العربيات هتغلى ولا هترخص ؟

**kimotop** · 17-06-2011 02:14 AM

السلام عليكم

خبير في السوق المصري ؟
بتعرف تتوقع كويس وتقرأ من الاحداث الجارية ؟
ليك علاقات وممكن تفيدنا في الموضوع دا ؟

النهاردا الجمعة 17 يونيو 2011 يعني كام شهر والانتخابات البرلمانية وبعدها بكام شهر انتخابات الرياسة يعني حاجات كتير هتتغير بعد الكلام دا

والسؤال يا ترى تفتكر العربيات بعد كل دا هتغلى ولا هترخص ؟

ناس كتير قالت هتغلى علشان السلع الغذائية هترخص وعلشان صعب يرخصوها علشان الشوارع مش ناقصة زيادة كبيرة في عدد العربيات ومش كل انواع العربيات

وناس قالت هترخص علشان المدن الجديدة الي هتفتح ويشجعوا الناس تروحها ، وكمان الاصلاح الاقتصادي و تعريفة الاستيراد او فتح فروع مصانع السيارات على ارض مصر لزيادة الايدي العاملة المصرية في هذه المصانع واكيد دا هيوفر مصاريف نقلها ومش كل انواع العربيات

وناس قالت يبقى الوضع على ما هو عليه

فانت ايه رايك هل عندك افكار تانية ؟

**tifalol** · 17-06-2011 02:46 AM

بص هو مافيش حاجه بترخص
يتفضل زي ما هي و اشك طبعا
يا اكيد ختغلى :)

**ahmedsrs** · 17-06-2011 10:54 AM

يعنى بالعقل الكاوتش غلى والبطاريات غليت وقطع الغيار بتغلى والزيوت بتغلى والعربية عبارة عن مجموع ماسبق يبقى اكيد هتغلى

**MaZaGAngeE** · 17-06-2011 12:23 PM

بد ما الدنيا تهدى شوية أظن ان
1- الغاء أو تخفيض الضرايب على جمارك السيارات
2- الغاء أو تخفيض رسم الوارد

-3 احتمال يحصل تخفيض للجمارك بنسبة أكبر من ال 10% بتاعة كل سنة
4- الغاء أو تخفيض ضريبة المرور

بس قدامنا فترة مش اقل من سنة ................... خلينا نحلم يمكن الحلم يتحقق

**زينة الله** · 17-06-2011 01:56 PM

فى ظل الحكومة الانتقالية ( اللى فى الحقيقة مافيهاش اى انتقالية وكله على قديمه )

ومع الموازنة الرأس مالية الجديدة لمصلحة المستثمرين والأجانب على حساب المواطن

أعتقد سيبقى الوضع على ما هو عليه ::> ولن يتغيير الحال قبل سنة ونصف سنة مالية من الآن !!!

والله أعلم بعد السنة ونص دول هيتغيير ناحية أرتفاع أم انخفاض الأسعار :) حسب ما ستؤل اليه الأوضاع فى البلد

**mahmoud_anwar** · 17-06-2011 03:03 PM

معلش تحليل من وجه نظري المتواضعة العربيات هترخص بس مش كتير يعني العربية السليمة هتنزل من تمنها من 3 الي4 والسبب دلوقتي محدش ضامن انفلات الامن في البلد فا الكل يقولك ابيع لغايه ماظروف البلد تتحسن ويجي رائيس جديديمكن يكون ليه لمسات سحريه يعمل صفقة عربيات حديثة ويعدم السيارات القديمة زي الدول المتقدمة اويلغي الجمارك او يكون ليه تغير في مفهوم الموصلات ويبقا في راحه في الموصلات فابالتالي ده ليه تقصير علي الملاكي والله اعلم

**kimotop** · 17-06-2011 08:45 PM

بدأت احس انها هتغلى فعلا ههههههههههههههههههههه

**Ashraf_Ibrahim** · 17-06-2011 10:26 PM

اعتقد سيبقى الوضع كما هو عليه لفترة ومن ثم ممكن ترخص مستقبلا وحتى لو زادت هتزيد بمعدل اقل من معدلات التضخم المعتادة وبالتالي تبقا فعليا بترخص مش بتغلى !