ايه رأيكم في الاسكودا فليشيا
اتكل علي الله واشتري ولا عندكم احسن منها
واخلع
عرض للطباعة
ايه رأيكم في الاسكودا فليشيا
اتكل علي الله واشتري ولا عندكم احسن منها
واخلع
هو السؤال خطأ ولا ايه ؟؟
لا السؤال مش غلط
انتا حضرتك موضوع انتا عاوز عربيه سكودا فلشيا
طبعا هنا فى القسم هيكون الترشيح للاسكودا طبعا لانى انتا فى بيت سكودا
حضرتك اولا مقولتيش موديل سكودا حالتها ايه
لانها عربيه زيها زى اى عربيه لو كويسه هتريحك لو تعبانه هتتعابك
يعنى ممكن سكودا تيبقى تعبانه و احنا هنا نقولك كويسه
تيجى بقى تدعى علينا
حضرتك تجيبلنا مواصفاتها و احنا نقول راينا على الصح
1- موديل
2- رشه باخارج
3-رشه بالداخل
4-الموتور حالته ايه عمل عمره و له محلش
5-العفشه
6-فيها تكييف و له لا ( علشان تفرق ممكن يكون هلاك الموتور )
7- الصالون
8-حالة العربيه ككل
منتظرين بقى رد سياتك علشان نحكم صح
و ياريت توضح ادق التفصيل لانها بنحكم على كلامك لانى احنا بنشوفش حاجه
وربك المستعان
اولا - كل الشكر علي اهتمامك وردك المقنع جدا باشمهندس احمد
ثانيا - كل اللي حيلتي 23000 جنيه وكنت ناوي اشتري بيهم فيات اونو علي قد فلوسي
لكن ناس قلت لي ماتشتري اسكودا فليشيا محرك اشد وعربية برضه قريبه وناس تانيه
قالت ابعد عن الاسكودا سألت ( ليه فيها ايه ) قالوا بتسخن عربيه ناشفة
في كل الاحوال فضلت اتباع المثل اللي بيقول اسأل مجرب
وعليه طرحت السؤال
ااااسف جدا للاطالة
وبالمناسبة لست بجديد في السواقة بس الفلوس بتحكم
ومره اخري كل الشكر لك ولجميع اعضاء قسم الاسكودا
السلام عليكم
انا متاسف على التاخير على موضوع حضرتك لسبب العمل
و انتا كده عاملت الصح و هو انتا بتاخذ بالمشوره و ربنا معاك و انا معاك و يارب تكون المشوره فى الخير
حضرتك للك اختياران و هما
الاول حضرتك عاوز عربيه تقعد معاك فتره و تبيعها و تجيب غيرها يبقى الفيات اونو
ثانيا حضرتك عاوز عربيه تقعد معاك و تيبقى عشرة عمرك و اعتمادية متفرطش فيها يبقى سكودا
كده تمام
انا هكلمك عن تخصصنا و هو سكودا فلشيا
العربيه فى حد زاته بالنسبه ثمنها تعتبر ممتازه و امكانياتها كويسه كده انتا معايا
ليه لانى انتا بالمبلغ البسيط ده هتركب عربيه نوعا ما حديثه مش موديل 70 او 80 لا انتا هتركب موديل ما بعد 95 من سكودا
و غير كده شكلها عربيه شبابى و حمالة قاسية و انا هكلمك عنها شوية
( الصاج حدث و له حرج حاجه من الاخر محملها يعنى بودى قوووى صالون مريح جداااا عفشه كويسه تابلوه جميل فى شكله موتور 1300 سىسى كويس ليه علشان التوفير فى الاستهلاك و لو انتا مش بتاع حرق خليك بنزين 80 حنيين فى السعر
لو انتا بقى بتاع تسارع و جرى و غرز و القصه دى انا ما بنصحش بالتسارع و الغرز خليك بنزين 90 نيجى بقى للاشاعة و هى سكودا بتسخن قلى حضرتك اتكلمة عليها
الموتور ده زيز زى اى موتور فى عربيه لو انتا مش مظبطه تمام هيسخن
عيوبها
انى هى واطيه من الارض يعنى خلى بالك من الفتيس ليتخبط منك فى بلاعه او حجر و تخلى بالك من العتب بتاع العربيه هى دى بالنسبه للمشكله قلى بتقابلنى غير كده مفيش
المطلوب من حضرتك ايه لما تجيب العربيه وربنا يطرحلك فيها البركه قبل ما تجيبها تعرف ايه قلى فيها علشان متتصدمش
فيها
و تمسك العربيه مرحله مرحله هتلاقى كل مدى العربيه كفائتها بتعلى و بتيبقى تمام وزى الفل و لما تجيبها او عاوزنى افحصهالك هقولك هتعمل ايه و تاخدها مرحله مرحله علشان متبقاش صعبه عليك و المرحله قلى انتا بتعملها مبترجعلهاش تانى قلى لما تعملها السرفيس بتاعها .
ده كل قلى اقدر افيد بيه حضرتك و لعلى احد الاعضاء يضيف اضافة اخرى
اه نسيت اقولك مش اى ميكانيكى بيشتغل فيها
لانى لو حاجه بسيطه بتتبرجل العربيه و بتيبقى تعبانه لازم يكون واحد دايس فيها و عارفه عن ظهر قلب مع العلم انو الموتور بسيط جدااااا و بص فى حوض الموتور مفيش للعبكه كتير العفشه بسيطه الكهرباء بسيطه عاوز ايه تانى
يعنى مفيهاش حوررات بس هى فيها كده سنه حرفه
يارب اكون قدرت افيد حضرتك
م / احمد سيد
اخي واستاذي باشمهندس احمد
صادق التقدير والاحترام لشخصك الكريم ولاهتمامك بالرد علي موضوعي
ونصائحك لي تستحق كل الاحترام
عندما طرحت السؤال كان توجي نحو الاسكودا بطرازها الفليشيا بنسبة
65% ومع دخولي للقسم واستعراض محتواه واراء اعضائه الكرام ذادت
قناعتي بالسيارة الي 75%
ولكن ما احبطني هو المبلغ واسعار السوق والسيارة بالنسبة لي لن اقوم بتغيرها
قبل عامان او 3 علي الاقل
لذلك انا في حيرة من امري قناعتي بالسيارة وما احتكم عليه من المال
واخشي التوجه نحو الاونو بسب ما احتكم عليه لانها لا تقارن مع الفليشيا
سيارة محترمة بمعني الكلمة
لذلك سوف اتحلي بالصبر
انما للصبر حدود
شكلي طولت قوي
تحياتي لشخصك الكريم ولاعضاء القسم الرائع المتميز