انا عارف يا باشا
بس انا قولت سعر الزلموكة عشان هي اقل في الامكانيات
فا ازاي تبق اغلي من الاعلي منها
هو دا قصدي مش اكتر
عرض للطباعة
معلش يا باشا اصل انا لسة جديد في قسم المرسيدس
بس انا ملاحظتش الموضوع دا في العربيات ال بي ام
يعني العالي عالي والرخيص رخيص
يا فندم ......السوق المصري مش ماشي بمبدا عرض و طلب و لا باي مبدا
دلوقتي المرسيدس اللي في مصر معظمها اقل انواع المرسيدس ....لانها كلها مواتير سعتها صغيره و المرسيدس عربية دفع خلفي تقيله عايزه موتور قوي
الفئة C- و دي اقل فئة في السيدان و مش محبوية اد كده
الفئة E- افخم منها و اكبر و دي المفضله في مصر و بالظبط ال2000 سي سي
القئة S- اعلي و افخم فئة الجديد منها بيعدي الميلون جنيه عربية فوق الوصف من يوم يومها و هيا اسطورية بس ولا محبوية و لا ليها سعر اعادة بيع
و نفس الكلام في البي ام البي ام الفئة السابعة موديل تمانينات ..بتتباع ب 20 الف جنيه و لو نضيفة جدا حتبقي ب 30 الف و البي ام الفئة التالتة اللي حضرتك بتتكلم عليها بتبقي 40 و 50 الف
الW124 اللي هيا الزلمكة فئة E المنتشر منها ال200 مع ان في منها 320 و 280 و 230 و دول اسعارهم في التراب و الناس بيتشتريهم و تغير الموتور بموتور 4 سلندر 2000 سي سي
اما اللي احنا بنتكلم عليها هنا دي S-class اقل موتور فيها 6 سلندر 2600 سي سي ... اول ما اي حد بيسمع 6 سلندر بدهيا يقول .دي زمانها بتاكل بنزين ايه !!!!!!!! مع انها ولا بتاكل بنزين و في الكلام دي دي مرسيدس -بنز صناعة المانية محترمة جدا جدا عشان انا اقنع واحد انها بتستهلك 12 بالكتير اوووووووي 14 لتر/كم
عشان هيا انجكشن و فيها تنكولوجيا محترمة الخ الخ الخ ...حيقول دي تمانينات ..و عشان بردو احاول افهم حد ان دي مرسيدس يعني ماينفعش اقارنها بعربية عادية لان دلوقتي في سنة 2011 في العربيات العادية مثلا مثبت السرعة بيبقي اوبشن .......و انا معايا مرسيدس موديل 1979 و فيها مثبت سرعة
الموضوع ان في حاجات راسخة في دماغ الناس ...مش حينفع تتغير بسهولة
يا فندم العربية احسن موديل فيها ال300SE موتور 6 سلندر 3000 سي سي انجكشن طبعا و بتستهلك حوالي 12 13 لتر /100 كم و اعتماديته عالية جدا جدا جدا و فيها اوبشن مش في العربيات الجديدة ....و حضرتك ممكن تشوف اي review للعربية علي النت .
متفق مع حضرتك جدا بس الشبح دا بيطلع علي الW140 S-class بردو بس الموديل اللي بعد الW126
الW126 في السوق بيقولو عليها التمساحة عشان طويلة و ساعات الاقي ناس بتقول علي الW123 التمساحة ..........انا مش فاهم الاسماء دي علي اساس ايه ما الشركة عاملة رقم كودي لكل موديل
بس لازم التجار بيضفوا اللمسه
متشكر جدا لرد حضرتك الجميل
بالنسبة للفئة السابعة موديلات تمانينات بتبدا من 60 الف وطالع ودي الاسعار الي انا اعرفها لان انا متابع اوي للبي ام
معلش انا عارف ان المرسيدس محترمة جدا جدا
بس عايز عنها معلومات اكتر
يعني العربية ال 2600 سي سي دي
ياريت تعرفني مثلا تنكها كام لتر وبتمشي ببنزين كام
والتانك يقعد اد اية مثلا
وضرايبها كام
والصيانة وكدا هل مكلفة ولا اية نظامها
لان بصراحة انا بحب المرسيدس وال بي ام اوي اوي
ونفسي اجيب يا دبانة يا e200 بس الاخيرة غالية فا لو في حاجة فخمة وسعرها رخيص ياريت تعرفني رينج الاسعار
واسف للاطالة
العفو ..حضرتك البي ام اللي بتكلم عليها اسمها e23 و اسعارها من 20 ل 30 الف من سنة كان قدامي واحده 735 و حالتها رائعة ب 35 الف لولا اني ماليش في البي ام كنت رحت شفتها .....ممكن حضرتك تقصد الموديل اللي بعدها
هيا تانك الw126 حوالي 85 او 90 لتر علي ما اتذكر لو العربية بتاخد 14 لتر (و دا كتير ) يعمل حوالي 650كم دا لل300 لان ال260 مش منتشره في مصر و ضربيتها مش اقل من الف جنيه و قطع الغيار رخيصه و طبعا علي حسب حالة العربية لو نضيفة مش حتحتاج مصاريف
حضرتك بتسال علي e200 اي موديل بالظبط
e200 1989
انا ممكن اسأل على اسعار المستعمل منها كام لو حالته نضيفه.وايه قصه الونج شاسيه دى.والعربيه دى كانت بتنزل بتليفون ولا لآ.وياترى لو جبت العربيه وحبيت اسقط فيه الموتور ال 260 ياترى هلاقيه بسهوله وقطع غياره متوفره ولا لآ.وهل العربيه دى فيها سنسور بيرفع المساعدين وينزلها ؟؟