مارايكم في تحالف الاخوان مع حزب الوفد الليبرالي
وتفتكرو مين اللى حيستفيد من التانى
عرض للطباعة
مارايكم في تحالف الاخوان مع حزب الوفد الليبرالي
وتفتكرو مين اللى حيستفيد من التانى
لا اوافق
انا غير متسق
م.حاتم السباعي
مش عاجبني
قد تكون مناورة من الاخوان لتحييد الحزب لتخفيف االهجوم عليهم مثلا
مش عارف و الله
بس هي فين الشعبية الكاسحة للوفد دي ؟؟؟؟؟؟؟؟؟؟؟
يا جدعان الراجل بيهزر :) شعبية الوفد ايه بس حد عمره شاف حد وفدي?
تحالف المصالح.....
وتوزيع التورتة من قبل ماتستوى
الاخوان محتاجين الوفد من اجل الواجهة الليبرالية .....(الى الاخوان محتاجينها فى التعامل مع الغرب)
والوفد محتاج الاخوان..... بدل مايخدو 8 مقاعد لوحدهم مثلا.... لا ممكن ياخدو 20 مقعد بالتنسيق مع الجماعة ...لان المرشد يقول انتخبو فلان ...... والتانيين يقولو امين وحاضر !!
وبعدين هما الاخوان مش كانو لسة من شوية .. صبحى صالح الكذاب الى اتفضح عالهوا وكان باين على وشه انه منافق
كان بيقول مفيش حاجة اسمها مسلم ليبرالى او مسلم علمانى... طيب ايه رايك دلوفتى فى (حليفكم الرئيسى) حزب الوفد "الليبرالى" ؟؟!!!!!
فيه ناس في المنتدى عايزة "جنازة وتشبع فيها لطم"
أولا بالنسبة للخبر فالتحالف مع قوى كتير ( الوفد – الحرية والعدالة – التجمع – الناصرى – العمل – الوسط – العدل – النور – الكرامة – الغد – التوحيد العربى – مصر الحرية ، والجمعية الوطنية للتغيير ) ولاحظوا إن من ضمنهم حزب النور (ينتمي للتيار السلفي)
ثانيا: لو الأحزاب كلها اتحالفت والإخوان امتنعوا كنت هاتلاقي اللي يقولك الإخوان عندهم عنصرية وفاشية ومهلبية وملوخية.
ثالثا: أعتقد إن التحالف ده في مصلحة الأحزاب الأخرى فقط، لأن الإخوان وكله عارف كده لو دخلوا الانتخابات بنسبة 100% هاياخدوا مش أقل من 70 %.
أولا الاستاذ صبحي صالح مش منافق ولا كاذب، إنما العلمانيين هما الكاذبين المكذبين. وما فيش حاجة اسمها مسلم علماني (تقدر تقولي يعني إيه أنا مسلم ومش مقتنع بفرضية الحجاب مثلا ولا بقرأ القرآن بس مش مقتنع بأحكامه). وحضرتك بتحسسني إنهم اتفقوا إن الإخوان هايعملوا نفسهم علمانيين سنة ومسلمين سنة تانية. دا تحالف إنتخابي ليس أكثر ولا أقل، ويا ما حصل تحالفات كتير من هذا النوع. وبعدين تورتة إيه دي اللي هاتتوزع، كلنا عارفين أعضاء الإخوان المسلمين في الدورة البرلمانية 2005 عملوا إيه عشان مصلحتنا كلنا، ولا ينكر هذا إلا كاره وحاقد على الإخوان والتيار الإسلامي.
الاخوان اكبر فصيل استفاد من ثورة يناير
من جماعة محظورة او منحلة الى حزب سياسي شرعى
وتحالفه مع الوفد مكسب للطرفين : الاخوان هيستفيدوا من التلميع الاعلامى فى قناة الحياة جماهيريتها الكبيرة المملوكة لرئيس حزب الوفد
والوفد هيسكب من شعبية الاخوان فى الشارع المصرى
يعمنى من الاخر الائنين ليهم مصلحة مع بعض
وانا اتوقع هيسكبوا كتير فى انتخابات البرلمان القادمة والى سوف تحدد الدستور المصرى الجدبد ولا عزاء للاخرين
تحالف الاخوان والوفد مش جديد وحصل سنة 1984 ونزلوا بقائمة موحدة حققت عدد كبير من المقاعد
وبعدين من حقق اى حزب سياسى يتحالف مع الاحزاب الاخرى احنا سيبنا كل الاحزاب وهاجمنا بس الاخوان لا حول ولا قوة الا بالله
ليه ما حدش قال هاجم الوفد وقال انه انتهازى وعايز يكسب اصوات التيار الدينى
طول ما احنا كارهين الاخوان وخايفين من الامريكان مش هانتقدم خطوة للامام
لا مش بحبه بس سعات بيقول حاجات عنده حق فيها وانا عرفت خبر التحالف ده منه وهو اتصل برئيس حزب الوفد واكد الخبر وانا دورت على النت ولقيت الخبر سليم
حد فى التلفزيون بقا جاب سيره الخبر ؟؟؟؟ سعات هو بيجيب اخبار محدش خد باله منها او القى الضوء عليها
مع انى بتابعه غصب عنى مش بمزاجى عشان جنبى كافتريا حاططه تلفزيون كبير بره فبسمعه بالاكراه
الصحيح هيه دعوة للوفاق الوطني بين الاحزاب و الاتفاق على قائمة انتخابية واحدة .
و اي تحالف بين الاخوان و بين اي حزب او جماعة تانية هو مكسب لغير الاخوان ﻷنه بيكون وراه اصوات الاخوان و مؤيديهم و دول أغلبية الشعب المصري حتى لو وصل صوت العلمانيون السماء .