انتظرونا في الجزء الثاني من الثورة ... قريبا إن شاء الله
انتظرونا في الجزء الثاني من الثورة ... قريبا إن شاء الله
اقتباس:
الموضوع دة بالذات ...... أنا حبيت أحط الخبر دة و أشوف ردود الأعضاء ....... و توقعاتهم مين السبب و مين المسؤول
ذي ما قلت قبل كدة أنا شاهد على الحدث ...... أنا بشتغل في مكان و في منصب بيخليني قادر أعرف تفاصيل سرية كتير عن مشاريع محطات توليد الكهرباء
إلي جاي دة ...... معلومات و حقائق
المشكلة بدأت بعد جمعة الغضب مباشرةً ....... في شركة بتعمل في المشروع دة ...... لأول مرة تعمل في مصر
الشركة دي ....... كل عمالتها من أصغر واحد لأكبر واحد ........ صينيين
الشركة دي ...... مش بتخترع ...... ولا شغلها دة ماينفعش يعمله غير خبراء من كوكب أخر ...... و عشرات المشاريع المشابهة تم تنفيذها عن طريق مهندسين و عمال مصريين
طبعاً الكلام دة مخالفة صارخة لقانون العمل المصري ...... إلي بيشترط إن كل شركة أجنبية بتعمل في مصر ...... يجب أن يكون نسبة العمالة الأجنبية 1 لكل 9 مصريين و إنه لايجب تجاوز هذه النسبة إلى في حالة الإحتياج لخبرات و مهارات من نوع خاص غير متوفرة في السوق المحلية ...... و دي طبعاً مش الحالة هنا
الوضع دة تم بالإتفاق مع وزارة الكهرباء ...... و متسألش ازاي ؟؟؟؟؟!!!!!!!!!
عشان مطولش عليكم .......
الوضع دة كان مستفز جداً ...... للعمال المصريين إلي شغالين مع شركات تانية في نفس المشروع ...... عشان بيعتبروا إن الصينيين دول بيخدو لقمة عيشهم
و نفس الاستفزاز لأبناء المنطقة المحيطة بالمشروع ...... إلي مش لاقيين شغل و شايفين الصينيين رايحين جايين قدامهم طول النهار
أبناء المنطقة و بسبب تحريض عناصر من فلول الحزب الوطني في المنطقة (الكلام دة بجد مش هزار) ...... فضلو يتظاهروا و يقطعوا الطريق و يمارسو أعمال البلطجة و التهديد طول الأربع شهور الأخيرة ...... عشان يشتغلوا و هما مش عمالة مدربة أساساً ....... في غياب كامل و مريب لقوات الجيش و الشرطة رغم استدعاؤهم أكتر من مرة ...... على فكرة كلية الدفاع الجوي على بعد 1 كيلومتر من المشروع و الكلية البحرية على بعد 2 كيلومتر من المشروع
بضغوط على الشركات المشاركة في المشروع ...... تم تعين مجموعة من الناس دي ....... إلي أصلاً مش مدربين أساساً ولا بيعرفوا حاجة
لما دة حصل للأسف دة شجع مجموعة تانية ...... على انهم لو بلطجو حيشتغلو هما كمان ( بنفس التحريض و تشجيع من فلول الحزب الوطني إلي بيشتغلوا في وزارة الكهرباء و في نفس الوقت أعضاء في المجلس المحلي ) ....... بس الشركات رفضت و طالبت وزارة الكهرباء بما انها المسؤولة عن تأمين المشروع ..... بوقف المهزلة دي و تأمين المشروع ضد أعمال البلطجة
بس وزارة الكهرباء ...... شوية موظفين ...... بيشتغلوا بعقليات من القرون الوسطى
تصاعدت الأحداث ..... في غياب كامل الجيش و الشرطة ...... لحد ما حصل إلي حصل ...... و هجم الأهالي على المحطة بعد طرد الشركات لكل العمالة إلي كانت مفروضة عليهم ...... بعد ما إستغل العمال دول غياب الأمن و الفوضى في لوي دراع الشركات
المصيبة ...... إن المشروع اتاخر جداً ..... التأخير بسبب الثورة ...... و بعدين إلمشكلة دي ...... المحطة دي المحطة إلوحيدة إلي في خطة وزارة الكهرباء لمواجهة احمال الصيف المتزايدة في 2012 ....... و التأخير دة معناه اننا مش حنلحق نشغل المحطة دي قبل الصيف و بالتالي ...... حيبقى في نقص في الكهرباء في صيف 2012
دة غير المبالغ الضخمة إلي حتطلبها الشركات كتعويضات عن كل المشاكل و التاخيرات دي ...... إلي متوقع ما تقلش عن 5 أو 6 مليون دولار
مين المسؤول عن الخساير دي كلها ......
قيادات وزارة الكهرباء إلي سمحت لشركة أجنبية بإستبعاد العمالة المصرية في الوقت إلي البطالة فيه عملة ذي السرطان بتاكل الناس ؟؟؟؟؟
ولا الجيش و الشرطة إلي تقاعسوا عن حماية مشروع قومي من الأول خالص ؟؟؟؟؟
ولا الموظفين إلي ولا كان في دماغهم بدل بياخدوا مرتباتهم في أخر الشهر ؟؟؟؟؟
ولا فلول الحزب الوطني إلي حرضو الناس و سخنوهم عشان يتحولو لبلطجية ؟؟؟؟؟
ولا الناس البسيطة إلي سمحو لنفسهم يبقوا بلطجية تحت وطاة لقمة العيش و البطالة ؟؟؟؟؟
باشا ............ أولا : أنا بشكر حضرتك على شجاعتك و صراحتك على فتح موضوع زى ده و الكلام فيه بشجاعة و وطنية فى محاولة لمحاربة الفساد و المفسدين فى الأرض و أسأل الله أن يطهر البلاد من الخونة و المفسدين و البلطجية و سائر بلاد المسلمين .... أمين
ثانيا : مادام موقع حضرتك حساس و بتقدر تعرف منه خبايا عن الفساد و ما إلى ذلك و هو نتاج ل30 سنة من الظلم و الفساد و الهوان ( حسبى الله و نعم الوكيل ) فلازم حضرتك تبلغ عن الناس ده و بلاش نختلقلهم الأعذار و نقول أصلهم عايزين يشتغلوا و لا أصل فلول الزفت الوطنى هما إللى كانوا بيحرضوهم و لا أصلهم كانوا محروقين من الصينيين ( ما هما أصلا زى ما حضرتك بتقول مش مدربين و لا فاهمين أى حاجة فى أى حاجة يعنى قلة جاهلة و ده برضه نتيجة للفقر و الجهل إللى كان بيعيشوا نسبة كبيرة من الشعب فى عهد السيد الخسيس راعى الجهل و الجهلاء فى مصر لا بارك الله فيه و لا تاب عليه و أذاقه البأس أنواع ( حسبى الله و نعم الوكيل ) و الحمد لله الذى عافانا مما إبتلى به غيرنا و فضلنى على كثير ممن خلق تفضيلا.......... لازم حضرتك تبلغ عن الناس ده لو تعرفهم و لازم ياخدوا جزائهم و تذكر : (من رأى منكم منكرا فليغيره) و تذكر إنما جزاء الذين يحاربون الله ورسوله ويسعون في الأرض فسادا أن يقتلوا أو يصلبوا أو تقطع أيديهم وأرجلهم من خلاف أو ينفوا من الأرض ذلك لهم خزي في الدنيا ولهم في الآخرة عذاب عظيم .......... الله يكرمك كمل جميلك و بلغ عنهم و أى حد شايف غلط ما يسكتش عليه ده بلدنا إحنا و هنسأل عنها أمام ربنا .
أسف للإطالة و جزاك الله خيرا و تقبل مرورى
يا فندم دة إلي حصل فعلاً ...... احنا بلغنا الشرطة و الجيش أكتر من مرة و بالأسامي ...... ولا حياة لمن تنادي
يوم الأربع الصبح بدري لما حسينا إن الموضوع حيطور ناس راحت تبلغ رسمي في نقطة شرطة الطابية ...... رفضو يفتحلهم محضر و قللهوم لما يبقى يحصل حاجة فعلاً إبقو تعالوا