سيارة في حدود 80000 بس تكون اوتو...

يا جماعة الخير كنت عاوز رأيكوا في عربية في حدود 80000 جنيه بس تكون اوتوماتيك...
أنا لحد دلوقتي شايف البيكانتو 2012 و الساجا
أي اقتراحات أخرى؟!
و ياريت بعد اذنكوا رأيكوا في العربيتين دوول عشان عاوز أشتري بأسرع ما يمكن...

شكرا

انتا كدة بتتكلم فى فيرنا اتوماتك وبيكانتوا وساجا زى منتا قلت

بس قلنا شوية تفاصيل يعنى انتا عاوز عربية تبيعها بعد كدة مثلا احتجياتك للعربية اية ؟ مثلا سفر كتير ولا عربية عائلية اكتر ولا اية ؟

من وجهة نظرى :

الساجا عربية كويسة ومتور وتكيف ومساحة كويسين بس اعادة بيها مش كويسة
البيكانتوا اعادة بيها كويسة بس انا مجربتهاش بصراحة
الفيرنا تعتبر من احسن العربيات فى فئتها بس الاتوماتك بتاعها اعادة بيعوا مش حلوة والعربية مش واسعة اوى ويعيبها ثباتها بعد 140 مش حلو

طيب انا في نفس الفئة السعرية ومحتار زيه برضه

وعايزها عربية عائلية للسفر مرتين في الشهر مع العائلة + استهلاك في وسط البلد والطرق المزدحمة كتير + اقتصادية في البنزين + لسة مش بعرف أسوق وهجيبها بعد شهر + تكون عربية محترمة وتعيش معايا

كنت الأول بقارن بين الساجا والفيرنا لأنهم أوتوماتيك. بس شلت الساجا من دماغي علشان 1300 سي سي واستهلاكها للبنزين وتنك البنزين. رغم عشقي لعلامة البروتون. بس مسيري هجيبها في يوم وخصوصا الجين
دلوقتي أنا عايز أاخد رايكوا في حكاية السواقة بالأوتوماتيك ومقارنتها بالمنيوال
يعني بقارن دلوقتي ومحتاااااااااار جدا بين اللوجان مانيوال * والفيرنا أوتوماتيك
بحكم خبرتكم بالسواقة ... هل المانيوال وحش ومتعب أوي للرجل خصوصا مع الطرق الزحمة ومش مناسب ليا بحكم اني لسة مش بعرف أسوق وهتعلم الاسبوع الجاي. والا تنصحوني بالأوتوماتيك؟
لأن اللوجان طالعة من دماغي. بس الفيرنا حاسس انها هتريحني أوي
قولولي أعمل ايييييييييييييييية؟ :'((

اقتباس:

---

المشاركة الأصلية كتبت بواسطة alaa7sh

طيب انا في نفس الفئة السعرية ومحتار زيه برضه

وعايزها عربية عائلية للسفر مرتين في الشهر مع العائلة + استهلاك في وسط البلد والطرق المزدحمة كتير + اقتصادية في البنزين + لسة مش بعرف أسوق وهجيبها بعد شهر + تكون عربية محترمة وتعيش معايا

كنت الأول بقارن بين الساجا والفيرنا لأنهم أوتوماتيك. بس شلت الساجا من دماغي علشان 1300 سي سي واستهلاكها للبنزين وتنك البنزين. رغم عشقي لعلامة البروتون. بس مسيري هجيبها في يوم وخصوصا الجين
دلوقتي أنا عايز أاخد رايكوا في حكاية السواقة بالأوتوماتيك ومقارنتها بالمنيوال
يعني بقارن دلوقتي ومحتاااااااااار جدا بين اللوجان مانيوال * والفيرنا أوتوماتيك
بحكم خبرتكم بالسواقة ... هل المانيوال وحش ومتعب أوي للرجل خصوصا مع الطرق الزحمة ومش مناسب ليا بحكم اني لسة مش بعرف أسوق وهتعلم الاسبوع الجاي. والا تنصحوني بالأوتوماتيك؟
لأن اللوجان طالعة من دماغي. بس الفيرنا حاسس انها هتريحني أوي
قولولي أعمل ايييييييييييييييية؟ :'((

---

حنقلك خبرتى ...

اولا : بما انك لسة مش بتعرف تسوق يبقى متجيش عربية جديدة ... انصحك تجيب عربية مستعملة بسعر معقول تتعلم عليها الاول لفترة لانك بكل تاكيد حتخبطها و تحكها وحتعزل عليها لو عربية جديدة

ثانيا : من راى الافضل جيب اتوماتك على طول وسوق اتوماتك لان دى فى افضل حاجة فى مصر والزحمة خصوصا للراجل زى منتا قلت عشان متتعيبش وكمان اسهل فى السواقة بكتير مدام انتا لسة مبتدا... انا لسة مغير عربيتى الشهر دا لانى تعبت من سواقة المنويل لانى بسافر كتير وبسوق كتير

ثالثا: مين قالك ان الساجا وحشة فى البنزين عشان 1300 !! بالعكس دا هى عشان 1300 مش حتستهلك بنزين كتير !!
الفيرنا استهلكها فى البزنين حلو بردوا مش وحش

رابعا: انا شايف افضل عربية تقدر تشتريها فى رنج السعر دا وتكون مستعملة هى النترا اتوماتك وممكن لانسر بومة اتوماتك

عربيتين ممتازين واعادة بيهم ممتازة وعائليتين تقدر تاخد فيهم عيلة


بالنسبة لحالتك ممكن تشترى عربية بنص التمن دا مثلا فى حدود ال 40 تكون اتوماتك مستعملة تتعلم عليها 6 شهور ل سنة مثلا وبعدين تنقل لحاجة كويسة النقطة دى ترجع ليك وحسب ظروفك


تحياتى ليك وتحت امرك لو محتاج اى معلومات تانية

أولا شكرا ليك علي ردك عليا
بس أنا قررت أجيب جديد. وأكيد هحاول أحافظ عليها علي قد ماقدر. وهتعامل معاها تدريجي لحد ما أتقنها باذن الله
مش هبقي متسرع يعني وبخرج بيها اي مشوار. لحد ما أتقن السواقة بس.
المستعمل مستبعد معايا تماما.
يعني من كلام حضرتك أستنتج ان الفيرنا كويسة؟ يعني في السفر هتكون معقولة؟ لاني سمعت ان بعد 140 بتعوم معايا ومش هعرف أتحكم فيها. هل ده طبيعي وليه حل؟ والا لو هسافر أسوق علي 140 أخري وهل السرعة دي مناسبة للسفر؟

اقتباس:

---

المشاركة الأصلية كتبت بواسطة alaa7sh

أولا شكرا ليك علي ردك عليا
بس أنا قررت أجيب جديد. وأكيد هحاول أحافظ عليها علي قد ماقدر. وهتعامل معاها تدريجي لحد ما أتقنها باذن الله
مش هبقي متسرع يعني وبخرج بيها اي مشوار. لحد ما أتقن السواقة بس.
المستعمل مستبعد معايا تماما.
يعني من كلام حضرتك أستنتج ان الفيرنا كويسة؟ يعني في السفر هتكون معقولة؟ لاني سمعت ان بعد 140 بتعوم معايا ومش هعرف أتحكم فيها. هل ده طبيعي وليه حل؟ والا لو هسافر أسوق علي 140 أخري وهل السرعة دي مناسبة للسفر؟

---

الفيرنا عربية اعتمادية جدا ... تقدر تسخدمها جوة البلد وفى السفر وكل حاجة

بالنسبة لو انتا على 140 حتقدر تتحكم فيها وكل حاجة بس الفكرة العربية خفيفة فالتحكم فيها اقل من انك تمشى بيها على السرعة دى

بالنسبة ان سرعة 140 مناسبة ... دى سرعة اوفر فى مصر ... السرعة المعقولة فى مصر 100 والعربية كويسة جدا لحد 120

ممكن عشان تحافط على موضوع الثبات حتجيب جنط عريض شوية


بس خلى بالك ان عيب الفيرنا ان الى اعدين فى الكنبة الى ورا مش حيبقوا مستريحين اوى لو انتا عيلة كبيرة

انما لو عيلة صغيرة معاكم طفل او طفلين فهى مناسبة جدا


انا الفيرنا اعدت معايا سنتين وكنت مقيضها سفر على طول ودايما العربية كويسة مع التكيف


تحياتى ليك ولو ليك اى استفسار اخر انا تحت امرك :)

نسيت اقلك لو انتا حتجيب اتوماتك .. جيب ساجا اتوماتك حتبقى اوسع واحسن والناس بتشهد للاتوماتك بتاعها

اقتباس:

---

المشاركة الأصلية كتبت بواسطة virus2007

الفيرنا عربية اعتمادية جدا ... تقدر تسخدمها جوة البلد وفى السفر وكل حاجة

بالنسبة لو انتا على 140 حتقدر تتحكم فيها وكل حاجة بس الفكرة العربية خفيفة فالتحكم فيها اقل من انك تمشى بيها على السرعة دى

بالنسبة ان سرعة 140 مناسبة ... دى سرعة اوفر فى مصر ... السرعة المعقولة فى مصر 100 والعربية كويسة جدا لحد 120

ممكن عشان تحافط على موضوع الثبات حتجيب جنط عريض شوية


بس خلى بالك ان عيب الفيرنا ان الى اعدين فى الكنبة الى ورا مش حيبقوا مستريحين اوى لو انتا عيلة كبيرة

انما لو عيلة صغيرة معاكم طفل او طفلين فهى مناسبة جدا


انا الفيرنا اعدت معايا سنتين وكنت مقيضها سفر على طول ودايما العربية كويسة مع التكيف


تحياتى ليك ولو ليك اى استفسار اخر انا تحت امرك :)

---

والله بجد كلام كله افادة وربنا يخليك
العدد اللي ورا هيكون 3 وأحجامهم بسيطة. رفيعين يعني : )
مناسب والا اية؟
---------------
بخصوص الساجا كانت بالنسبالي الاختيار الأول بس شلتها من دماغي بسبب: استهلاكها للبنزين + سعة تنك البنزين وكل شوية هدخل بنزينة

يعني حسيت اني مش هكون مرتاح وانا سايقها رغم اعجابي ليها. بس الأسباب دي بالنسبالي مش قليلة
وشكرا ليك مرة تانية علي افادتك ...

اعتقد الى اداك معلومة ان استهلاك الساجا للبنزين خاطئة

اصل العربية 1300 سى سى فدا مش حيخليها تستهلك بنزين جامد

وبصفة عاملة كل العربيات الى نازلة جديدة بتوفر فى استهلاك البنزين عن العربيات القديمة

ادخل فسم البروتون واسال الناس عن استهلاك البنزين وحتاخد افضل اجابة بازن الله :)

بالنسبة لسؤالك عن الفيرنا وثلاث افراد بالخلف اعتقد مناسب مدام رفيعين :d :d

اقتباس:

---

المشاركة الأصلية كتبت بواسطة virus2007

اعتقد الى اداك معلومة ان استهلاك الساجا للبنزين خاطئة

اصل العربية 1300 سى سى فدا مش حيخليها تستهلك بنزين جامد

وبصفة عاملة كل العربيات الى نازلة جديدة بتوفر فى استهلاك البنزين عن العربيات القديمة

ادخل فسم البروتون واسال الناس عن استهلاك البنزين وحتاخد افضل اجابة بازن الله :)

---

صاحب الموضوع بيتكلم صح على موضوع البنزين

طبيعى 1300 تستهلك بنزين قليل , بس الساجا فعلا بتستهلك بنزين كتير , ده عيب مشهور وفيها واصحابها بيشتكوا منها

ومع واحد صاحبى بيشتكى من القصة دى , وفية ناس كتير برضة بيشتكوا من قصة المساعدين

اعتقد افضل طريقة انو يسالك فى قسم برتون ويسال ملاك الساجا مباشرة احسن محنا بنقول اصل فلان قال واصلهم بيقولوا لان فى كلام بيتنقل بطريقة خاطئة

ماهو أنا بالفعل سألتهم وعرفت تقريبا كل حاجة عن العربية. هيا استهلاكها للبنزين فوق المتوسط "من كلامهم يعني"
ومشكلتها ان تنك البنزين 30 لتر و 5 لتر احتياطي. يعني مش كبير
والعربية في السفر لو مركب ورا 3 وقدام اتنين بالسواق عرفت انها هتتعب أوي وكدة ...
المهم اني وجدت ان الفيرنا هي الأنسب ليا. رغم اعجابي بالبروتون عموما

تمام يبقى ربنا يباركلك فيها ويكفيك شرها باذن الله

من خلال معاصرتى للفيرنا :

مميزاتها : متور قوى .. سحب ممتاز .. تكيف ممتاز .. اعتمادية .. توافر قطع الغيار ورخصها .. اعادة البيع ممتازة للمانويل ... استهلاك جيد للبنزين

عيوبها: الفرش الداخلى غير جيد .. العربية مع عدد ركاب واطية جدا وبتحك فى المطبات فخلى بالك .. ديقة من جوة ... عدم الثبات على السرعات العالية


كتقيم شخصى للسيارة : سيارة تعتبر من افضل السيارات فى فئتها ويجب المحافظة عليها لتكون دائما بحالة جيدة

تحياتى ليك وقلنا اشتريت اية فى الاخر :)

الشهر الجاي باذن الله هجيبها :)
وشكرا ليك علي الافادة ليا. طمنتني ...

ياه
احنا ياما اتكلمنا واتخانقنا في الموضوع ده
بس انا مش طلباها خناقات من ملاك العربيات التانيه
بس كل اللي اقدر اقولهولك خش علي كل قسم واسال علي العربيه اللي انت بتفكر فيها واركبهم بنفسك واختار بنفسك انت
واول دعوه ياسيدي عشان تركب الساجا هتكون مني
عربيتي تحت امرك

اقتباس:

---

المشاركة الأصلية كتبت بواسطة alaa7sh

ماهو أنا بالفعل سألتهم وعرفت تقريبا كل حاجة عن العربية. هيا استهلاكها للبنزين فوق المتوسط "من كلامهم يعني"
ومشكلتها ان تنك البنزين 30 لتر و 5 لتر احتياطي. يعني مش كبير
والعربية في السفر لو مركب ورا 3 وقدام اتنين بالسواق عرفت انها هتتعب أوي وكدة ...
المهم اني وجدت ان الفيرنا هي الأنسب ليا. رغم اعجابي بالبروتون عموما

---

احب بس اصحح شويه حاجات
- تنك الساجا 40 لتر واللمبه لما بتنور بيبقي فيها في حدود 8 لتر
- استهلاك البنزين بتاعها ممتاز في السفر ياعني استهلاك عربيه 1300 بجد هي مشكلتها جوه البلد واستهلاكها جوه البلد يعادل استهلاك عربيه 1600 وفي نفس الوقت العربيه بتديك اداء عربيه 1600 وكل الناس بتشهد بده
- لو مسافر ركب اي عدد ميهمكش انا كنت مسافر بورسعيد صد رد ومركب 3 ورا من الحجم الكبير ومراتي وعيالي والشنط في الشنطه وكان طول الطريق ماسي من 120 ل 150 بالتكييف ولا تعبت ولا حتي كحت
وفي الاول وفي الاخر الموضوع بتاعك وانت صاحب الاختيار وربنا يباركلك في العربيه اللي هتختارها

سؤال يا جملعه هو ليه سعر اعاده البيع فى الفيرنا الاوتو مش كويس

ولا انا كده بتكلم غلط

اقتباس:

---

المشاركة الأصلية كتبت بواسطة hanyemad123

سؤال يا جملعه هو ليه سعر اعاده البيع فى الفيرنا الاوتو مش كويس

ولا انا كده بتكلم غلط

---

عشان دايما الناس بتقلق من الاتوماتك فى العربيات الصغيرة وبتخاف من تصليحوا

فدا الى مخلى اعادة بيها اقل من المانويل


احسن ناس تتسال على الاتوماتك هما الناس الى معاهم العربية اتوماتك من 4 او 5 سنين يقلولنا الاخبار اية

[gdwl]

اقتباس:

---

المشاركة الأصلية كتبت بواسطة virus2007

حنقلك خبرتى ...

اولا : بما انك لسة مش بتعرف تسوق يبقى متجيش عربية جديدة ... انصحك تجيب عربية مستعملة بسعر معقول تتعلم عليها الاول لفترة لانك بكل تاكيد حتخبطها و تحكها وحتعزل عليها لو عربية جديدة

ثانيا : من راى الافضل جيب اتوماتك على طول وسوق اتوماتك لان دى فى افضل حاجة فى مصر والزحمة خصوصا للراجل زى منتا قلت عشان متتعيبش وكمان اسهل فى السواقة بكتير مدام انتا لسة مبتدا... انا لسة مغير عربيتى الشهر دا لانى تعبت من سواقة المنويل لانى بسافر كتير وبسوق كتير

ثالثا: مين قالك ان الساجا وحشة فى البنزين عشان 1300 !! بالعكس دا هى عشان 1300 مش حتستهلك بنزين كتير !!
الفيرنا استهلكها فى البزنين حلو بردوا مش وحش

رابعا: انا شايف افضل عربية تقدر تشتريها فى رنج السعر دا وتكون مستعملة هى النترا اتوماتك وممكن لانسر بومة اتوماتك

عربيتين ممتازين واعادة بيهم ممتازة وعائليتين تقدر تاخد فيهم عيلة


بالنسبة لحالتك ممكن تشترى عربية بنص التمن دا مثلا فى حدود ال 40 تكون اتوماتك مستعملة تتعلم عليها 6 شهور ل سنة مثلا وبعدين تنقل لحاجة كويسة النقطة دى ترجع ليك وحسب ظروفك


تحياتى ليك وتحت امرك لو محتاج اى معلومات تانية

---

[/gdwl]
كلام ممتاز واتفق معاه، لأنك مهما كنت حريص ، ففى بداية تعلم القيادة لا تتحكم التحكم الكامل فى السيارة وبالتالى لابد من حدوث مواقف، ربنا يبعدك عن كل شر ، لكن الحرص مطلوب ، واستمع لرأى الخبرة وربنا يوفقك

اقتباس:

---

المشاركة الأصلية كتبت بواسطة virus2007

حنقلك خبرتى ...

اولا : بما انك لسة مش بتعرف تسوق يبقى متجيش عربية جديدة ... انصحك تجيب عربية مستعملة بسعر معقول تتعلم عليها الاول لفترة لانك بكل تاكيد حتخبطها و تحكها وحتعزل عليها لو عربية جديدة

ثانيا : من راى الافضل جيب اتوماتك على طول وسوق اتوماتك لان دى فى افضل حاجة فى مصر والزحمة خصوصا للراجل زى منتا قلت عشان متتعيبش وكمان اسهل فى السواقة بكتير مدام انتا لسة مبتدا... انا لسة مغير عربيتى الشهر دا لانى تعبت من سواقة المنويل لانى بسافر كتير وبسوق كتير

ثالثا: مين قالك ان الساجا وحشة فى البنزين عشان 1300 !! بالعكس دا هى عشان 1300 مش حتستهلك بنزين كتير !!
الفيرنا استهلكها فى البزنين حلو بردوا مش وحش

رابعا: انا شايف افضل عربية تقدر تشتريها فى رنج السعر دا وتكون مستعملة هى النترا اتوماتك وممكن لانسر بومة اتوماتك

عربيتين ممتازين واعادة بيهم ممتازة وعائليتين تقدر تاخد فيهم عيلة


بالنسبة لحالتك ممكن تشترى عربية بنص التمن دا مثلا فى حدود ال 40 تكون اتوماتك مستعملة تتعلم عليها 6 شهور ل سنة مثلا وبعدين تنقل لحاجة كويسة النقطة دى ترجع ليك وحسب ظروفك


تحياتى ليك وتحت امرك لو محتاج اى معلومات تانية

---

:16::16::16:

فيرنا اتوماتيك ممتازة وسيبك من اى كماليات مش محتاجها فى شوارع وظروف مصر

اقتباس:

---

المشاركة الأصلية كتبت بواسطة virus2007

عشان دايما الناس بتقلق من الاتوماتك فى العربيات الصغيرة وبتخاف من تصليحوا

فدا الى مخلى اعادة بيها اقل من المانويل


احسن ناس تتسال على الاتوماتك هما الناس الى معاهم العربية اتوماتك من 4 او 5 سنين يقلولنا الاخبار اية

---

تمام كده انا كنت فاكر ان فى سبب تانى غير ان الناس فى مصر بتقلق من الاوتو عموما

انا سألت على الاوتو بتاع الفيرنا طلع الفتيس اللى راكب فى الفيرنا هو اللى راكب فىالماتريكس و الالنترا الشكل القديم بتاع 2006

و ما حدش اشتكى منه خالص

هى المشكله فيها ان فراملها مش قد الموتور بتاعها و اونكل غبور غلالها تانى انا دخلت اشوف سعرها على كونتكت لقيت بقى 78750 حنيه ابن الحلال عمال يغل فيها مش عارف على ايه دى كانت ب 75000 جنيه فى شهر 10 اللى فات

حاجه تخنق العربيه معقوله فى فئتها بس الباشا عمال يغلى فيها بدرجه مستفزه و يصراحه هى ما تستاهلش يعنى

ده خلى الفيرنا الاوتو ستار تعدى ال 80 الف

حسبى الله و نعم الوكيل

اقتباس:

---

المشاركة الأصلية كتبت بواسطة raedegypt

فيرنا اتوماتيك ممتازة وسيبك من اى كماليات مش محتاجها فى شوارع وظروف مصر

---

هى فعلا زى ما انت قلت فيرنا اوتو ممتازه بس ايه هى بقى الكماليات اللى انت مش محتاجها فى شوارع مصر

شوف انا رأيى ان اى عربيه لازم تكون فيها وسائل امان

يعنى مثلا صاج كويس وسائل حمايه للمقصوره فرامل قويه و ايه بى اس معاها و ايرباج للراكبين الامامين

طبعا كل الحاجات دى مش موجوده فى الفيرنا بس موجوده فى الساجا و لكن من وجهه نظر اخرى

الفيرنا تكسب فى الانتشار الواسع - سعر اعاده البيع الجيد - استهلاك البنزين المعقول فى فئه ال 1600
قطع غيار رخيصه و فى اى حته و مراكز خدمه و ميكانيكيه كتير بيفهموا فيها
+ اداء و تسارع عالى و تكييف ممتاز
ولا تنسى اهم شىء ان العربيه اثبتت اعتماديه رائعه فى السوق المصرى من 2004 و مافيش مشاكل كارثيه فى السياره + ان الفيتس الاوتو اللى راكب فيها راكب فى عربيه ب 103 الف و هى الماتريكس و برضه اثبت اعتماديه
يعنى انت بتشترى و انت مطمن ان مافيش اى مفاجأتات غير ساره

اقتباس:

---

المشاركة الأصلية كتبت بواسطة hanyemad123

تمام كده انا كنت فاكر ان فى سبب تانى غير ان الناس فى مصر بتقلق من الاوتو عموما

انا سألت على الاوتو بتاع الفيرنا طلع الفتيس اللى راكب فى الفيرنا هو اللى راكب فىالماتريكس و الالنترا الشكل القديم بتاع 2006

و ما حدش اشتكى منه خالص

هى المشكله فيها ان فراملها مش قد الموتور بتاعها و اونكل غبور غلالها تانى انا دخلت اشوف سعرها على كونتكت لقيت بقى 78750 حنيه ابن الحلال عمال يغل فيها مش عارف على ايه دى كانت ب 75000 جنيه فى شهر 10 اللى فات

حاجه تخنق العربيه معقوله فى فئتها بس الباشا عمال يغلى فيها بدرجه مستفزه و يصراحه هى ما تستاهلش يعنى

ده خلى الفيرنا الاوتو ستار تعدى ال 80 الف

حسبى الله و نعم الوكيل

---

طيب مدام سالت توكل على الله وجبها العربية فى فئتها هى الافضل من وجهة نظرى ..

بلاش تاخد الاسعار من كونتاكت كار بحسوا بيغلى شوية انزل بنفسك واسال عشان تاخد الاسعار المظبوطة بالكماليات الى حضرتك عاوزها

بالتوفيق ان شاء الله وقلنا عملت اية فى الاخر :)

اقتباس:

---

المشاركة الأصلية كتبت بواسطة virus2007

طيب مدام سالت توكل على الله وجبها العربية فى فئتها هى الافضل من وجهة نظرى ..

بلاش تاخد الاسعار من كونتاكت كار بحسوا بيغلى شوية انزل بنفسك واسال عشان تاخد الاسعار المظبوطة بالكماليات الى حضرتك عاوزها

بالتوفيق ان شاء الله وقلنا عملت اية فى الاخر :)

---

هو بصراحه انا لسه ما استقرتش على العربيه اللى حجبيها كل شويه على موديل شكل مره فيرنا و مره ساجا و مره صنى و مره ريو

انا دماغى بقت عامله زى صنييه الكنافه اللى محشيه طرشى من كتر التفكير :majd(4):

طبعا انا عارف ان الواحد اول حاجه بتحكمه الميزانيه

بس انا شايف لو الفرق يستاهل ممكن الواحد يقرص على نفسه او يستنى شويه لما يقدر يجيب الفرق

يعنى مثلا شوف الفرق بين الفيرنا و بين الصنى فى السعر حوالى 16250 حنيه

الفرق ده بقى بتأخد بيه صاج اقوى و سائل امان و حمايه للكابينه ايرباج و ايه بى اس موثور و فتيس يابانى احسن من الكورى و توكيل و خدمه ما بعد البيع احسن من اونكل غبور و طبعا اعتماديه الصنى اعلى من الفيرنا

فى المقابل حتلاقى الفيرنا احسن من الصنى اتعم و اسرع فى السحب و الفرش واحد بس الكنبه اللى ورا احسن من الصنى و طبعا قطع غيار ارخص من الصنى و هكذا يا ريسنا

فالواحد مش عارف يقرر و كمان السوق شادد اوى اليومين دول فى الاسعار و موديل 2012 على الابواب

اقتباس:

---

المشاركة الأصلية كتبت بواسطة hanyemad123

هو بصراحه انا لسه ما استقرتش على العربيه اللى حجبيها كل شويه على موديل شكل مره فيرنا و مره ساجا و مره صنى و مره ريو

انا دماغى بقت عامله زى صنييه الكنافه اللى محشيه طرشى من كتر التفكير :majd(4):

طبعا انا عارف ان الواحد اول حاجه بتحكمه الميزانيه

بس انا شايف لو الفرق يستاهل ممكن الواحد يقرص على نفسه او يستنى شويه لما يقدر يجيب الفرق

يعنى مثلا شوف الفرق بين الفيرنا و بين الصنى فى السعر حوالى 16250 حنيه

الفرق ده بقى بتأخد بيه صاج اقوى و سائل امان و حمايه للكابينه ايرباج و ايه بى اس موثور و فتيس يابانى احسن من الكورى و توكيل و خدمه ما بعد البيع احسن من اونكل غبور و طبعا اعتماديه الصنى اعلى من الفيرنا

فى المقابل حتلاقى الفيرنا احسن من الصنى اتعم و اسرع فى السحب و الفرش واحد بس الكنبه اللى ورا احسن من الصنى و طبعا قطع غيار ارخص من الصنى و هكذا يا ريسنا

فالواحد مش عارف يقرر و كمان السوق شادد اوى اليومين دول فى الاسعار و موديل 2012 على الابواب

---

عاوز اقلك على حاجة ... انك كل متيجى تاخد قرار فى عربية حتقول طب منا ممكن ازود شوية واجيب الى بعديها وحتفضل فى اللوب دى لحد متتعب


اولا: زى مقلتلك انتا لسة حتتعلم السواقة على اول عربية ... ديما اول عربية بتبقى حقل تجارب لاول حد يسوق صدقنى لو جبت عربية بملغ كبير وعربية كويسة حتزعل عليها اوى ..

ثانيا: انا بفضل تجيب عربية صغيرة الاول كحجم عشان تبقى سهلة فى التحكم فيها والركن ويكون كل الميكانيكية فاهمين فيها وقطع غيرها فى كل مكان عشان اكيد حتحتاج دا

من راى حاول تجيب العربية الى فى امكانياتك دلوقتى وتتعلم عليها كويس وبعدين لما ربنا يكرمك بيع العربية دى وجيب عربية افضل تكون اتعلمت افضل وعرفت يعنى اية سواقة فى مصر :)



اتمنى ليك الافضل ... تحياتى

بالنسبة لنقطة عربيات 2012

نصيحة متجبش عربية جديدة الا لما يعدى عليها فترة بحيث تشوف راى الناس فيها ... خاصة كمان ان دى حتبقى اول عربية ليك فممكن يبقى فيها مشاكل وتتعب معاها

ثانيا اسعار 2012 انا شايفها مولعة حتة للعربيات التعبانة !!

مش عارف بصراحة اسعار العربيات رايحة لفين الايام دى

اقتباس:

---

المشاركة الأصلية كتبت بواسطة virus2007

عاوز اقلك على حاجة ... انك كل متيجى تاخد قرار فى عربية حتقول طب منا ممكن ازود شوية واجيب الى بعديها وحتفضل فى اللوب دى لحد متتعب
[OVERLINE]

تمام كلامك علشان كده حتلاقنى بتكلم فى حدود ال 20 % فرق فى السعر و هل الفرق يستاهل ولا مش


اولا: زى مقلتلك انتا لسة حتتعلم السواقة على اول عربية ... ديما اول عربية بتبقى حقل تجارب لاول حد يسوق صدقنى لو جبت عربية بملغ كبير وعربية كويسة حتزعل عليها اوى ..

انا مش صاحب الموضوع بس انا بسوق بقالى 4 سنين بس هو طبعا عندك حق كل ما المبلغ يكون اعلى قلبك حيقطع عليها اكتر

ثانيا: انا بفضل تجيب عربية صغيرة الاول كحجم عشان تبقى سهلة فى التحكم فيها والركن ويكون كل الميكانيكية فاهمين فيها وقطع غيرها فى كل مكان عشان اكيد حتحتاج دا

كلامك مضبوط الفيرنا عربيه compacted family car تنفع واحد متجوز و معاه2 و مشاويره شغل فى داخل البلد و سفر كل شهر مره انما لو سفر على طول العربيه فى السرعات فوق ال 115 مش ثابته و عن تجربه دا غير الفرامل اللى زى الحلاوه

من راى حاول تجيب العربية الى فى امكانياتك دلوقتى وتتعلم عليها كويس وبعدين لما ربنا يكرمك بيع العربية دى وجيب عربية افضل تكون اتعلمت افضل وعرفت يعنى اية سواقة فى مصر :)

انا اتعلمت الحمد لله على عربيه الوالد موديل 84 و عندك حق 100 % اللى مابيعرفش يسوق لازم يتمرس السواقه على قديم و بعد كده الجديد

اتمنى ليك الافضل ... تحياتى

---

و لك مثله

اقتباس:

---

المشاركة الأصلية كتبت بواسطة virus2007

بالنسبة لنقطة عربيات 2012

نصيحة متجبش عربية جديدة الا لما يعدى عليها فترة بحيث تشوف راى الناس فيها ... خاصة كمان ان دى حتبقى اول عربية ليك فممكن يبقى فيها مشاكل وتتعب معاها

تمام ياريس كلامك مضبوط بالنسبه للفيرنا ف موديل 2012 نفسه اللى فات و برضه الصنى شرحه و الاكسنت شرحه الوحيده اللى حتتغير الريو

ثانيا اسعار 2012 انا شايفها مولعة حتة للعربيات التعبانة !!

الاسعار كلها شاده و عامله نزيد اكن سوق العربيات فى مصر حيختفى و اللى حيشرى عربيه بعد كده حيحبسوه

مش عارف بصراحة اسعار العربيات رايحة لفين الايام دى

---

و انا كمان و ده سبب ادعى مخلينى مستنى اصلا الجو قلق اوى و الواحد متوجس خيفه

هو الاخ صاحب الموضوع فين يا جماعه

اقتباس:

---

المشاركة الأصلية كتبت بواسطة hanyemad123

هو الاخ صاحب الموضوع فين يا جماعه

---

انا متأسف و الله عندي امتحانات و بخش كل فيين و فيين!!
عموما انا قريت الردود على السريع كدة بس حاسس انو الموضوع اتغير مساره للفيرنا و انا بصراحة مش حابب العربية دي!!
بالنسبة ليا انا تقريبا استقريت على الساجا و ههجيبها إن شاء الله بعد الامتحانات..
ربنا يسهل الأمور ولو حد عنده {اي تاني ياريت يقول!!

تحياتي