ازيكم يارجاله يابروتناويه ياجمدين اوي
انا ناوي ان شاء الله اغير زيت فمش عارف اعمل الصيانه دي في التوكيل ولا لا
انا كده كده الضمان بتاعي خلص ومش عارف ايه اللي المفروض بيتعمل في صيانه ال45000 فايه رايكم اعملها فيه ولا فين ولو هغير زيوت اجيب انواع ايه
عرض للطباعة
ازيكم يارجاله يابروتناويه ياجمدين اوي
انا ناوي ان شاء الله اغير زيت فمش عارف اعمل الصيانه دي في التوكيل ولا لا
انا كده كده الضمان بتاعي خلص ومش عارف ايه اللي المفروض بيتعمل في صيانه ال45000 فايه رايكم اعملها فيه ولا فين ولو هغير زيوت اجيب انواع ايه
اعتقد ممكن تعملها في التوكيل عادي بس خلاص مافيش ضمان اي اضرار انتا بتتحملها ..
انا عارف اني ممكن اعمله في التوكيل انا قصدي هو هيعمل ايه غير تغير الزيوت فقط
ولو اوفر انا ممكن اغيره بره التوكيل
ال45 المفروض بيتغير فيها زيت و فلتر و تربيط عفشة و بتعمل مراجعة على باقي الحاجات ...ممكن تعملها في مركز عصام صفا اسرع و اوفر
للاسف انا من الاسكندريه
زيت وفلتر و تربيط عفشة ممكن يتعملوا برا عند أي ميكانيكي لو انت عايز الأوفر
انا عايز الافضل كمان مش اوفر وخلاص
يعني اعتقد انهم في التوكيل بيغيرو زيت وفلتر وخلاص مش بيربطو عفشه
والله يا أخى الفاضل أنا عاوز أعمل زيك بالظبط مع انى معايا ساجا ولسه فى السته الاف الاولى بس الصراحه موضوع اسعار الصيانه مؤذى جدا جدا
صيانه الخمس الاف عندى مكتوب فى جدول التوكيل فى اسكندرية يتكلف 341 جم شاملين زيت بــ 109 جم + فلتر زيت بــ 41 جم يعنى واخدين مصنعيه وضريبه 191 جم .... حرام ولا لاء؟
انا بفكر أجيب الزيت واعملوا انا فى جراجى مفيش اسهل من غيار الزيت وان كان على الفلتر هخلى اى ميكانيكى يركبه.
انت بقى اللى عليك تعمله انك تاخد صورة من جدول الصيانه بتاع عربيتك فى التوكيل وهتلاقى مكتوب فيه فى كل كام الف كيلومتر المفروض تغير ايه وتعمل ايه وتشوف ايه اللى فيه وتعمله برا ... تشوف حد كويس موثوق فيه وتروحله تقوله غيرلى كذا وكذا من غير لا لعب ولا فك ولا إكتشافات بتاعة الصنايعيه..
انا اعرف واحد فى السيوف وهو الوحيد اللى هنا فى اسكندرية كلها اعرفه بيشتغل فى البروتون لانه اصلا كان شغال فى التوكيل لو عاوز رقم تليفونه او عنوانه بالظبط قولى وانا ابعتهولك على الخاص
اعتقد ان ده افضل لو هتعمل برا التوكيل على الاقل واحد عارف مواتير البروتون واشتغل فيها قبل كده وعارف مكان كل حاجة فين
محمد عبد المجيد
استاذ محمد عبد المجيد الف شكر ليك علي اهتمامك بس فعلا في الصيانه بتاعتي حطين مصنعيه كبيره اوي علي تغير الفلتر والزيت بس عشان كده انا هعملهم بره بس بفكر اعملهم في بنزينه تكون محترمه عشان هما مش محتاجين حاجه وبتاع السيوف ده للاسف بعيد عني عشان انا شغلي في العجمي
انت شغلك فى العجمى ؟!! أنا ساكن فى المكس يعنى قريب من شغلك
ياريت لو قررت ورسيت هتعمل الحاجات دى فين تبقى تقولى قبل ماتروح ضرورى جدا جدا
لانى عاوز اغير زيت وفلتر زيت زى ماقلتلك ومش هعملهم فى التوكيل والراجل بتاع السيوف بعيد عنى جدا جدا طبعا...غيار الزيت سهل بالنسبالى لكن المشكله فى فك وتركيب الفلتر...
شوف كده هتعمل ايه وقولى بس ياريت ماتطولش عليا لانى عديت الست الاف كيلو باربعمائه كيلو..
فى انتظارك
محمد عبد المجيد
0116007025