الموضوع: ليه مفيش صحف 'محترمة'

المشاركة الأصلية كتبت بواسطة AngelicCore

تشوف أي موضوع أو تكلم أي حد يقولك
الإعلام الصهيوني الأمريكي الشيعي الماسوني وكله متفق على إن الإعلام ده غير منصف
تقول لواحد الاهرام يقولك سرايا وقبله نافع
الأخبار القط
جمهورية سمير رجب
اليوم الساقع فتاي
مصراوي والمصري اليوم ساويرس
والوفد والفجر الخ


يعني أنا عن نفسي الصراحة مقاطع الحكومية الاهرام/الأخبار/الجمهورية من مش أقل من 5 سنين ولو شفت فيها خبر بالصدفة على جثتي إني اصدقه.
قبل الثورة كان الجورنال الوحيد اللي اقراه واصدقه نوعا ماالمصري اليوم
يمكن عشان ساعتها كل الناس عندها هدف واحد
بعد الثورة بدأت ابعد عن المصري اليوم واحدة واحدة من تحيز واضح في مواضيع المسلمين والاقباط وغيره
فـالواحد ما بقاش بيقرا جرايد أساسا
لو عايز خبر معيَّن تدخل تقراه في 5 موقع اجنبية ومحلية عشان تتأكد منه
+++++++9999999999

فـأنا كان بيدور في بالي بقالي فترة تساؤل ليه مفيش اعلام محايد - أصل أكيد حيبقى عليه طلب
مافيش لعدة أسباب:-

1- مافيش ألية بالدولة لتوفير مصادر معلومات وتكون مسؤلة 100%عن أي خبر يصدر من مؤسسات الدولة ويتم محاسبة المتجاوز بناء على صحة أو فبركة الخبر وبالتالي التكتيم يؤدي للفبركة مع حسن النية بكاتب الخبر أنه لايريد توجيه الرئي العام لأتجاه يصب في مصالحه
في الغرب بقه بيعملو حاجة أظرف يسربو الخبر ألي على مزاجهم وبالطريقة ألي تأثر برضه في صالحهم

2-الهدف من أنشاء وسائل الأعلام في دول العام أجمع:-
-ربح مباشر من التوزيع(لايمثل نسبة فعالة) والأهم الأعلانات
-دعاية مباشرة لأصحاب رأس المال(بيزنس مان) أرخصلهم من عمل دعاية في وسائل أعلام تانية
-النفوذ الفكري السياسي وياسلام لو في دولة زي مصر الفساد مستشري فيها والقوانين بالدولة تطبخ مخصوص للمتنفذين السياسيين

هل مثلا ماحدش معاه فلوس يعمل جريدة يومية ذات مصداقية؟ أشك
ولا عشان يبقى عندنا الحجة جاهزة في أي موضوع إن الاعلام متحيز؟
ولو المصري اليوم صحيفة "علمانية"
ليه مفيش صحيفة "إسلامية" بمعنى تتحيز للمسلم بس ماتستعبطوش
لأن الحرب كانت شرسة على كل ماهو أسلامي وكان مين هايسمحلهم بأفتتاح جريدة!
مش حقول تبقى محايدة عشان ده شبه مستحيل

الخلاصة الأعلام ماهو ألا وسائل سيطرة على الفكر أخطر من أعتى الجيوش المحتلة

فيه جريدة أفاق عربية مش عارف لسه بتصدر في مصر ولا لأ

لكنها كانت متميزه ومهنية بشدة

وفيه جريدة الشعب أكيد هتنزل تاني إن لم تكن صدرت بالفعل ( أنا بالخارج حليا للأسف )

وفيه قناة 25 يناير اللي هيصدرها حزب الحرية والعدالة ومش عارف إتأخروا ليه - بس أكيد لازم إعداد جيد علشان تطلع قناة مشرفة وخصوصا إن المتربصين لا عدد لهم

يبقى تضيف عليهم قانون صارم يطبق على من يتجاوز أداب المهنة بالتلفبق أو التحوير للخبر ومعروف أن أي صحفي أو أعلامي بيبقى معاه أثباتات لصحة الخبر زي تسجيل صوتي للمقابلة
ليه ماعملوش جرائد أو قنوات خاصة للتيارات الأسلامية ؟
أعتقد مسألة أولويات بمعنى الأخوان المسلمين كتيار سياسي أسلامي في وضع منظم وقوي أحتياجه للدعاية في الوقت الحالي ليس بنفس قوة الأحتياج من التيارات العلمانية والليبرالية المنافسة بالأضافة أنهم بينافسوهم على قنواتهم(أرضهم)
بالنسبة لوكالات الأنباء عندك معلومة أن فكرة وكالات الأنباء هي يهودية بالأساس؟
وأسلوب السيطرة على الفكر بوسائل الأعلام فكرة يهودية في المقام الأول وبيستعملوها بقوة ومن أسباب توغلهم وسيطرتهم على القرار الأمريكي بقوة لايستهان بها