تركب موتور ال 127 برضو مفيش أسهل من كدة
بالنسبة لموضوع التعديل مش عارف أفيدك بصراحة
عرض للطباعة
تركب موتور ال 127 برضو مفيش أسهل من كدة
بالنسبة لموضوع التعديل مش عارف أفيدك بصراحة
انا اقصد انه انسب موتور للعربية يركب من غير تعديلات
وهل بيجى بالفتيس بتاعه يكون احسن والتكلفه ممكن تكون قد ايه ؟
يعنى انا سمعت انه فيه موتورها المانى 1100cc
وفيه موتور الأونو ...ميش عارف انه الأفضل للعربية
برجاء المساعدة
والف شكر مقدما
يعنى احسن موتور يركب بتاع الأونو 1000 cc
طيب هل بيجى بالفتيس بتاعه وبيعمل كام ؟
وهل ميش حيحتاج اى تعديلات...يعنى نشيل ونركب
والمصنعية تقريبا اد ايه ؟
علشان انا شوفت المر من الصنايعية
على فكرة بتوع قطع الغيار الاستيراد بيبقى عارفين الموضوع ده كويس قوى ايه يركب على ايه وتعدل ايه اسال بتوع الفيات
من غير تعديل ولا حاجة فية ماتور 1100 cc اصلا بتاع 127 بسير كاتينا مش جنزير هوا هواه ماتور 127 ال 900cc بالظبط وبيركب علي نفس قواعد الماتور القديم
موتور الستيرااااااااااااااااااا اااد و اياك و العمره
الخامات اللى فى السوووق كلها وحشه و رديئه اخر حاجه
كان معايا 27 فيورا و عملت عمره كامله و للاسف الموتور طلع زى الزفت
نصيحه ريح دماااااغك و هات موتور استيرااااااااااد
و الله الموفق
يا أخى كأنك بتحكى اللى حصل معايا بالظبط فى الـ 127 .. تزييت البوجيهات .. دخنة بيضا .. وكمان خصوصاً موضوع قياس الزيت ، تقيس تلاقيه ناقص جداً ، وتغير تلاقي الكمية كويسة ، والموضوع ده كان مجننى، وكمان كان الشكمان دايماً مبلول بالزيت.
الميكانيكى بالكشف الظاهرى قال لى حالة الموتور كويسة ، وهنحله علشان غالباً جلد الصبابات هيبقى هو سبب المشاكل دى كلها ، نغيره ونعمل طقم شمبر بالمرة. .. بس لما حل لقى ان العملية محتاجة مخرطة وتغيير للبساتم بمقاس 30 ، وعملنا كده فعلاً ، وقال لى ان دى مش عمرة كاملة لأن باقى الحاجات كويسة (على ما أتذكر السبيكة وكام حاجة كمان كده) قال عليهم وكانت حالتها كويسة جداً.
أنا استلمت العربية ويادوب مشيت بيها 100 كيلو بعد العمرة وجارى التقييم.
الموضوع كلفنى 1100 جنيه ، منهم 80 مخرطة ، 350 بساتم، 300 مصنعية ، وكمالة الفلوس كانت جوانات وبوجيهات وزيت وعمل حاجة فى اسطوانة الدبرياج.
وجهة نظر الميكانيكى فى موضوع الموتور الاستيراد (وهى وجهة نظر مجروحة طبعاً لأنه صاحب مصلحة) ، كانت ان احدث موديل للـ 127 ، كان فى التمانينات ، فلو جبت موتور استيراد هيبقى عمره أكتر من عشرين سنة وأكيد هيبقى مش كويس.
سؤال بالمناسبة : ازاى أقيم ان العمرة اللى اتعملت ناجحة؟ لأنى مش حاسس بأى فرق من ناحية السواقة.
انا من رأيى تجيب ماتور أونو بالفتيس بتاعه وتحاول تجيب موديل عالى شوية هيبقى احسن طبعا وصوت انعم من بتاع 127
ياريت بقى حد يقولنا هيبقى سعره كام لأنى عاوز اعمل الموضوع دة انا كمان