز و الجو دا بقى جو ميكروباصاتي اوي او توكتوكي
5 - اوعى تدبح حاجة وتاخد دمها تحطة على العربية وكلام الشرك دا مهما قالك الناس
6 - متنساش دايما تقول دعاء ركوب الدابة " سبحان الذي سخر لنا هذا وما كنا له مقرنين وانا الى ربنا لمنقلبون "
7 - بلاش تقف كتير في ش جامعة الدول والذي منه واكيد فاهمني يا بوب ههههههههههههههههههه

وفي النهاية ربنا يحفظنا كلنا و يحفظ عربيتنا و نتحلى باخلاق الاسلام في القيادة ونسامح ونتسامح ومفيش حد كبير على السواقة واكيد الناس عارفة الكلام دا

والسلام عليكم