الحمد لله غيرت لزيت كاسترول ال gtx

**ehabomar1987** · 17-06-2011 10:17 AM

بسم الله الرحمن الرحيم
انا عربيتى الحمد لله جوليت 1 مو 2000
الاربعاء اللى فات الحمد لله غيرت لزيت كاسترول ال gtx
اشتريته من عند الفاخورى اللى فى اول شارع الاربعين اللى عند حديقه بدر اللى فى جسر السويس
كان عنده نوعين من ال gtx المصرى و الاماراتى
قالى المصرى بيعمل 3000 ك و كان سعره 65 و شكله نفس شكل الاماراتى بس الغطاء بتاعه لونه احمر و مكتوب عليه من ورا تعبئه جمهورية مصر العربية
و قالى الاماراتى بيعمل 5000 ك و كان سعره 120 بس الغطاء بتاعه لونه ابيض و مكتوب عليه من ورا تعبئه الامارات
و هو ال 2 نفس لون الجركن ابيض بس باختلاف لون الغطاء المصرى :: احمر و الاماراتى :: ابيض
انا الحمد لله غيرت لللاماراتى و غيرت معاه فلتر الزيت بس بعد ما غيرت حاسس ان الموتور بقى ملوش صوت و انا كنت حاطط شل الاصفر بس صوت الموتور كان عالى و الزيت كان نازل اسود مع انى كنت عامل بيه 3000 ك بس
انا طبعاا لسه محكمتش على كاسترول ال gtx لانى لسه ممشتش بالعربية و انا ان شاء الله هانزله على ال 3000 ك
وخلال الفتره ديه ان شاء الله هانقلكم اول باول تجربتى مع الكاسترول ال gtx ايه اخباره
بس و انا بغيره عند الميكانيكى بتاعى هو على العموم شغال فى التوكيل قالى ان لزوجت الزيت بتاع الكاسترول هو المطلوب للموتور و مكانش مستغرب لما شافه اكنه شافه كتير قبل كده و شكرلى فيه
ناسف على الاطاله عليكم

**beshomilan** · 17-06-2011 11:51 AM

اول ماتحط الزيت بتكون العربية تحفة وهادية جداااااا
بعد كده
بتبان كل حاجة على حقيقتها
وانا بستعمل شل الاصفر وهو كويس بس المرة الجايه هستعمل كاسترول زى حضرتك يمكن يكون افضل

**amado318** · 17-06-2011 02:52 PM

فى انتظار بقيه التجربه علشان نستفاد

**MoMohsen** · 17-06-2011 03:02 PM

حد يعرف موزع ليهم او محل زيت مضمون بيبيعه بس بكون فى مدينة نصر

**ehabomar1987** · 19-06-2011 02:21 PM

انا لحد دولقتى عملت بالعربية بعد تغير الزيت حوالى 50 ك
مشوار فيهم كنت مستعجل و مستنتش ان العربية تسخن و لاحظت حاجه ان لما كنت بعمل الحركة ديه مع زيت شل او زيت موبيل ال 3000 ك كان ال rpm يقعد يعلى و ينزل اكن حد بيدوس على البنزين لحد مالعربية تسخن و بعد كده تروح خالص انما مع زيت كاسترول محصلتش
المشاوير التانية مرواح الشغل و اول لما ادور صوت الموتور عالي و بعد كده يهدى خالص و يفضل طول الطريق هادى حتى لو الشارع كان زحمه و ماشى على الاول و التانى بس و صوت الموتور على الاول لما اجى اطلع هادى مش عالى مع شل الاصفر كان بقى صوت الموتور عالى حتى و انا واقف و العربية مموره
و ان شاء الله هابقى اكتب كل حاجه بعد حوالى كل 50 ل 100 ك

**ehabomar1987** · 22-06-2011 07:04 PM

انهارده و صلت بالعربيه عامله 150 ك من ساعت تغير الزيت الحمد لله لسه العربيه صوتها هادى و مفيش جديد بس نسيت ابص على لون الزيت فى المقاس بتاع الزيت لان لما كنت بشوف المقاس و انا حاطط الشل الاصفر كان بيبان عليه انه اسود انما لما غيرت لكاسترول ال gtx اول مره بعد التغير لاقيت لون الزيت على المقاس شفاف

و ياريت لو حد تانى غير لكاسترول ينقلنا خبرته عن الزيت و رايه الشخصى عنه او لو فيه اى انواع تانيه افضل
و شكراا

**mahmoudysf** · 23-06-2011 02:36 AM

على تغيير لون الزيت الى اللون الغامق مش معناه ان الزيت سيئ
والعكس مش معنى ان الزيت مغيرش لونة انو جيد
اهم حاجة احتفاظ الزيت بلزوجته وخواصة في جميع ظروف التشغيل

**samyomar** · 24-06-2011 04:11 AM

المشاركة الأصلية كتبت بواسطة mahmoudysf

على تغيير لون الزيت الى اللون الغامق مش معناه ان الزيت سيئ
والعكس مش معنى ان الزيت مغيرش لونة انو جيد
اهم حاجة احتفاظ الزيت بلزوجته وخواصة في جميع ظروف التشغيل

+++++++++++++++111111111111111111111111111
كلام سليم جدا . انا اعرف ان الزيت لما لونه ميتغيرش بعد فتره ده معناه انه لا يقوم بوظيفته بشكل جيد
اعتقد ان الفيصل فى اداء الزيت هو درجة لزوجته و ليس لونه

**hossampg** · 24-06-2011 10:40 AM

زيت رائع فعلا خصوصا الاماراتى

ممكن تشتريه من محطات taqa

**Haitham10** · 09-07-2011 04:53 AM

فهموني الفرق
لان انا شفت الجركنين بس في واحد مكتوب عليه high miles تقريبا وغطاه احمر

وواحد من غير الكلمة وغطاه ابيض غير كدة هما هما ونفس درجة اللزوجة

الموضوع: الحمد لله غيرت لزيت كاسترول ال gtx

LinkBack

أدوات الموضوع

عرض

-

-

-

-

المواضيع المتشابهه

عايز موزع لزيت كاسترول فاتح النهاردة

غيرت لزيت كاسترول ايدج

غيرت لزيت ليكوي مولي

تغيير لزيت كاسترول ايدج سبورت

امبارح غيرت لزيت شيل الترا

الكلمات الدلالية لهذا الموضوع

المفضلات

المفضلات

ضوابط المشاركة