TEST DRIVE :HONDA CEVIC 2007

**Driver** · 06-06-2007 05:30 AM

TEST DRIVE :HONDA CEVIC 2007
ماشاء الله والله و خمسة و خميسة على دي عربية 55555 1600CC 140HP 2000KM
اسعدني الزمان و الواد حمدي صحبي استلمها و مرضيش اجربها اللا لمما يلينها...المهم...يا ملين
التوقيت:الساعة 3 الفجر و العربية بكامل صحتها (اوعدنا يا رب)
نظرة اولى..من الخارج اللون اسود ميتاليك و التصميم انسيابي موووت..(طيارة دي واللا عربية)؟؟
طاسات!! ازاي يا مان؟؟ قاللي هية بتيجي كده!!نعمل ايه بس؟؟ المهم الشكل اكثر من رائع
افتح..اركب..يالهوي..امسك نفسك يا زيزو..تابلوه مرعب..طيارة فعلا..
صوت الموتور هادئ نسبيا بالنسبة لهوندته القديمة 2005 اعزل الداخلي هايل لدرجة مخيفة
كل الوظائف تعمل بمنتهى السلاسة..ونظام الصوت ولا اروع..
مشكلة ان صف الزراير اللي في الشمال مش موجود=مجموعة اوبشنز ناقصة..بس ما اهتمناش هية ايه من روعة العربية
اطلع على الدائرى...مش محتاج اتكلم عن التسارع الاكثر من ممتاز واللي لا يتاثر بالتكييف مطلقا
التعليق و الثبات ممتازين للغاية..السرعة اللي وصلنالها 214 و مفكرتش ادوس اكتر من كده والعربية مكلبشة اكتر مع السرعة..
ملاحظة مهمة:استجابة دواسة البنزين للكيك داون مدهشة مما يشعرني بعدم اهمية الستبترونيك وان كان هيضيف كتير للعربية

لم تنجح في اجتياز اي مطب في المحروسة....زي بقيت اخواتها..مشكلة ستمنع السيارة من الانتشار

تقييمي للسعر انه غالي حبتين..بس العربية للشباب اللي عايز يشد 100 100

التقفيل مش محتاج اتكلم عليه فل الفل والخامات على فكرة طبيعية..لاهية BMW ولاحاجة نفس خامات القديمة تقريبا

القعدة و توزيع هواء التكييف ممتازين والكنسول ظريف برضه

الباور كهربا غالبا نظرا للنعومة الرهيبة في المدينة...والتثبيت العالي على الطرق السريعة..

معلومة:قطع الغيار اسعارها مجحفة اخر حاجة

الخلاصة....عربية اكثر من ممتازة لكن قد تكون للكثيرين غير مناسبة لظروف البلد

**Ahmed Hassan** · 07-06-2007 04:34 AM

اعتقد ان الهورس باور ده نت هورس باور. تقريبا الجروس 120

**MTAK** · 07-06-2007 06:14 AM

المشاركة الأصلية كتبت بواسطة Ahmed Hassan

اعتقد ان الهورس باور ده نت هورس باور. تقريبا الجروس 120

فعلا
و الكلام ده من واحد صاحبى سمعه من بتاع التوكيل
140 ده قدرة الموتور بدون اى وزن او حمل عليه (بدون وزن السياره)
انما المقاس فعليا هو 120
و مسألة 140 دى علشان البيع

**Driver** · 07-06-2007 07:23 AM

هوه انتوا سبتوا الاحصنة بتاعت عربيات الدنيا و قفشتوا في احصنة هوندا؟؟ :D

عموما موضوع الاحصنة-تقريبا-كل المصنعين بيقولوا الNET HP بتاع الموتور....بدون اي آلات جر او دفع او خلافه..

و التكنولوجيا المبنية عليها السيارة ككل هي العامل الاساسي على ابراز مفاتن المحرك..مثلا:

موتور200حصان...ممكت تلاقي عداد السرعة آخره 200كم...محدش سال ليه؟؟
الاجابة:لأن تكنولوجيا ناقل الحركة و وزن السيارة وتصميم الهيكل الخارجي لايسمحوا باكثر من كده
طب ما الكئيبة كانت (على كلامهم118حصان)هل معنى ذلك ان الفرق بينها و بين الهوندا سيفيك حصانين بس؟؟
اكيد مستحيل..ده اللي معاه هوندا موديل 92 وكان يشد معايا وانا مانيوال و هوة اوتوماتيك كان بيفرمني و يقللعني على الطريق..
ولا كل المصنعين كلهم خضرة الشريفة و هوندا همة اللي كدابين؟؟

و عايز اقول ان هوندا من اكثر المصنعين قدرة على تصميم انظمة كاملة (موتور+نواقل حركةومجموعة تروس)

و مسيركو تجربوا-زي حلاتي كده-الCEVIC SIR وما ادراك ما الSIR

وادعولي والنبي ربنا يبعت كده واقدر اجيب حاجة ياباني زيرو علشان انا تعبت والله..و عمال اقول يا باسط

**اسامة عبد العزيز جابر** · 08-06-2007 02:32 PM

معلش يا جماعة سؤال لو سمحتم حد يعرف اسعار قطع الغيار للهوندا سيفيك الجديدة كام وهل القطع دى اغلى من اللانسر بكتير زيزو بيقول انها مجحفة هل عند حضرتك فكرة اسعارها كام تقريبا وهل العربية اوطى من اللانسر بكتير وشكرا جزيلا :roll:

**حلواني** · 09-06-2007 12:29 PM

شكرا على التست درايف :)
مفيد فعلا و شامل بالذات انك مركز على ايه اللي ينفع في ظروف شوارعنا .
ربنا يخليك و تتستت :)

**teto_madany** · 07-07-2007 07:34 PM

كلام الاخ احمد حسن صح عشان حوار ال 140 حصان اتا رحت و سالت و فعلا النت 125 حصان
وبعدين الميتسوبيشي لانسر لما كانت نازلة كانو كاتبين انها 122 حصان و ناس كتير اوي اشترتها على مده و احنا كنا نشس منهم و اشترينا اتنين و هي اصلا 105 حصان و الكلام ده من كتالوج العربية

و شكرا على التست الرائع ده
طارق عسكر