اظبط كماليات العربية فين ؟؟

**mbluethunder** · 28-04-2008 08:25 PM

المشاركة الأصلية كتبت بواسطة onna

ميرسي يا علااااء

خلينا فى بتاع مصر الجديدة عشان خطيبي ساكن فى مصر الجديدة

ربنا يخلييييييييييييييك بجد والله اكتر من اخواتى

ربنا يخليك يا اوناااااااااااااااااااااا اا

بس قوليلي ... ده انا إكتشفت حاجه جامده خالص خالص خالص

ده أنا لقيتك فاتحه موضوع لوحده عن الفرش عامل خمس صفحات :).. وما شاء الله ناس كتير ردوا عليه وجابوا المفيد .. ليه بقى الحيره ده يا نهي

http://www.nilemotors.net/Nile/showthread.php?t=21445

مصطفى فاروق رد عليك في موضوعك وكان كاتب رقم الراجل اللي في دوس

----------------------------------------------------------
اسامة دوس ٠١٠٢٧٥٢٧٥٦ ، اتصلي به ولو انتي قريبة من، روحي إتفرجي وخدي رئيو. مكانو في مصر الجديدة بالقرب من ميدان الحجاز
-----------------------------------------------------------------------------------

هو ده بقى أسامه بن لادن ... إتصلي بييه وقوليله.. معاك أونا من نايل موتورز القاعده.. وهو عارف كريم بيك منير ... بس المفروض كان كريم يديلك نمرته.. واضح إنه طنش:D أو قلق :D

بس على فكره يا نهى.. عند دوس هاتدفعي كتير شويه .. يعني حوالي 1000 أو زياده ... بس في المقابل حاتخدي شغل على ميه بيضا ... شغل محترفين بجد ... بجد مش هاتندمي

هشام الفقي كان عامل فرش بيج لعربيته وكان فاتح موضوع عنه.. دوري عليه وأتفرجي

كمان بقى مش عايز اوصيكي على الفرش اللونين.. بجد بيبقى تحفه.. كان ميمو حاطط صور في موضوعك لفرش ( بيج مع بني غامق ) أو ممكن تعملي ( بيج مع أسود) والأسود يبقى في مناطق معينه

كمان بقى ممكن تعملي حركات تانيه.. زي مثلا تكتبي أي حاجه على الضهر بتاع الكرسي اللي قدام .. مثلا ( kia ) أو ( ONNA ) وهكذا... أصل التفصيل ممكن يتعمل فيه أي حاجه

كمان أيه موضوع وسوسة النضافه ديه يا نهى.. الموضوع ده ماينفعشي في بلدنا ده...... إنت عربيتك سودا وجوا العربيه بيج فاتح قوي ( أنا شوفتها )..مش ممكن مع كل هفوة في العربيه تروحي جايبه كل منظفات الدنيا .. وهاتك يا نضافه:D.. كده هايجيلك هسس:D

**mbluethunder** · 28-04-2008 08:50 PM

بصي يا نهى

ده الفرش اللي ركبه هشام الفقى في عربيته

http://www.nilemotors.net/Nile/showthread.php?t=9930

موضوع الباركنج سينسور.. في مواضيع كتير إتفتحت هنا .. زي كده

http://www.nilemotors.net/Nile/showthread.php?t=9748

http://www.nilemotors.net/Nile/showthread.php?t=10522

طبعا في النوع ال wireless والنوع Wire من غير less ... أنا بفضل اللي بي less وبرده شوفي كده ودوري يمكن تلاقي حاجه أفضل

في سبير كار ممكن تعملي الستاير الكبس .. ده لو إنت مش هاتفيمي .. تروحلهم وتجيبي ستاير للزجاج الخلفي وللأبواب.. كان فيه موضوع فاتحه ( إسلام شاهين ) شوفيه كده

مع ان المفروض التوكيل يديلك ستاره للزجاج الخلفي كهديه ( مش دوسات ):)...

**Noha.M** · 28-04-2008 10:09 PM

المشاركة الأصلية كتبت بواسطة mbluethunder7000

بصي يا نهى

ده الفرش اللي ركبه هشام الفقى في عربيته

http://www.nilemotors.net/Nile/showthread.php?t=9930

موضوع الباركنج سينسور.. في مواضيع كتير إتفتحت هنا .. زي كده

http://www.nilemotors.net/Nile/showthread.php?t=9748

http://www.nilemotors.net/Nile/showthread.php?t=10522

طبعا في النوع ال wireless والنوع Wire من غير less ... أنا بفضل اللي بي less وبرده شوفي كده ودوري يمكن تلاقي حاجه أفضل

في سبير كار ممكن تعملي الستاير الكبس .. ده لو إنت مش هاتفيمي .. تروحلهم وتجيبي ستاير للزجاج الخلفي وللأبواب.. كان فيه موضوع فاتحه ( إسلام شاهين ) شوفيه كده

مع ان المفروض التوكيل يديلك ستاره للزجاج الخلفي كهديه ( مش دوسات ):)...

كل ما اجى استقر على مكان و اقول هروووح directly اعمل كل حاجة يطلعلى حاجة تخليني ارجع فى كلامة المشكلة يا علاء ان خطيبي هو اللى هيجيبلى كل ال accessories و الحاجات دى cadeau للعربية فمش عاوزة ازود عليه الاسعاركدة ..بعدين دوس دة كدى غالى اوى

بعدين استقريت على سبير كار بس موضوع خلف اللى بعتهولى كان بيقول فيه ان بعد التخفيض الاسعار بيقت فى range المحلات التانية و انه مكانش عاجبه الاسعار الاول و كدة و لما ركب الباركنج سنسور حصل لخبطة و فكووه تانىىى و عطلة و معرفش ايه

فكل ما اوصل ل conclusion حاجة تانية ترجعني من اول ال سطر !!!!!!!!!!

بعدين خطيبي بيقولى مالكيش دعوة انتى باى حاجة و هننزل دمشق و التوفيقية معرفش ايه يس انا بفرهض بسرعة عشان كدة عاوزة مكان بخلصنى بسرعة و متشحططش :D

بجد ميرسييي على التلخييص اللى انت عملتو فى اللينكان هتابعهم و اقولك

**mbluethunder** · 28-04-2008 10:22 PM

ليه بس التدبيس ده يا نهى لخطيبك :)

عايزه كلمة حق ولا لأ... خليه يجيبلك أي حاجه في العربيه ماعدا الفرش.. وخلي الفرش عليكي .... بجد بجد الموضوع ده بيفرق جامد في العربيه يا نهى .. كمان الواحد ما بيشتريش الفرش كل شهر يعني... هي مره واحده تقريبا في عمر العربيه

خلي الفرش عليكي .. وأي حاجه تانيه عليه

ومهاه حق خطيبك.. دمشق والتوفيقيه هما الحل .. وهو أكيد فاهم في المواضيع ده ... سبيه هو يظبط ليلة الأكسسورات ديه

**Noha.M** · 28-04-2008 10:31 PM

خلاص هخليه يجيبلي الكاسيت :D:D:D بدل الفرش

اصل كاسيت السيراتو cd و مفهوش فاتحة للmp3 دى و ولا ريموووت بجد مضايقنى مووووت فعاوزة اغيره يا علاء ان شاء الله

اجيبه نوعه ايه باة و سعره فى حدود كام

**mbluethunder** · 28-04-2008 10:40 PM

المشاركة الأصلية كتبت بواسطة onna

خلاص هخليه يجيبلي الكاسيت :D:D:D بدل الفرش

اصل كاسيت السيراتو cd و مفهوش فاتحة للmp3 دى و ولا ريموووت بجد مضايقنى مووووت فعاوزة اغيره يا علاء ان شاء الله

اجيبه نوعه ايه باة و سعره فى حدود كام

هو إنت لازم تدبيسيه وخلاص....مش ممكن كده :D

بالنسبه للكاسيت ... صدقيني مش هاقدر أفتي في الموضوع ده بتاتا .. لأني أنا بدور زي زيك ..

عليكي وعلى قسم الصوتيات يا نهى... في هناك عمالقه في الموضوع ده بجد. إفتحي موضوع هناك ... وبس :D:p:p والباقي على الأعضاء ( ذي كل مره كده:D:p )

في الأخر هاتعملي أيه في الفرش يعني ... دوس ولا سبير

**Noha.M** · 28-04-2008 11:04 PM

لا دوس غالى اوى كدة ! بس تحفة برضه بس لازم اتفرج و اخد فكرة

بعدين اختى عاوزة تجيبلي الفرش هدية العربية فتقريبا لقينا زبون هيشيييل

هههههههههههههههههههههههه

**fahd_628** · 28-04-2008 11:13 PM

نصيحة اوعى تفيمى يا اونا علشان المرور ممكن يغلسو عليكى و يسحبو الرخصة بلاش

**mbluethunder** · 28-04-2008 11:22 PM

المشاركة الأصلية كتبت بواسطة onna

لا دوس غالى اوى كدة ! بس تحفة برضه بس لازم اتفرج و اخد فكرة

بعدين اختى عاوزة تجيبلي الفرش هدية العربية فتقريبا لقينا زبون هيشيييل

هههههههههههههههههههههههه

هو مافيش فايده

هو حد لازم يشيل حاجه ... مش ممكن أبدا الإستغلال ده

طب مين هايجبليك الجنوط
ومين هايجيبلك الغطاء الخارجي للعربيه
ومين اللي هايركبلك ال tvt على رأي محمد سعد :)

من أولها إستغلال كده :D:D....

ما علينا .. بصي.. روحي لدوس كده واتفرجي وانت شوفتي عربية هشام كان شكلها أيه.. هو مشكلته إنه غالي بس نضيف أوي

موضوع الفرش ده مهم جدا في العربيه .. لأنه مش بيبان من اول ولا من تاني شهر .. بس بيبان بعد كده من كتر الأستعمال

**Karim_Monir** · 29-04-2008 12:26 AM

احم احم
معلش اصلي لسه راجع من اسكندرية وعلى ما فوقت من الملوحة والفسيخ
هععع مين هناك
اون كنا بنقول ايه
1 الفرش دوس ثم دوس ثم دوس
بيتعمل بحواللي 1450 وعشان نايل موتورز 1300 بس تبلغية انك من طرف كريم منير عشان الخصم يتفعل
بتعدي علية تنقي اللون ويقوللك هاتركبي مثلا كمان اسبوع تدي العربية لخطيبك عشان التركيب بياخد من 6 الى 8 ساعات
ايون الوقت مظبوط عشان بتشد كويس جدا
وافضل شية تدخل لونين شوفي انتي الدواخل بتاعتك لو رمادي حطي اسود في رمادي وده تقليدي او اسود في نبيتي وده جامد جدا ولو دواخل بيج يبقس اسود في بيج او نبيتي برضه
وشوفي عربية السندريى الياريس الحمرا عملتها بيج في احمر زي ماقولتلها وطلعت تحفة ما شاء الله

الزينون عند HID-Plus وماركبيش غير عندهم ودول في الرحاب

السنسور باركنج بعد لف ودوران كتير هاتي النوع اللي بريكب فوق المراية
هيا مراية عادية بتتحط فوق المراية بتاعت الصالون وتوصيلها مش باين كله من جوة الفرش
واول ما تجيبش ورا تشتغل بصوت وبتكتب المسافة على المراية نفسها وبكدة مفيهاش اي افتكاسات

الانذار التو واي ده رايح جاي يعني لو العربية اتخبطت بيزمر الريموت ويكتبلك علامة شاكوش
لو باب اتفتح بيرسم علامة باب اتفتح لو طلعتي الشقة ومش عارفة قفلتي ولا لاء في علامة قفل هاتبان مفتوحة ولا مقفولة في الريومت
ده في القاهرة ب 700 وممكن 650
وجبناه من اسكندرية ب 300 من غير تركيب ولا ضمان وركبناه ب 50 تقريا عند اي كهربائي وشغال زي الفل ما شاء الله

في اي تاني
كفاية كدة ايدي وجعتني
تصبحوا على خير
محدش معاه كوباية زبادي سلف

الموضوع: اظبط كماليات العربية فين ؟؟

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

يا جماعه انا عايز اظبط العربية بتاعتى كماليات وكدة ياعنى ومحتار اعمل ايه هيا صنى 2013

عايز اظبط العربية

ازاي اظبط العربية ؟

ازاي اظبط نور العربية

عاوز اظبط العربية

الكلمات الدلالية لهذا الموضوع

المفضلات

المفضلات

ضوابط المشاركة