رينو ميجان ولا لانسر الشكل الجديد

**msala7** · 27-04-2008 07:59 PM

السلام عليكم
دى أول مشاركة ليا يا جماعة و أنا ناوى أشترى عربية قريب إن شاءالله و محتاج رايكم و ياريت تقولولى سبب الاختيار من حيث مميزات وعيوب كل عربية :
1- رينو ميجان
2- لانسر الشكل الجديد

**fahd_628** · 27-04-2008 08:05 PM

رينو ميجان

برستيج عالى
ثبات ممتاز
محرك اقوى
فخامة داخلية ممتازة
اوسع من الداخل
5 نجوم فى الأمان
كماليات عالية
لو تقدر تجيب البانوراما يبقى 100 100

**msala7** · 27-04-2008 08:06 PM

شكرا على ردك المحترم أستاذ فهد

**dr.ayman** · 27-04-2008 08:11 PM

عمرك اطول من عمرى
انا كنت لسه بفكر فى المقارنه دى
انا عاجبنى اوى الشكلين و لكن شكل الانسر ارجحه لانه لسه جديد غير الميجان اللى غالبا هايتغير السنه الجايه
و طبعا برضه موتور اللانسر 1500 سىسى انا شايف نه عيب برضه و دى نقطه للميجان
قطع غيار اللانسر فى اى حته الميجان لا و دى نقطه للانسر
و طبعا سعر البيع للانسر اعلى بكتييييييير
انما انا مش عارف اللمكانيات و الاوبشن بتاعت الاتنين ياريت حد يقولنا لك الاوبشن بتاعت الاتنين

**msala7** · 27-04-2008 08:14 PM

والله أنا محتار بس بميل اكتر للميجان كأستيل و برستيج

**dr.ayman** · 27-04-2008 08:19 PM

انا معاك فى الاستيل بس انما لما تيجى تبيعها ب 85 الف و لا حاجه صعبه برده

**msala7** · 27-04-2008 08:24 PM

بصراحة ممكن يكون سعر اعادة البيع للانسر أعلى بس انا مش ناوى أبيع فى المدى القريب.. يا ريت حد عنده فكرة يقولنا فرق الأوبشن و أى التابلوهين أحلى

**Ramy_Tantawi** · 27-04-2008 08:30 PM

موضوع الشكل بالنسبه للميجان 2 هايتغير 2009 ولا لأ لسه لغاية دلوقتي مش محسوم اعتقد وبالتالي صعب يكون تقييمنا للجزء ده دقيق كفايه لكن من باب الاحتياط ممكن ناخد بيه طبعا.

قطع غيار اللانسر فى اى حته الميجان لا و دى نقطه للانسر

قطع غيار الميجان دلوقتي مش نادره ابدا موجوده في التوكيل وموجوده في محلات قطع الغيار بدون اي ندره او مشاكل ......السؤال هيكون طيب افرض محتاجين نجيب قطع الغيار من خارج التوكيل ونصلح بره هانقول ان الوكيل عن تجربة ملاكي الميجان كلهم او معظمهم هو اكثر مكان مسؤول ويقدر يعمل صيانه للعربيه بحرفيه مع العلم ان اسعاره غير مبالغ فيها بالمره وده عن تجربيتي كا أحد ملاك الميجان 2 الحمد لله .

الكماليات بالنسبه لي اللانسر مش عارفها الحقيقه لكن بالنسبه للميجان هاتكون كالآتي ان شاء الله

* باور ستيرنج كهربائى.
* تكييف عادى
* سنترلوك و تقوم السيارة بغلق نفسها فى حالة تركها مفتوحها لمدة 10 ثوان و فى حالة زيادة سرعة السيارة عن 20 كم .
* زجاج كهربائى لـ4 أبواب يفتح و يغلق بالمسة واحدة.
* كارت لتشغيل وفتح السيارة بدلا من الكارت.
* 6 وساءد هوائية.
* ABS و EBD
* ناقل حركة مانيوال و أتوماتيك (سيتبترونيك)
* مرايا كهرباء ضم.
* سينسور مساحات زجاج .
* سيينسور نور .
* ستائر جانبية و خلفية.
* جنوط عادية 15"
*فرش عادى.
* أماكن تخزين كثيرة.
* التحكم فى الـCD من عجلة القيادة
* التحكم فى أرتفاع لمض الكشاف الامامى
* شاشة معلومات توضح (درجة الحرارة - الـ CD و الراديو )

* كميبوتر معلومات يوضح الأتى:
* متوسط إستهلاك البنزين.
* إجمالى إستهلاك البنزين.
* متوسط السرعة .
* عداد رحلات .
* أعطال السيارة.
* ميعاد الصيانة.
* توضيح فى الشاشة حالة فتح الأبواب أو الشنطة مع الصوت.

دي تقريباً كماليات الميجان 2 مع بعض الاختلافات البسيطه لئنهم مقسمين لي 3 مستويات الكماليات اللي كاتبها لحضراتكم دي المستوى الأول منها والباقي بيكون فتحة السقف او البانوراما والفرش الجلد ومشغل MP3 وحاجات كده .

نقطه أخيره طبعا هي سعر اعادة البيع هاتكون عامل مشكله وهي فعلاً في الميجان قليل شويه وده مش عيب في العربيه ابداً لكن لكثير من الأسباب وأرجو من حضراتكم مراجعة اللينك ده فيه مشكله اعادة البيع للميجان 2 بالتفصيل المناسب ان شاء الله .
http://www.nilemotors.net/Nile/showthread.php?t=18617

ارجوا ان كلامي يكون فيه افاده لحضراتكم وشكراً.

ً