تجربتى مع شيفروليه سبارك

**foxpowerdesign** · 17-06-2011 11:14 PM

ربنا يباركلك فيها

**eahmed1981** · 18-06-2011 01:12 AM

العربية بسافر فيها مسافات طويلة عادى ده بالعكس هى فى السفر مريحة جدا وهتجرى معاك بس العربية دى هى مشكلتها ان الثبات وحش بعد ال100 كم ومع ذلك انا سافرت بيها على طريق مصر اسكندرية الصحرواى وكنت ماشى على 130 و140 كم ومكنش الثبات عامل عندى مشكلة وانا على فكرة انا ماشى بالجنوط والكاوتش الاصلى بتوعها ماغيرتش فيهم حاجة لكن انا شايف ان مقاس الكاوتش لو زاد من 155\65\r13 الى مقاس 185\65\r13 يمكن يكون الاتزان احسن وده اللى ممكن اغيره فى الفترة اللى جاية بس برضه انا عاوز اقولكم على عيوب تانيه انا العربية صاجها ضعيف جدا يعنى ورقة لو ريحت وقعدت عليها يمكن الصاج يطبق ولو نوعية الصاج اتحسنت شوية العربية دى قيمتها هتزيد برضه ان مفيش امبير للحرارة دى حاجة مش حلوة بس فى لمبة للحرارة لو العربية سخنت هتنور وانا مش عارف هم ليه ماحطوش امبير حرارة كان اولى عن ان يحط عداد rpm
برضه عندى عيب يمكن يكون فردى هو ان مفتاح الانتظار بيعلق ساعات

**fawzyyyy** · 18-06-2011 01:20 AM

المشاركة الأصلية كتبت بواسطة eahmed1981

العربية بسافر فيها مسافات طويلة عادى ده بالعكس هى فى السفر مريحة جدا وهتجرى معاك بس العربية دى هى مشكلتها ان الثبات وحش بعد ال100 كم ومع ذلك انا سافرت بيها على طريق مصر اسكندرية الصحرواى وكنت ماشى على 130 و140 كم ومكنش الثبات عامل عندى مشكلة وانا على فكرة انا ماشى بالجنوط والكاوتش الاصلى بتوعها ماغيرتش فيهم حاجة لكن انا شايف ان مقاس الكاوتش لو زاد من 155\65\r13 الى مقاس 185\65\r13 يمكن يكون الاتزان احسن وده اللى ممكن اغيره فى الفترة اللى جاية
كلام مظبوط
بس برضه انا عاوز اقولكم على عيوب تانيه انا العربية صاجها ضعيف جدا يعنى ورقة لو ريحت وقعدت عليها يمكن الصاج يطبق ولو نوعية الصاج اتحسنت شوية العربية دى قيمتها هتزيد
فعلا صاجها ضعيف بس احسن من عربيات كتير زي الفيرنا
برضه ان مفيش امبير للحرارة دى حاجة مش حلوة بس فى لمبة للحرارة لو العربية سخنت هتنور وانا مش عارف هم ليه ماحطوش امبير حرارة كان اولى عن ان يحط عداد rpm
انا شايف ان الموضوع ده مش مشكلة لأن العربية لو سخنت درجة واحدة زيادة اللمبة بتنور علي طول....غير كدة معظم العربيات الجديدة دلوقتي مبتنزلش بأمبير حرارة...!!!!
برضه عندى عيب يمكن يكون فردى هو ان مفتاح الانتظار بيعلق ساعات
ده فعلا عيب فردي طبعا...ممكن يكون عايز يتنضف راجع التوكيل

**khpopo** · 18-06-2011 01:44 AM

المشاركة الأصلية كتبت بواسطة fawzyyyy

ربنا يباركلك فيها يا باشا....هي فعلا عربية محترمة جدا

+111

بنا يوفق

**younis2008** · 18-06-2011 02:47 AM

الف مبروك و ربنا يباركلك فبها انا كمان عندي سبارك من 2008 و الحمد لله زي الفل

اللهم لك الحمد كما ينبغي لجلال وجهك و عظيم سلطانك

**ASCOM** · 23-09-2011 09:14 PM

ربنا يباركلك فيها انا ققررت اشتري النيو سبارك وبصراحه عجباني جداااااااااااا
بس كل واحد ليه راي مختلف عن التاني في ناس بتقنعني باللانوس مع انها نفس السعر بحوالي 70000
وفي ناس مش بسشكر في اللانوس وبتشكر في الفيرنا
وفي ناس اقترحولي الهيونداي i10 بس انا مرتاح للنيو سبارك صحيح اختياري دا ولا اخليني في الهيونداي i10
وهل صالونها واسع زي النيو سبارك يشيل 3 افراد مرتاحين في الخلف

**hbtmwzhn** · 24-09-2011 10:39 PM

ربنا يباركلك فيها يارب،بس سؤال هل ما ذكرته هوا كل مميزاتها وعيوبها؟ولا في حجات تانيه؟؟
لاني مقدمه على خطوة شرائها باذن الله بس عايزه اطمئن.
وتكيفها حلو فعلا تلاجه؟
واستهلاكها للبنزين اخباره ايه؟
واعادة بيعها بعد كام سنه هيخسر كتير ولا كويس زي اللانوس؟

وجزاكم الله خيرا

**ecybrarian** · 25-09-2011 06:50 PM

المشاركة الأصلية كتبت بواسطة hbtmwzhn

ربنا يباركلك فيها يارب،بس سؤال هل ما ذكرته هوا كل مميزاتها وعيوبها؟ولا في حجات تانيه؟؟
لاني مقدمه على خطوة شرائها باذن الله بس عايزه اطمئن.
وتكيفها حلو فعلا تلاجه؟
واستهلاكها للبنزين اخباره ايه؟
واعادة بيعها بعد كام سنه هيخسر كتير ولا كويس زي اللانوس؟

وجزاكم الله خيرا

حضرتك بص على الموضوع دا http://www.nilemotors.net/Nile/204258-a.html
إن شاء الله هاتلاقي كل إللي انت عايزه عن سبارك

**hbtmwzhn** · 25-09-2011 10:44 PM

جزاكم الله خيرا

**samir kaml** · 18-01-2017 05:18 PM

المشاركة الأصلية كتبت بواسطة eahmed1981

انا بتكلم عن العربية دى من واقع تجربتى معاها العربية دى معايا من شهر 10 - 2010 انا اشتريتها زيرو ب 51 الف جنيه كاش ودى كانت كل الفلوس اللى معايا وكان قدامى اجيب اسبرانزا لكن محدش شكرلى فيها المهم انا مهندس مدنى وعاوز اقوللك انا شغال فى مدينة 6 اكتوبر وبروح بيها الموقع وامشى بيها فى مدقات وطرق غير ممهدة والعربية حمالة اسية وبسافر بيها واجرى واشغل التكييف تكييف تلاجة وشنطتها تاخد شنطة سفر كبيرة وعن تجربة وعلى فكرة العربية دى كورى وده كلام اكيد وتقفيلها نضيف جدا وانا عامل بيها لغاية دلوقتى حوالى 11 الف كيلو متر وعمرها ماعملت معايا مشاكل وعربية محترمة جدا بالنسبة لسعرها واللى عاوز يستفسر عن حاجة فى العربية ياريت يبعتلى وشكرا

استفسار لو سمحت .... هل فيشة كمبيوتر السياره لها غطاء لحفظها من الاتربه ام لا

الموضوع: تجربتى مع شيفروليه سبارك

LinkBack

أدوات الموضوع

عرض

-

-

-

-

المواضيع المتشابهه

شيفروليه سبارك 2009

شيفروليه سبارك

شيفروليه سبارك

شيفروليه سبارك ام كيا بيكانتو

شيفروليه سبارك

الكلمات الدلالية لهذا الموضوع

المفضلات

المفضلات

ضوابط المشاركة