مقارنة النهاردة زي ما واضح في العنوان بين تلات عربيات في نفس الفئة السعرية تقريبا. اللي هيا حوالي 140 ألف جنية. وطبعا دا سعر الهاي لاين في التلات عربيات. ياترى تختار مين فيهم ولية؟ ولو حد يقدر يقارن أسعار قطع الغيار والكماليات فيهم يبقى تمام أوي.
عرض للطباعة
مقارنة النهاردة زي ما واضح في العنوان بين تلات عربيات في نفس الفئة السعرية تقريبا. اللي هيا حوالي 140 ألف جنية. وطبعا دا سعر الهاي لاين في التلات عربيات. ياترى تختار مين فيهم ولية؟ ولو حد يقدر يقارن أسعار قطع الغيار والكماليات فيهم يبقى تمام أوي.
أنا عن نفسي أفضل المازدا عشان الكماليات والموديل الجديد وآخر شكل.
كل واحد هيقلك رايه حسب ذوقه
بس انتا فكر فيها عاوز زيرو ولا مستعمله 7 سنين !!
انا شايف انك تدور على حاجه تكون انتا مرتاح لها يعني انا مش مرتاح للمازدا ولا بحبها مع اني سقتها وسقت السيفك
السيفك في رايي افضل من حيث الشكل والاداء
بس انا لو مكانك كنت هدور على بي ام 2005 اللي هيا اخر الشكل وتكون نضيفه
وبالتوفيق
السلام عليكم ورحمة الله , طبعا فنيا البي ام سابقة بكتير و لا يوجد مجال منافسة اصلا , لكن في ناس نش بتحب تركب زيرو و خلاص , عايز اوضح حاجة هي ان المقارنة بين هوندا و مازدا الى حد كبير في صالح مازدا في الثبات و التحكم لأن العفشة الخلفية مالتي لينك و دي ارقى انواع التعليق الخلفي بتلاقيها في عربيات زي الجيتا و انت طالع (عفشة غالية) . ده غير ان لسه الشكل الجديد نازل.
بس بصراحه انا شقت المازدا معجبتنيش
جايز علشان ايجار بس الهوندا كانت ايجار وكانت ممتازه
طب أسعار قطع الغيار إيه في التلاتة؟
اعتقد السيفيك اغلاهم في قطع الغيار
البي ام في منه استيراد كتير وخصوا لو مستعمل وموديل 2004
المازا بصراحه معرف شوف قسم مازدا هيفيدوك
المازدا اغلى من هوندا في بعض الحاجات , بي ام 2005 اسعارها معقولة جدا دلوقتي