سؤال : ايه الفرق بين التوكيل و التسجيل؟؟؟

**theghost007** · 16-06-2011 03:31 PM

السلام عليكم

انا معايا سيتروين اكسارا 2001 و كنت عاوز ابيعها..... وصلت مع المشتري اننا اتفقنا على 30 الف.... لكنه عاوز ياخدها بتوكيل مش تسجيل ... علما بأن فيها رخصة سنتين

والسؤال....

ايه الفرق بين التوكيل والتسجيل؟؟؟

في مشاكل قانونية عليا لو بعت بتوكيل و المشتري عمل اي مشكلة بالعربية ...حتى لو اتقفش بمخدرات يعني؟؟؟

ليه هو مش عاوز يسجل و نخلص؟؟؟ مش كده هشوفه تاني كمان سنتين ؟؟؟

الفرق في السعر كام تقريبا بين التوكيل والتسجيل

شكرااا

**احمد المصرى** · 16-06-2011 04:29 PM

القصه انه عايز يستفيد من مده الرخصه الباقيه وانت على ما اعتقد مش عليك اى مسؤليه قانونيه علشان انت معاك عقد وصوره من التوكيل ال انت عامله للراجل بتاريخ البيع والساعه كمان كل المشكله انك لو رحت تجدد عربيتك لو هتجيب عربيه تانيه هتدفع ضريبه رفاهيه علشان انت متسجل فى السيستم عندهم انك عندك عربيه وعايز تسجل عربيه تانى باسمك

التسجيل بيختلف من عربيه لعربيه حسب نوع العربيه وسنه الصنع بس ممكن نقول متوسط 1000 جنيه

**M.Alaa92** · 16-06-2011 05:17 PM

التوكيل بيبقى مكتوب فية البيع لنفسه و للغير و لو حد يجدد انت مالكش دعوة بيه هو حيكتب العقد لنفسه و يخلص الترخيص مع نفسه و نفس الحكاية لو هو بعها لتاجر

**e_amrawad** · 16-06-2011 05:29 PM

لا يا فندم هو مش هيحتاجك لما يجي يسجل بعد سنتين هو بالتوكيل هيروح يسجل (التوكيل بيكون بيع للنفس وللغير).

لو هو مش تاجر بيكون السبب أنة يأجل مصاريف التسجيل لغاية أما الرخصة تخلص.

لو تاجر بيوفر وهيبيع بموجب التوكيل.

سواء تسجيل او توكيل هو كدة كدة هيستفاد بالسنتين الباقيين في الرخصة.

الضرر الوحيد اللي إنتة هتضرة انك هتدفع ضريبة رفاهية للعربية الجديدة لغاية مهو ينقل ملكية السيارة باسمة ف المرور.

**theghost007** · 16-06-2011 05:40 PM

الف شكر يا جاامد :)
يعني من الاخر الحاجة الوحيدة اللي ممكن تضرني هي ضريبة الرفاهية

شكرا ليكم جميعا

**samsong** · 16-06-2011 06:36 PM

بس هو الاحسن انه يسجل وبالتالي انت ريحت دماغك وتاخد صوره من العقد المسجل لان لاقدر الله اي حاجه تحصل الرخصه باسمك فلازم انت الاول
ثانيا لو سجل مش بيروح عليه السنتين لان هي مسدده الضريبه ولو عندك صورة التامين يدفع 25 جنيه ويبقي باسمه
اخي الكريم ريح نفسك
عن تجربه

**theghost007** · 16-06-2011 08:58 PM

شكرا لمرورك و اهتمامك ....... بحاول فعلا في الموضوع ده ....ربنا يعمل الخير ان شاء الله

اكرر شكري

**samsong** · 16-06-2011 09:04 PM

المشاركة الأصلية كتبت بواسطة theghost007

شكرا لمرورك و اهتمامك ....... بحاول فعلا في الموضوع ده ....ربنا يعمل الخير ان شاء الله

اكرر شكري

صدقني كده احسن لاني كنت بعت عربيه بالتوكيل ومعاي عقد البيع الابتدائي وفيه التسليم وكله
وفوجئت بجواب من نيابة المرور للحضور ورحت وقالي في مخالفة عكس سير وقلت اني بعتها وقالي فين العقد المسجل فقلت توكيل قالي ادفع وارجع عليه ونصحني ان لازم يسجلها واخد صوره احطها في الملف بتاع العربيه وكده خلاص

**theghost007** · 16-06-2011 11:24 PM

صدقني كده احسن لاني كنت بعت عربيه بالتوكيل ومعاي عقد البيع الابتدائي وفيه التسليم وكله
وفوجئت بجواب من نيابة المرور للحضور ورحت وقالي في مخالفة عكس سير وقلت اني بعتها وقالي فين العقد المسجل فقلت توكيل قالي ادفع وارجع عليه ونصحني ان لازم يسجلها واخد صوره احطها في الملف بتاع العربيه وكده خلاص

ممم....... لو مكنش الضابط ده بيحور يبقى الموضوع مهم فعلا...........الف شكر يا باشا

الموضوع: سؤال : ايه الفرق بين التوكيل و التسجيل؟؟؟

LinkBack

أدوات الموضوع

عرض

-

-

-

المواضيع المتشابهه

سؤال بخصوص التسجيل فى الشهر العقارى

سؤال عن رسوم التسجيل عند شراء عربية مستعملة

سؤال بخصوص التسجيل 1600

سؤالين: رسوم الترخيص و التسجيل للسبيرانزا A516 كام؟؟ وهل اشترى من التوكيل؟؟

من فضلكم سؤال عن مصاريف التسجيل

الكلمات الدلالية لهذا الموضوع

المفضلات

المفضلات

ضوابط المشاركة