الموضوع: honda cbr 600 f2 وصل يارجالة والحمد لله - احكيلكو بقى

الحمد لله البايك اللي بقالي 3 شهور مستنية وصل
بجد يا شباب البايك دة متعة رهييييييييييييييييييبة
وال600 ده خطيييييييييييييير تجميعة عالي اوي ماشاء الله
وطبعا بما اني اول مرة في حياتي اركب بايك ريس
فطبعا كف ايدي مش قادر منة لان تحميل جسمي كلة علية ودراعتي خدلت
بس مش مشكلة مقارنة بالمتعة المكتسبة
المهم
انا هحكيلكوا اللي حصل معايا من اول ما طلعتة من الجمرك لحد دلوقتي
اول امبارح طلعتة من الجمرك ( اللي عايز يعرف خطوات تخليصة يبقى يكلمنى لانه موضوع طويييييييييييل)
وانا طالع بيه طبعا كانت البطارية نايمة فقعدت ازق لحد ما دارت وسقت البايك طبعا
وانا طاير من الفرحة.........

رحت على اول بنزينة وفولتة 92 وطبعا كنت مرعوووووب من الحملات والكماين اللي ربنا يكفينا شرها
طبعا وانا ماشيكنت سامع صوت تخبيط رفيع كده وكان هيجنني وقلت باين اتضحك عليا فيها
وقلت اما اركز معاه اتاري الجنزير مش مشدوود ولما بهدي ع المطبات بيخبط في السايد استاند
فارحت شديت الجنزير وارتحت من هذا الصوت اللعين ( كان هابلني)
وانا عند الميكانيكي قلتلة اعملي كشف كامل وشوفلي ايه عيوبها
الراجل دور وسمع صوت المكنة قاللي الموتور حالتة فبريكة بفضل الله وقاللي الدبرياج عايز يتظبط والزيت عايز يتغير فظبطت الدبرياج وقلتلة اجيلك تاني يوم علشان اغير الزيت
المهم كان المغرب دخل عليا والدنيا ليلت فافتكرت اني اجرب نورها واشارتها
لاني كنت ناسي موضوع النور ده
المهم لسة بنور النور العالي والاقيلك يا خويا قال ايه فيها زينون
زينون........
لا احنا ماتفقناش على كده
طبعا زادت فرحتي اكتر واكتر وفضلت مشغل النور وعميت الناس كلها
المهم كملت لحد مالقيت حتة فاضية كدة مافيهاش حد
قلت اما جرب اسمع صوت الشكمان فالمهم فضلت ازود ازود لحد ما المكنة جابت اخرها
وإذ براجل كبيرفي السن جاي راكب عجلة من ورا بيقوللي الحق يابني الموتوسيكل بيولع من ورا
طبعا انا سمعت كدة قلت يننننننهار ابيض اعمل ايه اعمل ايه رحت مبطل المكنة
وفضلت واقف بعيد عنها متر كدة عمال اقول في نفسي ياتري يا واد ياخالد كان الشكمان مولع كل ده
المهم اتجرات ورحت مدور وماشيعلى مهلى ع الاخر
فقلت اتصل بالميكانيكي فقالي دة اسمة باك فاير بس انا بصراحة مش مرتاحلة -فياريت تشرحولي ايه هو الباك فاير ده-وكملت لحد ما وصلت البيت سالما ونمت الحمد لله بحلم بيها



معلش طولت عليكم سامحوني بس لازم انقلكم اللي جوايا

ياريت حد يفيدني في موضوع الباك فاير ده
وحاجة تانية معلش
كنت عايز اعرف اجيب موديل البايك من علية منين يعني مكتوب فين
هي 91 بس انا عايز اجيبها من على البايك

في حفظ الله

الف شكر ياشباب على الردوود الجميلة
سعيد بمروركم جميييييييييييييييعا

بالنسبة للاخ eletr اولا شكرا جزيلا على الرد وبالنسبة للجمارك بالضبط 4800 جنية بس طبعا
دي الفاتورة -الخزنة يعني- بدون قهاوي وعموما انا كنت داخل الجمرك ب6000 طلعت ب500 جنية يعني700جنية قهاوي
والله كان كل واحد علشان يمضي امضى لازم ياخد ورقة بخمسين - ربنا يعافينا والله -الجمارك دي فساااااد في فسااااد
طبعا ده لاني انا اللي عملت الاجرائات كلها مجبتش مستخلص
وطبعا لو جبت مستخلص كان هيزود باكو لنفسه اتعاب بس
يعني كان ممكن يقف كله على 7000 وللا حاجة

وعايز اوضح حاجة للناس هو مابيحسبش ال 32 في المية على الفاتورة اللي انت جايبها
ده بيحسبها على التمن اللي حاطاه مصلحة الجمارك للبايك
عندهم دفتر كبييييييييييير فيه سعر كل بايك بموديلاتة كلها

ودمتم سالمين

ياريت حد يرد علي الاستفسارت اللي كاتبها بعد اذنكم