ياباشا مش كل حاجة نقول الثورة السبب
سبب الاقتصاد اللى الناس بتقول عليه واقع و سبب البلطجة دة كل بسبب الشرطة اولا ثم الجيش اللى على طول بيدخل متاخر زىالافلام العربى
عرض للطباعة
طلع عليك سلاح وسيبته
طبعا انت صح فى التصرف انك مطاوعتش الشيطان عشان متدخلش فى مشاكل اكبر
لكن اوعدك ان اللى حصل معاك حيحصل مع ناس تانيه كتير من نفس الشخص عشان كلهم حيسيبوه وكل الناس حتقف تتفرج
الاخ الكريم الفاضل
اولا الحمد لله ان ربنا قدر و لطف
ثانيا بأذن الله ربنا يعوضك خيرا عما فقدت
ثالثا التصرف اللي انت عملته هو الصحيح و سيبك من اللي بيسخنك و يغلطك علي عدم استخدامك للسلاح
ربنا هو الذي يعلم مدي صدقهم مع انفسهم لو انهم في نفس موقفك لان حضرتك ذكرت انك كنت لوحدك يعني لا يوجد و الحمد لله معك المدام او اختك او والدتك كي يكون خوفك ان يحدث تعرض لهم او اذيتهم اما عن نفسك فأنك لم يتم الاعتداء عليك جسديا حتي لا يخرجوك عن شعورك فتلتحم معهم و هم استخدمو معك اسلوب الخضة و الاستغراب من السرعة التي استخدموها فلا تلوم نفسك ابدا و لقد ذكرت انك استغفرت الله و اكيد ربنا هو من ملكك و ليس شيطانك فأحمد الله و هناك مليون سيناريو لو انك استخدمت السلاح اقربهم ان الطلقة تصيب احد المارين اللي ليس له اي ذنب و وقتها بدل ان تكون ضحية تكون جاني
رابعا اري ان سواء الناس اللي بتغلط الثورة او الثوار او حضرتك اللي بتلوم علي الشرطة او الجيش اري ان كلاكما علي خطأ و اسبابي في ذلك تتلخص في الاتي
لم يفعل معك هذا احد من الثوار و لا بسبب الثورة ( و لذا فلا عتاب علي ايهما )
لم تقصر الشرطة و لا الجيش في حالة حضرتك ( لان المنطقة اللي حضرتك ببتحدث عنها اصلا مليئة باللبش و هذا الموتسيكل يجوز بدخل و يخرج من منطقة الفسطاط او من المدابغ او من المقابر سريعا يخبط الخبطة و يرجع تاني
و لذا فلم مثلا يشاهدك لجنة و طنشو او ان احد شافك و انت مظلوم و نصرهم عليك
خامسا كل العتاب و كل اللوم علينا نحن ( كشعب ) كيف ماتت فينا الشهامة و النخوة بالله عليك لو ان 20 واحد من ال70 و الا ال 80 بني ادم اللي شاهدو الواقعة قد تحركو نحوك في نفس اللحظة ما استطاع هؤلاء النور ان يفعلو ما فعلو انا طبعا قللت الاعداد من 1000 واحد الي 70 او 80 فقط و من ال 70 او 80 فرد قلت اللي واخد باله و مركز انك لم تخبطهم ينحسر في 20 فقط فيا رب تعود لنا هذه الاشياء اللي فقدناها و يا رب نسترد عافيتنا سريعا
و اخيرا الف حمد و شكر علي سلامتك و نفسي لو السلاح غير مرخص تراجع نفسك تاني الف مرة قبل ان تخرج به للشارع و هذه نصيحة من اخ
م.حاتم السباعي
حمدا لله علي السلامة
انا بامشي من الطريق ده يوميا و مش عارف لو اتعرضت لموقف زي ده اعمل ايه....مش معايا غير سيلف ديفنس
ذنب ايه اللي حضرتك هاتشيله لو ضربت الكلبين دول بالنار؟؟؟؟؟؟؟؟؟؟؟
تخيل في كام واحد بعد حضرتك ممكن يتسرق و يضرب و يتقتل و تتكسر عربيته بواسطة الكلبين دول
في ناس كتير دلوقتي معاها سلاح عشان تدافع عن نفسها...لو الناس بدأت تضرب في المليان علي البلطجية و في نفس الوقت الشرطة تتساهل في الحالات دي ...يعني 5 دقائق في القسم مع اي اتنين شهود للواقعة لاثبات ان القتل كان دفاع عن النفس و شكرا ...يعني البلطجي لازم يتعامل علي انه كلب مالوش دية و قتله لا يكلف اكثر من 5 دقائق في القسم لاثبات الواقعة....في الحالة دي البلطجية هايكشوا و يرجعوا جحورهم
أولا:إحمد الله على سلامتك أولا
ثانيا: تعالى بعد أسبوع و قولنا شعورك الجديد: هل نادم على عدم اتخاذ رد فعل عنيف؟؟
و هل لو كنت اتخذت قرار العنف كنت هتبقى راضي؟؟
ثالثا: لو الثورة أو الشرطة أو الجيش مزعله ناس..همتكم معانا ندعي ان الانتخابات تتم في معادها وكل شئ يمشي حسب ما اتخطط
والا هنلاقي الأموات بيصحوا من القبور و بياكلونا
معلش يعني
انا اعرف ان اللي يقول ده بسبب الثورة اللي كان بيعمل حاجة غير انه قاعد على الكنبة يتفرج قبل الثورة و كان من اسباب ان الشعب يحتاج لثورة
او اللي ما قعدش على الكنبة يتفرج بعد الثورة و كان من اسباب ان الثورة المضادة معاها كل حاجة و الثوار ما معاهمش حاجة
اولا حمد لله على السلامة
ثانيا تقبل رأى من فضلك
متعتبش على الناس اللى واقفا لسببين
اولهم : انك لو مكانهم وانا لو واقف هيبقا رد الفعل مقارب تقريبا علشان انا شايف عربية واقفة وواحد بيقول انه خبط واحد بموتسيكل والله اعلم مين صح ومين غلط وهل لو تدخل الامر ممكن يزداد سوء ولا ايه وممكن اكون سبب ف ضرر اكبر ليا ولصاحب المشكلة
ثانيا السلبية بقت طبع من طباع المصرين نظرا لما يحكى كل يوم كل واحد بقا بيفكر ف حاله ونفسه لا والاظرف من كده انك ممكن وانت واحد شكله بلطجى يعتدى عليك تلاقى كام شاب واقفين ماسكين موبيلاتهم وقاعدين يصورو الموقف حاجة تحرق الدم
قدر الله ولطف وحمد لله على سلامتك مرة تانيا وكويس انك تمالكت اعصابك العيال شكلهم شمامين ومش بيحسو بيعملو ايه فداك الف لوح ازاز بدل مكانت تيجي فيك
الاخوه الافاضل
والله انا مش نادمان ولازعلان بس صعبان على جدا ان جوز عيال ممكن بعون الله ادفنهم مكانهم يعملوا كده
اما المنطقه فانا من السيده يعنى 10 دقايق ويجى لى 10 انفار
بس يرضه انا ما احبش اورط حد
فعلا موقف الناس عجزنى
واختيار انى ممكن اقتل حد برضه عجزنى
ويمكن ده من فضل الله تعالى على
اما الثورة انا من اشد المتحمسين لها ومش هقول عملت فيها ايه علشان الى عملته لنفسى واولادى
انا زعلان علشان قبل الثوره كنت ممكن اتصل بالنجده ودلوقت مفيش شرطه
اخد نمرته لكن دلوقت مفيش نمر
وشكرا
الحمد لله
قدر الله وما شاء فعل
طالما هو ما قربش منك شخصياً وحاول يعتدي عليك يبقى تحترس منه ومفيش داعي للدم
لكن لو قرب منك
إنت بتقول معاك سلاح
سواء كان السلاح ده شومة أو مدفع
في جميع الحالات طالما قرب منك يبقى تضربه وتحاول متقتلوش
نسأل الله تعالى العافية لنا ولك ولكل المسلمين في الدنيا والآخرة
-
اول البارح بنت ابن خالة والدي راجعه من امتحان الثانويه ومجرد ماسابت زميلاتها عشان تشرب تم خطفها من شوية بلطجيه في ميكروباص واخدوها في مكان بعيد وضربوها كتيير وخدت كذا ضربه بمطواه واخدو دهبها وكانو هيغبصبوها لولا السواق قالهم احنا متفقين علي سرقه بس والحمد لله مقربوش منها واخدوها بعد كده ورموها علي الطريق قصاد واحده بياعه والناس ودتها المستشفي
حسبي الله ونعم الوكيل في البلطجيه واللي سايبينهم