الموضوع: مشكلة بعد تغيير ال pitman arm او كوع علبة الدركسيون

احبائي اعضاء المنتدى الغالي

واجهتني مشكله مؤخرا اني كنت لما كنت اقف في الزحمه والف الدركسيون سنه بسيطه ( يعني الحركه لما بتتنقل من عامود علبة الدركسيون على الكوع عشان ينقل الحركه على البارات ) بسمع صوت تكه عاليه كأن فيه كوع بيتكسر تحت رجلي فانا رحت لبتاع العفشه قالي زي ما توقعت العيب منو فطبعا هو بعمر العربيه فصعب عليا وقعد فتره عشان يفكو وكان معصلج معاه

المهم اخوكم راح وجاب دراع يباني ماركة 555




المشكله انو لما ركبو يجماعه الدركسيون تقل انما زمان كانت العربيه احلى حاجه فيها انها ناعمه جدا والمشكلة الاكبر لما اجي اللف الدركسيون مبيرجعش من نفسو لازم انا ارجعو بنفسي ( طبعا انا بتكلم على الحته الي فالاول بتاعة الدراع ده ) وده طبعا عاملي قلق ومش عارف اسوق كويس لان العربيه كل شويه ارجع الدركسيون لوضعو الطبيعي بصعوبه

فهل فيه ظبطه معينه للدراع دي ؟ وتتعمل عند مين ؟ وهل هترجع زي الي كانت فيها ناعمه والاستجابه بتاعتها سريعه ؟
وهل يجماعه ارجع اركب القديمه وخلاص ؟ وامته اعرف انها فعلا متنفعش وهتبوظ هل ممكن من الوقت تتكسر مني او تسببلي مشكلة كبيره؟ وهل الصوت الي كنت بسمعو بتاع الطقطقه العاليه انذار لتغيروو ؟

وشكرا لكل الي تعبو نفسهم وقرو الموضوع

ده فيديو يجماعه بيوضح ان التروس ممكن تتاكل ويحصلها شرخ وتكسر الكوع ده ( عشان لو حد بيعاني من نفس المشكله )

[http://www.youtube.com/watch?v=u_i8K...eature=related[/youtube

انا بالنسبه عندي لقيت بداية شرخ يعني من ناحية الترس فقلت يبقى الصوت ده كان فعلا انذار فعشان كده غيرتها لكن انا زعلان ان الدركسيون مبيرجعش لوحدو فالغرز والملفات بيفضل ثابت كأنو مربوط حاجه تخوف يعني هل ده بسبب الخشونه يجوز يعني