ضمان الخليجي

**manover40** · 28-04-2008 12:15 AM

حجزت لانسر خليجي 1600 اوتوماتيك ( كويتي ) و عرفت انها خارج الضمان و قد قلقت جدا من هذا الامر ... و لي سؤالان
الاول : كيف أعرف مواصفات الخليجي الكويتي ؟
الثاني : هل ممكن عمل الصيانات في التوكيل ؟ و هل التكلفه للصيانة هاتفرق من العربية بضمان و اللي من عير ضمان .
و الف شكر

**limo** · 28-04-2008 02:56 AM

انا هحاول اقولك الى اعرفه لحد ما المهندس طارق يرد عليك
انت حجزت عربيه كلاسيك عاديه ولا هاف سبورت ولا سبورت؟؟
مبدئيا الكويتى ده لو كلاسيك
تفدر تفرقه بالاتى
االفوانيس الكرستال الخلفيه
اريال سقف
لو العربيه فرش بيج الابنوس هيكون عسلى

**مصراوي جدا** · 28-04-2008 11:07 AM

المشاركة الأصلية كتبت بواسطة manover40

حجزت لانسر خليجي 1600 اوتوماتيك ( كويتي ) و عرفت انها خارج الضمان و قد قلقت جدا من هذا الامر ... و لي سؤالان
الاول : كيف أعرف مواصفات الخليجي الكويتي ؟
الثاني : هل ممكن عمل الصيانات في التوكيل ؟ و هل التكلفه للصيانة هاتفرق من العربية بضمان و اللي من عير ضمان .
و الف شكر

استاذ manover اهلا بيك معانا في المنتدى

للأسف انا ما اعرفش تفاصيل كماليات الخليجي او الكويتي بتزيد ايه بالتحديد عن الآخرين انما كل اللي سمعته في الموضوع ده ان الكويتي افضلهم او اكترهم كماليات

انما اللي اعرفه بدقه هو المصري فقط

هل معنى كلام حضرتك انها خارج الضمان ان المعرض من النوعية الرابعة في التقسيمة التالية :

حيث يمكن تقسيم المعارض والشركات التي تبيع الخليجي الى 5 أنواع :

1- معرض او شركة بيقدم ضمان على العربيات الخليجي التي يستوردها حيث يمتلك مراكز خدمة تابعة له ويذكر ان الضمان لديه بمراكزه وتختلف فترة الضمان من معرض لآخر

2- معرض بيكون موزع معتمد للشركة او المعرض المذكور في (1) وبيقول الضمان عندهم في مراكزهم

3- معرض بيتفق مع مجموعة معارض اخرى على ان جميع عربياتهم الخليجي لها مركز خدمة محدد هو الضمان والصيانة عنده

4- معرض معندوش ضمان ومش متفق مع اي مركز خدمة و(صادق) وبيقول العربية دي من غير ضمان

5- معرض معندوش ضمان ومش متفق مع اي مركز خدمة و(كداب) وبيقول العربية ضمان مصرية او الرواس وهي لا كده ولا كده

فالأول حضرتك اتأكد المعرض اللي حجزت عنده من انهي نوع من الانواع الخمسة علشان لو كان من الانواع التلاتة الاولى فلازم تلتزم بمركز الخدمة اللي المعرض هيحدده

اما اذا كان من النوع الرابع وحضرتك عايز تبدأ من استلام العربية تعمل الصيانة في التوكيل (مصرية) يبقى اهلا وسهلا بحضرتك ومفيش مشكلة وباذن الله ميحصلش حاجه في العربية تستلزم الضمان

**mazen86** · 29-04-2008 11:42 PM

المشاركة الأصلية كتبت بواسطة manover40

الحقيقة المعرض كان صريح قال لي بدون ضمان و كمان قال لي ممكن تعمل الصيانة في المصرية علي حسابك الخاص
فقط اريد ان اعرف كماليات السيارة الكويتي و عربيتي 1600 cc اوتوماتيك
التابلوه ابانوس و الدركسيون الجديد جلد و الفتيس جلد و الكاسيت أصلي .. اير باج
باكتات حول السيارة ـ الاكر و المرايات لون السيارة ـ تكييف و باور و سنتر ـ 2 مفتاح ريموت ـ انذار سرقة ـ شنطة اسعاف و طفاية
و ده حسب كلام المعرض معي
و كنت اريد ان اعرف المواصفات دي لاأي نوع من الموديلات و هل بها ABS أم لا
و الف شكر لحضرتك مهندس / طارق

يوجد بها abs والمواصفات كذا مظبوطة وهتلاقي عند باب السواق تحت علي اليمين ورقة سودا مكتوب عليها مطابقة للمواصفات المملكة العربية السعودية هما بيكتبوا كدا عشان السعودية اكبر دولة في الخليج وربنا يباركلك

بسي اتاكد من انذار ضد السرقة افتح القزاز بتاع الباب واقفل العربية بالسنتر ومد ايديك وانتا بره العربية وافتح الباب من جوا وافتح الباب برضة

وشوف العربية هتعمل اية فيها انذار ولا لأ

ومبروك عليك