هيونداى اكسنت rb

**mahmoudsaleh** · 16-06-2011 06:13 PM

انا معايا هيونداى rb بقالها معايا شهرين وعاملة حوالى 3000 كم و من ساعة ما اشترتها كلها مشاكل
اول مشكله و هي فى اول اسبوع شميت ريحة بنزين و رحت التوكيل قالوا دة خرطوم عايز يتغر ومش موجود و ركبوا بدالة خرطوم ماتركس بعد ما عملوا فية تعديل , و تانى مره رحت علشان الريموت مش شغال وكودوة تانى , و بعد كدة رحت على صوت سمعته تحت العربية و بدا يعلى و حت علشان الصوت دة 6 مرات مرة قالوا دة تشحيم ومرة مواسير التكيف بتخبط فى الصاج و مرة طقم دبرياج ولسة الصوت موجود .
استفسار حد حصل معاة المشاكل دى و هل دة عادى فى العربية دى .
ياريت الرد و المشاركة

**Hacker5** · 16-06-2011 06:35 PM

ربنا معاك مش عارف اقولك ايه

**virus2007** · 17-06-2011 12:07 AM

واضح انك وقعت فى عربية فيها عيوب ... هى بتحصل بصراحة لان مش كل العربيات بتنزل سليمة ...

كدة لازم تفضل وراهم واى حاجة تشوفها تغيرها طول منتا فى الضمان ومتسبش حقك نهائى

ربنا معاك بجد

**party_0000** · 17-06-2011 01:16 AM

حاجه تعكنن بصراحه الواحد يدفع دم قلبه في عربيه جديده والتوكيل زباله يلبس الناس وياريت حتى بيعرف يحل المشكله ويلخص
ربنا معاك

**mahmoudsaleh** · 17-06-2011 11:36 AM

انا رحت عملت شكوى فى حماية المستهلك لانى بالفعل حاسس انهم مش قادرين يوصولوا لحل معايا فى التوكيل و يمكن العربية جديد عليهم و مش عارفين يصلحوها و لما رحت حماية المستهلك لقيت فى واحد عندة نفس المشكلة و قالى انه خايف يسوق العربية من الصوت دة و عمل محضر اثبات حالة فى قسم الشرطة و حماية المستهلك قالت موقفنا قوى خصوصا ان العربيات لسة جديدة و مركز الخدمة استنفذ حلولة لما نشوف النتيجة .
رجاء المشاركة لاى عضو معاةrb

**virus2007** · 17-06-2011 05:02 PM

ربنا معاك بجد ويا ريت تقلنا النتيجة والخطوات واحنا متابعين معاك :)

**ahmed255741** · 17-06-2011 09:25 PM

هو توكيل غبور زباله بصراحة انا عملت صيانتين للالنترا وحرمت
وبصراحة شديدة كنت بروح اعمل الصيانه العادية وبكون خايف يبوظوا حاجة لدرجة اني لو شاكك ف حاجة مابقلش عليها عشان مايلعبوش ف حاجة
شفتوا وصلنا لفين والخيبة بتاعة غبوووووور
المفروض نعمل شكوي جماعية ضد غبور ونصعد الموضوع للشركة الام

**dramir1** · 17-06-2011 09:27 PM

انا معايا تاني فئه اتوماتيك بس الحمد لله شغاله كويس مش مضايقني فيها غير اني لماكنت بركب حد ورا كانت العربيه بتدب فروحت التوكيل وغيرولي المساعدين الخلفيه ولسا هجربها لما اركب حد لكن الدب قل نوعا ما لما بكون لوحدي...وكان في حرارة بسيطه تحت فرامل اليد ..فكو الكونسله وزودوا لباد لعزل الحراره والحمد لله بقت كويسه انا عامل بعربيتي 2000 كم ومعايا من شهرين .
ربنا يكرمك ويعملولك المطلوب ...هو حضرتك بتروح فرع ايه ؟؟ .....ممكن تروح فرع قليوب وتسأل عن المهندس هاني ميخائيل enghany هو عضو معانا في المنتدي وهو راجل محترم جدا

ممكن توصفلنا الصوت بيكون ازاي؟؟؟؟

**raedegypt** · 19-06-2011 12:16 AM

اشتريتها من الوكيل ولا معارض فرز ثالث به عيوب يباع بسعر الوكيل ويشفطوا الفرق فى جيبهم . اصلى بص يا اخى مش انت الوحيد ال معاك العربيه دة فهى اكيد بها عيوب ولبستها