فكترا a ععايز معلومات عن المواتير اللي بتتسقط فيها

السلام عليكم
الفكترا بتاعتنا
بتطلع بخر زيت من فايظ الزيت
اول مره اشوفه النهارده
هو مش قليل للأسف
المهم
هي كده عايزه طقم شنبر
وانا ليا تجربه مع حوار طقم الشنبر ده ومستريحتلوش في عربيه اخرى
فمش ناوي اعيد التجربه
دلوقتي
عايز اعرف لما الموتور روحه تطلع
احط نفس الموتور اللي راكب ولا فيه اختيارات افضل
هي فيها موتورها الاصلي
2000 سيسي
العربيه اوتوماتيك موديل 94

فهل المواتير بتاعت الموديلات الاحدث افضل ؟
ولا فيه موتور بعينه الناس بتسقطه افضل من موتورها ؟؟

استفسار تاني ...
انا بفكر احط دلوقتي زيت شنبر
انا سمعت عنه طراطيش كلام
لكن مجربتوش ومعرفش حد جربه
ايه رايكم فيه ؟؟ احط منه والا بلاش؟؟ وانواعه ايه وبكام ؟ عايز معلومات عنه

وعايز رغي ولت عجن مش حد يدخل يقول كلمتين وخلاص لان العربيه دي عامله كأنها اخويا :grin54:

حط زيت شنبر الأول
و لو هتسقط
نصيحة لوجة الله سقط نفس الموتور اللى عندنا
عشان لا تخش فى حوار تعديلات و كنترولات و كلام زى ده

طناني بيه
افادكم الله
طيب انا برضو عاجبني الموتور بس قلت لو فيه حاجه افضل او حاجه
تمام كده
حوار الموتور ده بقى بيتكلف كام ؟؟

وزيت الشنبر ده تعرف عنه ايه ؟

هات ريسورس افضل
ب85 جنيه بس ناس كتير شكرت فيه

ثانك يو

الريسورس ده ماركه زيت شنبر ولا حاجه غير زيت الشنبر اصلا ؟

العفو يا باشا

و الله العظيم لو غيرت الموتور بموتور لموديل تانى لا هتتعب اشد تعب
يا راجل خلى العربية على وضعها
و خصوصا ان الصنايعية عندنا مش فاهمين
و فى الاخر العربية تتقل و تبقى على كل لون
فعلى اية الغلبة دى
بيع العربية و اشترى موديل احدث على ابوة و لو مش عايز تغيير العربية يبقى غير الموتور بموتور زية بالظبط و بكدة يبقى انت حييت العربية من جديد
شوف و برضوا اللى انت مقتنع بية
و ربنا يوفقك

الموديل ده بينزله كذا موتور
1 1300
2 1600
3 1800
4 2000
5 2400 الموتور الاحمر وده بينزل بالتيربو بتاعه وسحبه خرافى
وبرضو بتنزل جر امامى و دفع خلفى وجر رباعى شوف انتا معاك كام ودماغك فيها ايه

العربية على اصلها احسسسسسسسسسسسسسسن

اقتباس:

---

المشاركة الأصلية كتبت بواسطة cayman69300

و الله العظيم لو غيرت الموتور بموتور لموديل تانى لا هتتعب اشد تعب
يا راجل خلى العربية على وضعها
و خصوصا ان الصنايعية عندنا مش فاهمين
و فى الاخر العربية تتقل و تبقى على كل لون
فعلى اية الغلبة دى
بيع العربية و اشترى موديل احدث على ابوة و لو مش عايز تغيير العربية يبقى غير الموتور بموتور زية بالظبط و بكدة يبقى انت حييت العربية من جديد
شوف و برضوا اللى انت مقتنع بية
و ربنا يوفقك

---

تمام ياباشا الف شكر انا برضو حاسس بكده
بس كنت فاكر الناس بتسقط الاحدث او حاجه فقلت اتاكد

اقتباس:

---

المشاركة الأصلية كتبت بواسطة sniperfox

الموديل ده بينزله كذا موتور
1 1300
2 1600
3 1800
4 2000
5 2400 الموتور الاحمر وده بينزل بالتيربو بتاعه وسحبه خرافى
وبرضو بتنزل جر امامى و دفع خلفى وجر رباعى شوف انتا معاك كام ودماغك فيها ايه

---

لو ال 2400 موجود كانت العربيه دي بقت مصيبه ههههههههههه ده ال 2000 مبهدل الدنيا

اقتباس:

---

المشاركة الأصلية كتبت بواسطة mhbcas

العربية على اصلها احسسسسسسسسسسسسسسن

---

الراي ده كده بالاجماع

ايوه اجماع يا باشا

موافقه
هي دي الديمو قراطيه

الموتوربتاعنا بقى ده يعمل كام ؟

فى حدود 2500 - 3000 كامل

زيت ريسورس زيت حلو جدا انا كنت حاطه فى العربيه القديمه بتاعتى وفعلا منع الدخان من الشكمان بس خلى بالك ده بيتحط على زيت جديد مش زيت شغال فى العربيه قبل كده وممكن كمان تحط عبوه تانى بعد ماتمشى ب100كيلو وفعلا زيت هيعجبك جدا

تكرم ياباشا

جامد التوقيع اللى فيه بقر ده
ومتسالنيش البيضا ولا الحمرا
هههههه