الموضوع: ديموقراطية الرأى الواحد

سلام عليكم

انا مش عارف ابدأ منين بس كل اللى عاوز اقوله انا متضايق للحال اللى بعض الناس وصلوا ليه .. واللى بيتلخص فى العنوان اللى وضعته للموضوع.

اولا بعض الناس بقت متحيزة لدرجة لا توصف يعنى متحيز لمرشح معين مثلا لدرجة تحسسك انه شوية واستغفر الله العظيم هيعبده .. كل دا واحنا لسه ما شوفناش اى برنامج انتخابى لأى مرشح اصلا يبقا التحيز دا على اى اساس اصلا مش عارف.

ثانيا الإسلامفوبيا انتشرت اوى لدرجة انه الناس بقت بتتريق على دينها وهى مش واخدة بالها ودا اللى فيه ناس عاوزانا نوصله .. يعنى تلاقى تعليقات زى ما تكلمنيش بكلام الجوامع ولا انت ناقص شوية وتلبس جلبية وتربى دقنك وهكذا وكأن التدين بقا شئ يتخاف منه والمفروض اننا بقا نبتعد عن الدين عشان نعرف نكلم بعض .. وطبعا دا مش من فراغ ولكن برضو بسبب اللى بيشوهوا صورة الدين بكلامهم الغير متزن..


ثالثا بقا مترسخ فى اذهان كتير من الناس انه مفيش اعداء لمصر غير الفلول وبالتالى بقت فكرة انه يتقبض على جاسوس حتى لو حقيقة او فبركة فهى مرفوضة اصلا واى حد هيقول دا فى عدو غير الفلول يبقا دا بيحاول يشوه الثورة.

رابعا ثقافة الأختلاف تقريبا شبه معدومة عند بعض الناس ومعنى انك تختلف معاه يبقا هتدخل فى سياسة التخوين او التريقة او الأستفزاز من تحت لتحت.


انا بس بتكلم على الحاجات اللى مضايقانى من الفكر اللى وصل بيه بعض الناس كنت الأول بتكلم واتناقش ولكن بلاقى تحيز وتريقة فحاليا فضلت الصمت .. لكن هل دا معناه انه اللى كان بيتعمل فينا لمدة 30 سنة هنبتدى نعمله احنا !

المشاركة الأصلية كتبت بواسطة تامر.محمد

اسكت يا راجل
ده تقريبا الاحزاب الليبرالية هاتضم الفلول
:))))))

ههههههه على خيرة الله
على فكرة توقيعك جامد

المشاركة الأصلية كتبت بواسطة otefa

اولا بعض الناس بقت متحيزة لدرجة لا توصف يعنى متحيز لمرشح معين مثلا لدرجة تحسسك انه شوية واستغفر الله العظيم هيعبده .. كل دا واحنا لسه ما شوفناش اى برنامج انتخابى لأى مرشح اصلا يبقا التحيز دا على اى اساس اصلا مش عارف.

ثانيا الإسلامفوبيا انتشرت اوى لدرجة انه الناس بقت بتتريق على دينها وهى مش واخدة بالها ودا اللى فيه ناس عاوزانا نوصله .. يعنى تلاقى تعليقات زى ما تكلمنيش بكلام الجوامع ولا انت ناقص شوية وتلبس جلبية وتربى دقنك وهكذا وكأن التدين بقا شئ يتخاف منه والمفروض اننا بقا نبتعد عن الدين عشان نعرف نكلم بعض .. وطبعا دا مش من فراغ ولكن برضو بسبب اللى بيشوهوا صورة الدين بكلامهم الغير متزن..))
---------
عندك حق في كل كلمة والمسلم ألي مش عارف عظمة دينه والمؤامرات المحاكة ضده قديما وحديثا والى يوم الدين
وأن مازال فيه بعض الوجوه مشكوك في توجهاتها كعملاء للغرب يساهمون عن علم أو غير علم في أنبطاحنا للعالم الغربي والكيان الصهيوني بالتبعية
يشوفوا الموضوع ده بالكامل(وشهد شاهد من أهلها)
تحياتي

http://www.nilemotors.net/nile/22452...-part-1-a.html

منا بتكلم فى كدا الناس قعدت تتريق على موضوع التدين لحد ما قلب جد .. على سبيل المثال كان فى سؤال على الفيسبوك بيقول هل تحلم ان مصر تتحكم بالشريعة والمفاجأة انه لقيت بعض اصدقائى المسلمين بيقولوا لأ !!!

شكرا على اللينك يا باشا هشوفه إن شاء الله