اقول عدس !!!!!!!!
يا سيدى هى عجباة كدة و عجبانة كدة و عاجبة الى اشتروها كدة
يعنى كل الى اشتراها مش بيفهم في العربيات و حضرتك الوحيد الي فاهم
بصراحة الطريقة الى انت بتعملها غير مقبولة بالمرة فى القسم
قلت رايك مرة و اتنين و عشرة
و انا عن نفسي شايف انها تستحق مليون جنية
دة تقديرى لها مش عجبك تقديرى لها انت حر
اية الى مزعلك هو لازم كلنا نقول انت صح اما كدة اما هاتفضل تقول نفس الكلام و نفس المعنى و نفس المشاركة الى ما نهاية راعى شعور ملاك العربية شوية
وجهة نظرك وصلت من اول مشاركة
ياخى كفاية كدة عمال تطول فى الموضوع و احنا نلمة وانت مصمم تقلبها
الناس كلها ماسكة اعصبها معاك و اظن ان دة مش هايطول و صدقنى هاتطلع انت الغلطان
يا استاذ ايهاب الموضوع اللى انت عامله ده جدلى يعنى مالوش اجابة او نتيجة محددة......كل اللى اشترى عربية كان فى دماغه مجموعة متطلبات معينة فى ميزانية محددة و العربية دى هيا اقرب واحدة للمعادلة دى...يعنى انت مثلا كنت عايز فتحة سقف فيه واحد غيرك ولا عمره فكر فى الموضوع ولا عايزه حتى....انا عن نفسى نادرا مافتحه كانه مش موجود.....الغرض اللى عايز اقولهولك ان اى حد بيشترى بيسال و بيعرف و بيقارن بنفسه يعنى مش معقول واحد اشترى من غير ما يعرف السيراتو بكام ولا الفانتازيا بكام ولا الكلام ده عشان تيجى انت و تقوله ما كان قدامك العربية الفلانية....هو عايز العربية دى ولو انت مش مقتنع بيها دى تبقى مشكلتك انت بس مش مشكلته هو...
فى البداية احب اقول لحضرتك انى تابعت الموضوع من اوله لاخره و رد الاستاذ ايمن عليك من منطلق انه منسق عام القسم و شايف ان الموضوع حيقلب خناقة فطبيعى انه يحاول ينهى الموضوع الجدلى اللى انا مش شايف اى سبب لفتحه من الاساس حضرتك مش لسه حتشترى العربية و بتسال عليها حضرتك بالفعل معاك عربية عجباك و مريحاك يبقى فتح الموضوع بالعقل كدا ملوش الا سبب من اتنين يا اما حضرتك عايز الناس اللى لسه ما اشترتش العربية و بتفكر فيها تصرف نظر عنها يا اما حضرتك عايز الناس اللى معاها العربية تنزل تبعها و تجيب سيراتو يا استاذى الفاضل لولا اختلاف الازواق لبارت السلع و محدش بيدفع مبلغ فى عربية الا و يكون مفكر فيها كويس و مستريح لها زى حضرتك ما شايف السيراتو روعة و احد تانى شايفها حلوة قوى بس مش مريحاه و العكس فياريت حضرتك النقطة دى تكون و صلت ليك و تاكد ان كدا مفيش سبب لفتح الموضوع الا الجدال و دا حيزعل ناس كتير يبقى ملوش لازمة ارجو من حضرتك تقبل كلامى .
لولا إختلاف الازواق لبارت السلع
بالنسبه لمقارنات الفنيه اعتقد الكروز تكسب
بالنسبه لمقارنات الكماليات السيراتو تكسب
وانت اختار كماليات ولا فنيات
وكل واحد دماغه مريحاه
ورأي الشخصي السيراتو عربيه خطر على البني آدمين
والكروز غاليه على عربيه كوري بتمنها تجيب هوندا او كرولا أفضل
والكمال لله