الموضوع: عايز جنط 15 بشفة لبولو 2001 الماني او ياباني

المشاركة الأصلية كتبت بواسطة mohamedmmm2

انا بهزر.. هو انا يعنى اعرفك عشان اقوللك يا ظالم ولا غيرة؟؟
ولا لازم الكلام هنا يكون قفش
بص حضرتك لا انت تعرفنى ولا انا اعرفك عشان تاخد اقتباس من كلامى اللى كاتبه وترد عليا الرد اللى انت رديته وبعدين حضرتك تقولى بهرج
وكمان مافيش عربيه عمرها نزلت بجنوط 16 على كاوتش 185 ولو فيه قوللى ابوس ايدك عشان اعمل ريفريش لمعلوماتى.. وياريت فعلا ترد عيا وتقوللى ايه العربيه دى
حضرتك انا مقولتش ان فى عربيه بتنزل بالمقاس دا عشان يبقى دا هو وجه الخلاف
انا رديت على واحد بيسأل فى المقاسات اللى تصلح لعربيه ومتعملش فرق لا فى عداد السرعه ولا فى تأثير على العفشه ولا فرق فى استهلاك بنزين واتكلمت بسند اللى هو لينك لحساب معدلات الفروق بين المقاسات يعنى مكنتش بفتى ولا بجيب حاجه من دماغى
السيراتو جنط 16 كاوتش 205 والميجان نفس الموضوع والجيتا نفس الكلام وكل الباقى نفس الكلام
انا مش بفتى ولا بحب افتى بس كلامك لازم يكون منطقى والكلام من اللى بقوللك ممكن اى حد يتاكد منه من اى عربيه فى الشارع..
كلامى انا قلته بناء على اساس علمى مش على اساس منطق ارجع للينك واحسبها وشوف الزميل الفاضل كان بيسأل فى ايه وبعدين تعالى نتناقش
ويا باشا معلش يعنى مش انت بس اللى بتفهم فى الكون والرد لازم يكون فى حدود.. والهزار مايزعلش طالما ماعديتش حدودى والناس الموجودين هما اللى يحكموا اذا كان كلامى خارج عن الحدود ولا انت اللى مكبر الموضوع
لا طبعا مش انا بس اللى بفهم فى الكون ومدعيتش دا ولا قلت كدا لكن الحمد لله كلامى على اساس مش من دماغى او حسب المنطق او حسب اهوائى الشخصيه
اما موضوع الهزار فانا رديت على حضرتك فوق ومتجيش حضرتك لا تعرفنى ولا اعرفك ولا فيه سبق تعامل عشان تقولى بهزر معاك وبيتهيئلى كونك توجهلى كلمة ظالم وتحرم عليا الدنيا بكلمه حرام عليك دى خارجه عن الحدود وانا مبكبرش موضيع ولا حاجه لأنه لا من اسلوبى ولا طريقتى فى حياتى ولا بيتى ولا شغلى ولا تعاملى مع اصدقائى وزملائى فى العمل او خارجه

المشاركة الأصلية كتبت بواسطة memo823000

ما الفرق مابين المقاسين دول من حيث الافضل للعافشه
15/45/195
ولا
15/55/185

الحاجه الثانيه
لو مقاس العربيه الفبريكه نازل 15/55/185
يبقى الافضل بالنسبالى لو حبيت اغير المقاس

16/55/185
ولا
16/50/185
ولا
15/55/195

هل المقاس 15/55/195 بساوى نفس تاثير المقاس 16/55/185 على العافشه

انا عربيتى افيو5 اتوماتيك 2009

هنا العضو سأل

المشاركة الأصلية كتبت بواسطة m.mostafa80

الأنسبلك 185-50-16
والأنسب وأنسب 195-45-16
ولو عايز نفس الجنط ال 15
205-50-15
ودا لينك عيش حياتك فى وظبط مقاساتك براحتك
والمفروض الفرق لا يزيد او ينقص عن 2.5
tyre size calculator - changing tyres - etyres

وهنا انا رديت عليه وبدليل علمى للحساب وهو لينك لحساب الفروق بين الأطارات وبعضها

المشاركة الأصلية كتبت بواسطة mohamedmmm2

كل ماتكبر حجم الجنط دة بياثر على العفشه..
وكمان فيه حد يركب كاوتش 185 على جنط 16 يا ظلمه.. حرام عليكم

وهنا حضرتك رديت

المشاركة الأصلية كتبت بواسطة m.mostafa80

قبل ما تدى نفسك الحق للحكم على الناس بانهم ظلمه وتحرم عليهم عيشتهم
ارجع للينك اللى فى المشاركه وشوف نتايج المقاسات ومقارنتها ومش دا الأسلوب اللى نتكلم بيه مع بعض دا جزء اما الجزء التانى فا مش عشان الشكل مش هيعجب حضرتك يبقى ان ال 185 غير صحيح انو يركب على الجنط ال 16 راجع نفسك قبل كتابه الردود

ودا كان ردى عليك

المشاركة الأصلية كتبت بواسطة m.mostafa80

كل مازاد وزن الجنط وعرضه وليس حجمه كل ما أثر على العفشه راجع معلوماتك

المشاركة الأصلية كتبت بواسطة mohamedmmm2

انا مابعتلكش انت بشكل خاص انا بعتت عامه وانت رديت عليا بشكل خاص وانا خدت اقتباس ردا عليك لتعليقك على كلامى ليس اكثر.. دة اولا
ثانيا روح لاى حد بتاع كاوتش او معرض بيع كاوتش.. او حاجه زى ادريان او ميشلان او اى مهندس سيارات و اساله على المنطق دة وشوف ردة هايكون ايه؟؟
ثالثا الاساس العلمى دة تفتكر شركات السيارات العالميه وهما بيركبوا المقاس المظبوط للعربيه غفلت عنهم الحكايه دة..
ولو انت هاتحسبها يبقى انت لازم تدخل فى الحسبه وزن العربيه وابعادها.. هى مش حسابات وخلاص
رابعا عرض الكاوتش مابياثرش ومالوش اى علاقه بالعفشه لا من قريب ولا من بعيد يعنى ال 185 زى ال 195 زى ال 165
هى تفرق فى الطول يعنى 70 افضل من 60 افضل من 55 على العفشه فقط

بيتهيئلى فى نفس الأقتباسات موجود لينك لشركه مصنعه بيحسيبلك فروق الكاوتش يعنى مش بتاع الكاوتش ولا معرض البيع اللى هيصححلى معلوماتى وانا واخدها من مصنع مش من شخص كل همه البيع وبتكلم على مصر

المشاركة الأصلية كتبت بواسطة mohamedmmm2

ياظلمه حرام عليكم يعنى اتهمتنا بالظلم وحرمت الدنيا علينا انت بتنسى كلامك ولا ايه
واظن ان دة كان رد مبالغ فيه.. وبالذات حرمت الدنيا علينا

والله لو انا مبالغ الناس ترد بقى وانا مش هرد تانى

السلام عليكم ورحمة الله وبركاتة
الآول: الاستاذ المحترم الى قال ظلمة وكدا ادبت نفسك الحق تحرم العيشة على الناس باردو من ناحية المنطق والهزار باردو واعتقد المنتدى مفتوح للاراء الناس الى بتفيد عن طريق التجربة والكلام الى بيطلع من الشركة على اى عربية يعنى الانسب من الطرق العلمية والعملية فالا الشركة ماكانتش كتبت تفاصيل المقاسات فى الكتالوج
ثانيا : انا شايف ان محمد مصطفى بيتكلم ويفيد الناس بالمعلومات الى عندو ولو معنهدوش معلومة يقولك اسال فلان بس مش هايقووول لا جرب وشوف
ثالثا وأخيرا : انا شايف ان الموضوع مفهوش نفسنة وانا قولت وانت قولت والى استفاد خلاص استفاد وعشان كدا بلاش نتكلم تانى بعد أذنكم