طبعا المنتدي كله عارف اني حتجوز قريبا
:)
بفكر معملش فرح واسافر تركيا
بس مش عارف اي حاجه عن تركيا ولا اسأل فين ولا اي حاجه
ياريت بقي اصحاب الخبره في الحاجات دي يفيدونا
عرض للطباعة
طبعا المنتدي كله عارف اني حتجوز قريبا
:)
بفكر معملش فرح واسافر تركيا
بس مش عارف اي حاجه عن تركيا ولا اسأل فين ولا اي حاجه
ياريت بقي اصحاب الخبره في الحاجات دي يفيدونا
مش يا بنى لما تخلص الجزء الاول من الكتاب اللى حاطه فى توقيعك ... بعدين تبقى تفكر فى موضوع تركيا ده .
كل الصفحات دي متكرره
جواها جمله واحده
"ابقي قابلني وهات فرافيرو ... وان فهمت ابقي فهمني "
انا روحت تركيا من سنة تقريبا
بلد جميلة جدا
حابب تعرف ايه عنها وانا اقلك؟!
ها تنبسط ولكن ليلة العمر مش عارف بصراحة قرار صعب ومحتاج عوامل اكثر في التفكير !! ولكن تركيا ها تبقى تجربة شهر عسل فريدة جدا من نوعها ومش ها تتنسي ان شاء الله وها تستمتع بيها جدا كمان ..
هتنبسط ..... بس هتكع في المشتريات ( نصيحة متنساش تبقي تجيب حاجة لنفسك .... انا جبت لنفسي بنطلون بس)
بلد جميلة و موضوع تركيا في شهر العسل .. كان مناسب ليا
نفس تكاليف السفر لشرم . .... ويمكن شرم اغلي و في الاخر اسمك جوة مصر
تجربة جامدة و هتفضلوا فاكرينها ...... ( للاسف بحاول انسيها لمراتي .... عاوزة تروح تاني )
بص
السفرية بالتاشيرة بالحبشتكانات حوالي 4 بواكي للفرد
و عشان تاخد التاشيرة محتاج شوية حبشتكانات برضه (جواب مرتب و جواب بنك و بتاع)
نصحيه منى وهتبقى تجربه تانيه خالص مكان جدا طبيعيه جديده اكل عمرك ما هتكله تانى ابدا عالم تانى خالص
تايلند بجد تحفه والله لو مسافر لوحدك هتبقى مبسوط جدا هى بلد تحفه اصلا عباره عن غابات جبال و بحر تاكل من الشجر فاكهه طعمها وشكلها غريب مش هتشوفها الا هناك فيه اسواق برضوا زى تركيا تشترى حاجات رخصيه وحلوه
مبروك ياباشا كان نفسى اروح معاك والله ههههههههههه
انا اختى كانت دماغها هاففها وعاوزه تسافر تتفسح هناك وبتقولى مصاريف الرحله اسبوع فقط بالطيران بالاقامه 5000 جنيه قولتلها طيب مانتى عاوزه قدهم على الاقل علشان تصرفى هناك وتشترى شوية حاجات كمان لان اللبس هناك تحفه على مااسمع
على فكره شرم الشيخ كانت اغلى من تركيا شوف ازاى بقى جوه مصر اغلى من براها
بس انا رائى انك تروح شرم اليومين دول او مرسى علم لان الاماكن دية برده على مااسمع لانى مروحتهمش جمال جدا ولايقلوا عن تركيا ابدا وخصوصا مرسى علم والاسعار دلوقتى فى الارض يعنى فرصه وانت راجل تاجر وفاهم ازاى تاخد الفرص
الرحله 4 ايام بتذاكر الطيران بالاقامه فى الفندق والاكل والشرب والتقسيط على 6 شهور ب 1450 جنيه وده برنامج عاملاه مصر للطيران وبالمره تشجع وتنشط سياحة بلدك حاكم انا عارف انك راجل وطنى كبير
والف مبروك مره تانيه
ماليزيا او تايلاند هتتبسطوا اكتر من الفرح وفى واحدة صاحبتى راحت فى شهر العسل فى سفينة كده بتلف كذا بلد قبرص ومش عارفة ايه وبينزلوا فى كل بلد يوم وكانت مبسوطة قوى