يوجد تسريب مياه اسفل دواسة كرسى السائق

**younglion2011** · 17-06-2011 01:21 AM

اشتريت والحمد لله سياره رينو كليو موديل 2002 من شهرين اكتشفت منذ فتره ان عند كل غسيل للسياره اجد مياه تحت دواسة كرسى السائق بكميه كبيره برجاء افادتى ماسبب ذلك لانى روحت لسمكرى افدنى بانه لايجد ثقوب فى جسم السياره وهذا يحدث فقط عند غسيل السياره او عند وجود مطر

**jackal** · 20-06-2011 10:43 PM

check the A/C connections

**Yones** · 21-06-2011 01:07 AM

ممكن يكون فيه تاكل فى كاوتش الزجاج الامامى فبيسرب ميه من الغسيل او المطر وبتنزل على الدواسة بتاعت كرسى السواق حاول تبص على كاوتش الزجاج الامامى من برة العربية وخصوصا الناحية المواجهة لكرسى السواق ودى ممكن تعالجها بتغيير الكاوتش بتاع الزجاج او بسيليكون لمنع تسرب الميه

**younglion2011** · 21-06-2011 07:41 PM

متشكر جدا لاهتمامكم يا اصدقائى وفعلا هاشيك عاللى قولتولى عليه انهارده

**مصطفى احمد** · 02-03-2014 09:03 PM

لو فية فتحة سقف ممكن يكون خراطيم تصريف المياة مسدودة تعالا وانا اصلحها للك ان متخصص تصليح فتحا فى برج العرب الجديد اسكندرية وهذا تلفونى 01026565740 او 01009523371

**haisam ali** · 04-03-2014 06:15 AM

المشاركة الأصلية كتبت بواسطة younglion2011

اشتريت والحمد لله سياره رينو كليو موديل 2002 من شهرين اكتشفت منذ فتره ان عند كل غسيل للسياره اجد مياه تحت دواسة كرسى السائق بكميه كبيره برجاء افادتى ماسبب ذلك لانى روحت لسمكرى افدنى بانه لايجد ثقوب فى جسم السياره وهذا يحدث فقط عند غسيل السياره او عند وجود مطر

الموضوع بسيط جدا جدا جدا وكان عندى فى رينو ميجان وعملته لنفسى ..... بص ياغالى هتفك الفبره السمرا اللى تحت المساحات تمام هتلاقى الاخرام اللى فى صدر العربيه اللى بتنزل الميه بعد الغسيل او المطره مسدوده من الطين والتراب وكده هتسلكهم وتسلك المجارى بتاعتهم ودمتم على كده وباذن الله تدعيلى .... هذا وبالله التوفيق