زينون للساجا

**msorour** · 17-06-2011 05:02 AM

ياترى يا سيجاوية حد منكم ركب زينون فى الفوجات او فى العالى والواطى او الاتنين معا ياريت اللى مر بالتجربة دى وركب فعلا يقولنا عمل اية وفين وبكام علشان انا دايخ بقالى 15 يوم ركبت فى الفوجات وكل اما اركب فى العالى والواطى بيعمل ايرور فى طقم زراير الكونسولة اللى فية الانتظار والسبورة وخلافة........... المهم بشيل كابل من البطارية ويرجع تانى المهم اشيل الزينون الموضوع يبقى طبيعى ارجع اقول اركبه ولما اركبة يرجع يهيس تانى عمالت كدة اكتر من مرة علما بان كل مرة بركب زينون مختلف عن اللى قبله مش هوة الاول يعنى وباردو روحت لكذا صنايعى لما هتجنن خلاص ياريت تساعدونى شكرا واسف على الاطالة

**spiderloking** · 17-06-2011 05:06 AM

بيركبوه في التوكيل بس اعتقد لازم تكون جايبوا من عندهم الفوجات ب 500 جنيه تقريبا و العالي و الواطي ب حوالي 890 تقريبا كنت سألت عليهم من فتره و ضمان سنه

**sayed911** · 17-06-2011 02:26 PM

هيا ميزة التوكيل انه ها يبقى اللعب في الضفيرة على مسؤوليتهم همة وانتا ملكش فيه !! ولكن انا شايف الفوجات توزيعها كويس جدا على الطريق خليك في الواطي احسن وسيب العالي زي ما هوة

**msorour** · 18-06-2011 06:50 PM

ياريت لو حد ركب زينون فعلا يخدمنى ويقولى عمل اية

**sayed911** · 18-06-2011 09:31 PM

جرب كده واتصل بالتوكيل واسئل على التكلفة وقولي طلعت كام لو طلعت غالية قوي ها نشوف نظام الفيليبس الأصلي الكامل هنا في مصر في الحرفيين او شارع دمشق يكلفك كام ونشوف النظام ايه ..