الموضوع: هام جدا:: Bmw x3 مقلوبه !!!

المشاركة الأصلية كتبت بواسطة modygemy86

السلام عليكم يا عمالقه المنتدي،

انا معروض عليا bmw x3 عملت حادث واتقلبت بس اتظبتت في الحرفيين، انا بصراحه شايفها لقطه لاني ممكن ادفع فيها اللي انا عايزة واتنك علي صاحبها بس تفتكروا ادفع فيها كام؟؟؟ وامتي يبقي سعرها فعلاً صفقه رابحه بالرغم من انها عامله حادث ومرشوشه طبعا وفيها سمكره وكده

وحاجه كمان اهم بعد اذنكوا،المفروض اتأكد من ايه في العربيه علشان ماخدهاش وبعدين احتاس بيها... وهل صيانه العربيه دي في التوكيل غاليه اووووووووووي ... ولا في الرينج الطبيعي؟ علشان من المحتمل احتاجله بعد ما اجيبها جايز يكون فيها حاجه عايزه تتظبط...

انا شاكر جداً مقدما لسرعه ردكوا ومساعدتكوا وآراءكوا....

السلام عليكم.

طبعا التوكيل و الصيانه كلمة "غاليه جدا" شىء لا يقارن بكلمه "مجحفه" فى تكاليف الصيانه السعر ليس لدى خلفيه و اكيد هيكون على حسب الحاله يعنى هل السياره كانت ضائعه تمام و مجرد السقف هو اللى ضبط ولا و لا و لا ... أشياء كثيره جدا و المصاريف اللى هتحتاج السياره إليها و هتجدها خارج التوكيل ولا البعض من الخارج و البعض بداخل التوكيل و سعر قطع الغيار التى ستحتاج إليها السياره هتتكلف؟ حتى إن فكرت تشترى تكود مقدر أنا هشتريها ب x و هصرف عليها x و تبقى السياره كلها اشتريتها ب x سياره + x مصروف = x ثمن السياره بعد المصاريف هنا تقدر تقول أنا هشترى السياره بمبلغ كذا هل صفقه رابحه ولا لأ فى إعادة البيع على حالة الحادثه؟ لكن أنا ممكن مثلا أقول لك اشتريها مثلا ب 50000 جنيه و أنت تصرف عليها 50000 جنيه تبقى السياره ب 100000 جنيه تروح تبيعها يقول لك ثمنها 70000 و لا 50000 جنيه فى هذه الحاله يكون رأيى و رأى الزملاء الأعضاء كلفك مبلغ أنت فى غنى عنه. انت الأول تعرف السياره هتحتاج قطع غيار ايه كله كله كل مسمار هتحتاجه السياره تكون عارف سعره و هل موجود ولا هو سعره كذا لكن مش متوفر حاليا هذا فى حالة إن وجدت قطع الغيار خارج التوكيل و إن كنت هتذهب بالسياره التوكيل تعرف الأسعار كلها هناك و هتدفع مصاريف صيانه و تصليح؟ و على هذا الأساس ممكن تنزل بالسياره الحرفيين و تعرف سعر سياره بمثل هذه الحاله و المصاريف التى تحتاج إليها تتكلف مبلغ؟ يعنى تسأل على قطع الغيار كلها فى التوكيل و خارج التوكيل و مدى توافرها خارج التوكيل و بعدها تسأل فى الحرفيين "سياره BMW X3 موديل كذا السياره مقلوبه و ضبطت و تحتاج مصاريف X جنيه اشتريها أنا بمبلغ؟" تمام كده

المبلغ اللى هتحطه فى الموديل ده حطه فى موديل تانى وبى ام برده عشان متلعنش اليوم اللى ركبت فيه بى ام