الموضوع: جولف 3 موديل 93 موتور 1400 او 1600ولا بولو موديل 2000

ايه يا جماعه كل ده ومفيش ردود الموضع صعب قوي كده

اخلع من الجولف القديم.. أنا كان معايا جولف 2 مو90 قرفتني قرف اسود. الكهربا بتاعتها خربانة كل شوية مروحة تقف الزجاج الكهربا مش شغال فوانيس فرامل ورا تعلق الخ الخ الخ. دا غير طبعا كل شوية ظبط زوايا وميكانيكا. كل دا علي جنب وسيمفونية الأصوات اللي بتسمعها وانت مسافر أو بتجري بوجه عام حاجة تانية خالص.

البولو كويسة وقطع غيارها متوفر ومنتشرة بشكل كويس. وبالنسبة للموتور نازل منها موتور 1400 يعني مش 1000 بس ودور ف الجوجل وانت تتأكد من كلامي.
برضه فيه الكورسا هاتش باك فيه منها اوتوماتيك بين 38 و 40 ألف... ماعرفش البولو فيه منها اوتوماتيك ولا لأ.
بالنسبة للي بتسأل عنه
اسعار قطع الغيار: الاتنين اسعارهم ف الأرض سواء ف صلاح الدين أو ابو الدردار (الاسكندرية) بس معرفش باقي المحافظات.
الميكانيكي: أي حد يعرف يعني ايه عربية يشتغل فيهم عشان العربيتين مش معقدين قوي. بس الكهربا دور علي حد بيفهم عشان حاجة غلط تلاقي العربية كلها بقت ولا لمبات الأفراح
متانة الصاج: الجولف 3 متانتها زي اللادا وال131 حاجة كدة من بتاعة زمان. البولو مش زيها بس أحسن من 90% من العربيات اللي ف السوق دلوقتي (ممكن نقول زي الشاهين مثلا)
الثبات: الاتنين ثابتيين ومافيهمش مشاكل بس الجولف مش لطيفة أوي ف المطبات.
الاتساع: الجولف شكلها من برا أوسع من البولو بس من جوا الاتنين تقريبا نفس الوسع.

اشكرك صديقي العزيز علي ردك الجميل ده بس انا كنت اسمع انالبولو اللي مصر كلها نازله فبريكه 1000 سي سي والموتور ال 1400 منزلش مصر في عربيات فبريكه يعني لو لقيت عربيه 1400 اعرف علي طول انها متسقط لها موتور وده طبعا مش بيكون فبريكه بتاعتها واكيد هيعيب العربيه
يا ريت لو تعرف البولو ال 2001 ديه صناعه اسباني ولا الماني وكمان موضوع ان موتورها تربو ده صحيح ولا لا وكم حصان ويا ريت توضح لي لو عندك فكرة عن الموتور التربو وهيفرق في السحب ولا في التحمل ويعادل موتور سعه كم

ممكن يا استاذ محمود بما ان حضرتك عندك بولو 2000 تفيدني ببعض المعلومات عنها من قوتها وسرعتها وخصوصا الموتور بتاعها عامل معاك ايه ال 1000 سي سي وهل هو تربو ولا لا وبيفرق ايه عن الموتور الموديل الي قبلها ال 99 مثلا
وكمان طبيعه الصيانه وقطع الغيار واسعارها وبتجيب جديد ولا مستعمل يعني هي بقالها كم سنه مع حضرتك وايه مشاكلها اذا كانت في مشاكل
وعامل ايه في السفر والتكييف لما بتشغله بياثر علي عزم العربيه ولا لا

المشاركة الأصلية كتبت بواسطة atvi1000

اشكرك صديقي العزيز علي ردك الجميل ده بس انا كنت اسمع انالبولو اللي مصر كلها نازله فبريكه 1000 سي سي والموتور ال 1400 منزلش مصر في عربيات فبريكه يعني لو لقيت عربيه 1400 اعرف علي طول انها متسقط لها موتور وده طبعا مش بيكون فبريكه بتاعتها واكيد هيعيب العربيه

المفروض ان كان فيه محرك 1400 بولو بس ماعرفش نزل مصر ولا لأ وهل الناس كلها مسقطة موتور ولا فيه ولو قليل منه فابريكة.
بص من ردودك أقدر اتكهن انك عاوز حاجة تسحب كويس ودا للأسف مش متوفر في البولو 2000 (أو علي الأقل اللي عندنا ف مصر) وأعتقد ان الموتور ال 1000 كان حاجة قرب ال 50 حصان (أقل من 50) وال 1400 لو لقيته فبريكة بيبقي 60 حصان ودا ممكن يدي معاك جبة علي أساس ان العربية مش تقيلة.

يا ريت لو تعرف البولو ال 2001 ديه صناعه اسباني ولا الماني وكمان موضوع ان موتورها تربو ده صحيح ولا لا وكم حصان ويا ريت توضح لي لو عندك فكرة عن الموتور التربو وهيفرق في السحب ولا في التحمل ويعادل موتور سعه كم

ماعرفش ف موتور 2001 ولا دققت ف موضوع التربو وخلافه.
بس بولو لغاية 2000 كانت صناعة ألماني وأسباني (بديهي الواحد يبقي متأكد ان 99% من اللي ف مصر أسباني) أما ال 2001-2002 مافيش منها غير الأسباني.

معلش ماقدرش أفيدك 100% بس بحاول علي قد ماعرف.

اشكرك جدا علي معلومات ديه واكيد هستفيد منها